VOV4.K’ho - Kuang đơng lam Sở Y tế càr Dak Lak pà gĭt, càr do pa geh gŏ tai dùl nă cau gơtờp mờ virus Sars CoV-2 gơrềng tus mờ tiah gơtìp kòp bơh ƀòn dờng Hồ Chí Minh. Cau kòp do là bi Đ.H.Đ, deh nam 1993, tàm ƀòn Ea Duất, xã Ea Wer, kơnhoàl Buôn Đôn, càr Dak Lak.

    Xét nghiệm mhar tềng anih gròi sền kòp gơtờp xã Hoà Phú, ƀòn dờng Buôn Ma Thuột càr Dak Lak

Bi Đ là công nhân lơh broă tàm công ty lĭp kơl dung Quảng Huy, geh anih lơh broă tàm sồ hìu 894 gùng 1A, sơnah ƀòn Bình Trị Đông A, quận Bình Tân, ƀòn dờng Hồ Chí Minh. Tŭ do, gah lơh sơnơm càr Dak Lak neh tam cah is tơrgùm bal mờ ai mẫu xét nghiệm gơwèt mờ 18 nă cau là F1 bơh bi Đ dê. Do là ală cau neh tìp mờ bi Đ. Tàm tŭ bi tus hờ hìu sơnơm yal mờ xét nghiệm mhar. Hìu sơnơm kơnhoàl Buôn Đôn kung neh bơyai lơh ƀồm sơnơm lơh kloh vi khuẩn tàm tiah kis gùt dar hìu mờ suơn bi Đ, mờ hìu sơnơm xã Ea Wer.

Cau mblàng Ndong Brawl