VOV4.K’ho- Jơnau bơh Mpồl đơng lam rơcang sơndră mờ kòp Covid-19 càr Dak Lak yal, tus ngai òr (20/07), càr do neh gŏ tai 8 nă cau gơtìp kòp Covid-19. Jăt mờ hơ̆, 8 nă cau gơtìp pa do geh 3 nă cau tàm ƀòn dờng Buôn Ma Thuột, 2 nă cau tàm kơnhoàl Cư̆ Kuiñ, 1 nă cau tàm kơnhoàl Ea H'leo, 1 nă cau tàm kơnhoàl Ea Súp mờ 1 nă cau tàm thị xã Buôn Hồ.

         Uă tiah pal wàng se kơryan tài gơrềng bơh mpồl cau gơtìp kòp rơndeh Tiến Oanh

Tàm khà 3 nă cau pa geh gŏ gơtìp kòp tàm ƀòn dờng Buôn Ma Thuột, geh sền ngăc ngar là cau N.V.T geh hìu ơm kis tàm ƀòn Hiệp Lợi, xã Quảng Hiệp, kơnhoàl Cư̆ Mgar là cau jào phan bơh hìu tăc phan Viettel tàm sồ hìu 132 gùng Hai Bà Trưng, ƀòn dờng Buôn Ma Thuột. Cau do neh lòt tus gĭt nđờ rơhiang anih, tìp mờ uă cau tàm ƀòn dờng. Tus tŭ do anih lơh broă geh gơnoar neh jòi geh 33 nă cau F1 mờ 23 nă cau F2 gơrềng tus mờ ală cau do mờ broă jòi tai ală cau gam geh lơh jăt.

Cau mblàng Ndong Brawl