VOV4.K’ho - Tơnơ\ tu\ geh 5 tiah geh kòp jê ndul gơ jroh sur châu Phi mờ 157 nơm sur gơtìp tơp pơrguc tàm xã Ea Bung mờ Ea Rôk, kơnhoàl Ea Sup, càr Dak Lak, gơnoar atbồ kơnhoàl neh lam lơh mơ ală broă lơh kơryan kòp. Mờ bơta lơh broă jal mhar, jơh nùs mờ geh kơnòl uă bơh gơnoar atbồ, anih lơh broă geh gơnoar mờ hìu bơnhă ròng sur dê, den tàng tơnơ\ 10 ngai geh kòp, kơnhoàl Ea Sup ờ hềt geh tai tiah geh kòp pa.

Tơnơ\ 10 ngai mpồl sur bơh hìu bơnhă dê gơtìp kòp jê ndul gơ jroh sur châu Phi lơh aniai mờ pal tơp pơrguc, hìu bơnhă bi Cao Ngọc Đình, ơm tàm thôn 18, xã Ea Rôk, kơnhoàl Ea Sup gam pơn jat tai lơh ală broă lơh [ồm sơnơm lơh kloh kòp gùt dar wàng ròng sur. Bi Đình pà git, kơnờm bơta lơh broă di tu\ bơh anih lơh sơnơm phan ròng dê, den tàng mpồl sur gơtìp kòp lơh aniai bơh hìu bơnhă bi dê geh bơsong mhar ngan, bơh hơ\ neh tơrmù [à bơta bơ tờp uă bơh kòp dê tus hờ tiah ơm kis gùt dar. Bi Cao Ngọc Đình pà git: Dờp geh jơnau yal cồng nha sền gròi sur gơtìp kòp jê ndul gơ jroh sur châu Phi den hìu bơnhă bol a` dê kung lơh jat ală jơnau pơlam [ồm sơnơm lơh kloh kòp, mờ rơsìh vôi nàng rơcang sơndră bơ tờp kòp tus ală hìu bơnhă ndai. Hìu bơnhă bol a` kung lơh jat di jơnau pơlam bơh anih lơh sơnơm phan ròng dê.

Ơm kis bal tàm thôn mờ hìu bi Đình, den tàng tơnơ\ tu\ klo yal mpồl sur hìu bơnhă bi Đình dê pal tơp pơrguc tài kòp jê ndul gơ jroh sur châu Phi, mò Nguyễn Thị Nguyên ờ suk ngan ai mpồl sur 100 nơm bơh hìu bơnhă mò dê. Nàng rơcang lài kơryan bơta bơ tờp bơh kòp dê, sùm 1 ngai 2 dơ\, mò Nguyên neh rơcang rơsìh vôi bòk, [ồm sơnơm lơh kloh kòp ai mpồl sur hìu bơnhă mò dê. Kơnờm bơh hơ\, tus tu\ do, mpồl sur hìu bơnhă mò dê kung gam pràn kơldang, dờng bè ờs: Klo yal geh kòp jê ndul gơ jroh sur châu Phi là hìu bơnhă kung rơcang lài sơndră mờ kòp den tàng geh rơsìh vôi mờ [ồm sơnơm lơh kloh [ơ\.

Kòp jê ndul gơ jroh sur châu Phi gơlik geh tàm kơnhoàl Ea Sup, càr Dak Lak tàm bồ nhai 6 nam 2019 tàm Pôs ling sền gàr tiah nhàr dà lơgar 741 gơ wèt xã Ea Bung mờ 2 hìu bơnhă ròng sur tàm thôn 18, thôn 12, xã Ea Rôk mờ 157 nơm sur bơ tờp kòp. Tơnơ\ tu\ geh kòp, Trạm ròng phan mờ lơh sơnơm phan ròng kơnhoàl Ea Sup neh pơgồp bal mờ gơnoar atbồ tàm [òn lơgar tơp pơrguc jơh mpồl sur bơh 3 tiah geh kòp dê. Mơkung lam lơh jal mhar ală broă lơh rơcang sơndră kòp bè rơsìh vôi bòk, [ồm sơnơm lơh kloh kòp tàm gùt tiah ròng phan; sồr mpồl lơh broă mờ ală hìu bơnhă ròng sur ờ pơndiang ntrờn, ting lềng, tac gơ jă gơ jal, lơh poac sur. Ồng Đinh Xuân Hồng, Chủ tịch UBND xã Ea Rôk pà git: Tu\ mờ git loh bơta gơlik geh bè hơ\ den xã neh lơh gơs mpồl đơng lam mờ crơng gơs mpồl tơp pơrguc nàng lam lơh kơnòl tơp pơrguc ală wàng ròng bơ tờp kòp. Dơ\ 2 là yal tơnggit tàm jơh ală gah, jơh bal mpồl lơh broă chính trị lơh broă, mblàng yal làng bol in git bè broă lơh rơcang sơndră kòp, dilah sền go\ pin digơlan geh kòp den yal mơ gơnoar atbồ tàm [òn lơgar in.

Ồng Nguyễn Văn Đậu, kuang atbồ Trạm ròng phan mờ lơh sơnơm phan ròng kơnhoàl Ea Sup đơs bè ală broă lơh kơryan kòp bơ tờp: Bol a` rrơcang lài [ồm sơnơm lơh kloh kòp, mơkung pơgồp bal mờ làng bol lơh bal mờ mpồl rơcang sơndră kòp xã dê rơsìh vôi tàm gùt bă tiah wàng ròng mờ tiah ròng phan, mơkung ờ huan lòt rê tàm ală tiah geh kòp nàng pleh bơ tờp kòp.

Kơnờm bơta rơcang lài tàm broă lơh rơcang sơndră kòp bơh cau ròng phan dê, bơta lơh broă di tu\ bơh anih lơh broă geh gơnoar dê, tơnơ\ 10 ngai git go\ kòp, tus tu\ do, tàm xã Ea Rôk mờ Ea Bung, kơnhoàl Ea Sup, bơta kòp lơh aniai tàm mpồl sur neh ờ gam tai. Ală xã rềp bal ờ hềt sền go\ sur geh kòp jê ndul gơ jroh châu Phi.

  Cau mblàng K'Duẩn