VOV4.K’ho- Dăk Lăk là càr geh bă ù mờ kơphê lơh geh uă ngan rlau jơh gùt lơgar. Bulah bè hơ\, uă ngan là bă kơphê neh kra, jo\ sơnam, cồng nha lơh geh dùl êt ngan. Broă lơh tam pa wơl kơphê tơngai bơh nam 2014- 2020 tàm Dăk Lăk mìng tam bơh sơntìl pa, neh rơhời tơnguh cồng nha lơh geh mờ bơta niam, pơgồp bơnah bơtàu tơnguh gah phan kơphê kơ\ kơl jăp jo\ jòng.

Bơh 6 nam lam lơh broă lơh tam pa wơl kơphê, kờp jơh bă kơphê tam pa wơl mờ bơkiar lơh tam gơl pa tàm Dăk Lăk là rlau 35 rbô 400 lồ, lơh geh rlau 85% pơndrờm mờ broă rơndăp lơh. Broă tam pa wơl kơphê neh pơgồp bơnah kuơmàng tàm broă tơnguh uă cồng nha lơh geh mờ bơta niam bơh kơphê Việt Nam dê.

Mờ Dăk Lăk, tơnơ\ tu\ tam pa wơl, kơphê lơh geh neh gơguh bơh 20 tạ tus 25 tạ tàm dùl lồ. Kuơmàng, ală bă kơphê tam pa wơl geh sền gàr niam bè sơntìl mờ bơta chài den tàng cồng nha lơh geh kờp bal là geh mờr 28 tạ tàm dùl lồ, gơguh pơgăp 3 tạ tàm dùl lồ pơndrờm mờ cồng nha kơphê lơh geh tu\ do.

Cau mblàng Lơ Mu K’Yến