VOV4.K’ho- Tàm càr Dak Lak, rlau 1.300 lồ bùm blàng neh gơtìp bơtờp kòp croăn nha. Do là bơta kòp dơ\ sơn rờp gơbàn tàm Dak Lak, gam geh bơta pơhìn gơ tờp ơnàng, lơh hoàc huơr uă ngan bè lơh sa .

Kàl bùm blàng nam do, mò Đỗ Thị Liên ơm tàm thôn 3, xã Cư M’lan, kơnhoàl Ea Súp, càr Dak Lak tam mờr 4 lồ bùm blàng. Mơya, rlau 6 nhai do, bulah hìu bơnhă mò Liên dê neh blơi uă ngan bơta sơnơm nàng sơm kòp mơya mìr bùm blàng kung ờ go\ jơh kòp. Jơh suơn bùm blàng nha gơtìp croăn mờ gơlik rơmi\t gơ rề uă ngan. Mò Liên pà g^t: uă nam tam bùm blàng ờ hềt geh nam lơi gơtìp bơta kòp bè do.

Bơh ngai tam, bùm blàng hòn gơs niam ngan mơya pơgap 20 ngai tơnơ\ hơ\ den nha gơlơh gơ bơrtoh sèt jơh nha. Hìu bơnhă tus tàm anih tăc sơnơm phan tam, den geh pơlam ngui ală bơta sơnơm nàng [ồm rcang sơn dră kòp. Hìu bơnhă [ồm uă ngan dơ\ sơnơm mơya tus tu\ do bùm blàng 6,7 nhai mờ nha bùm blàng gơtìp kòp bơsềt, bùm blàng ờ gam gơtùi gơs mờ pràn tai.  

Jat Sở Nông nghiệp mờ Phát triển Nông thôn càr Dak Lak, tu\ do neh geh rlau 1.300 lồ bùm blàng gơbàn kòp croăn nha, tơrgùm uă ngan tàm ală kơnhoàl Ea Súp, Krông Bông mờ Buôn Đôn. Gah lơh broă sa suơn sre Dak Lak gam mblàng yal, bơto pơlam làng bol in ală broă lơh kơryan bơtờp kòp uă bơh kòp dê, bè: dus, sang te\ jơh tờm bùm blàng bơtờp kòp, po\ sờr ù, lơh kloh niam ù, [ồm sơnơm gơ sơ\t nhui cùr kò, chu pơrgu\c tờm chi gơbàn kòp.

Ông Nguyễn Hoài Dương, Giám đốc Sở Nông nghiệp mờ Phát triển Nông thôn càr Dak Lak pà g^t, jơnau lơh gơbàn bă ù tam bùm blàng croăn nha là tài bơh lài do làng bol blơi sơntìl gơbàn kòp kòp bơh càr Tây Ninh rê tam. Sở Nông nghiệp mờ Phát triển Nông thôn tơngkah lài làng bol ơm te\ tam bùm blàng tàm bă ù neh gơbàn kòp uă ngan rlau jơh là 1 kàl. Tu\ blơi sơntìl pal rơ wah ală anih mìng geh sơn tìl kloh niam ờ geh kòp mờ geh pin dờn.

Bol a` kung neh geh sră nggal mờ cribơyai mờ UBND càr pơn jat tai geh jơnau đơng lam nền cê nàng kơryan gơbàn kòp tàm ală kàl tam mờr tus do. Kuơ màng là pal gròi sền gơtùi sơntìl dilah ờ lơh niam broă lơh gròi sền sơntìl den kòp geh bơtờp uă mờ lơh hoàc huơr uă ngan tus broă lơh sa bơh làng bol dê.

Gah lơh sa suơn sre tơngkah: broă lơh niam ngan rlau jơh nàng kơryan kòp bơtờp uă tu\ do là chu pơrgu\c tơn jơh ală bă ù tam bùm blàng neh bơtờp kòp. Mơkung, gơ wèt bal mờ ală suơn bùm blàng gơbàn bơtờp kòp neh geh chu pơrgu\c, den tơnơ\ dùl nam hơ\ sồng tam wơl.

Cau mblàng K’ Hạnh