VOV4.K’ho- Drim òr 24/10, Sở Nông nghiệp mờ Phát triển Nông thôn càr Dak Lak bơyai lơh Pơrjum sền swì cồng nha lam lơh ală anih lơh gơlik phan sa lơh geh bơh sươn sre, brê bơnơm, phan tàm dà kloh ờdo ờdă mờ tàm tơrbo\ kă bro ală anih lơh gơlik, kă bro phan sa kloh ờdo ờdă tàm càr.

Tơnơ\ 2 nam lơh ală anih lơh gơlik phan sa kloh ờdo ờdă, tus tu\ do, càr Dak Lak neh geh 22 anih geh pà sră cơng tàng VietGap, uă ngan mìng là ală phan bơna geh bơh tam phan mờ ròng phan. Digơlan tus lồi nam 2018 do, khà anih lơh gơlik mờ kă bro phan sa geh pà sră cơng tàng VietGap geh gơguh pơgăp 30 anih.

Geh 70 Hợp tác xã lơh broă sa sươn sre lơh bal, lơh gơlik phan lơh geh bơh sươn sre ai mpồl lơh sa kă bro in; 342 anih ròng phan lơh bal mờ Công ty Cổ phần CP Việt Nam jat broă lơh ròng phan.

Mơya, Dak Lak kung gam uă sơl bơta kal ke tàm broă lơh ală anih lơh gơlik phan sa, phan lơh geh bơh sươn sre, brê bơnơm, phan tàm dà kloh ờdo ờdă, tài bơh ờ hềt geh tiah lơh sa di tơl dờng; broă lơh atbồ phan sa bơh càr ndai tơmu\t tàm càr gam ờ hềt pràn jak. Priă tă lơh kơldung prăp, mat, tem đal gi\t lơh tơnguh priă tăc phan bơna den tàng ờ hềt geh uă anih sền gròi kờ` lơh.

Cau mblàng Lơ Mu K’Yến