VOV4.K’ho- Kòp jê ndul gơjroh sur châu Phi kung gam là bơta pơhìn uă ngan gơ wèt mờ gah ròng phan càr Dăk Lăk dê, tu\ tàm nam, gah lơh sơnơm phan ròng sền go\ 133 tiah geh kòp mờ mờr 1 rbô 600 nơm sur bơtờp kòp. Dăk Lăk gam lơh pràn ală broă lơh rơcăng sơndră kòp, nàng kờ` lơh gơlik tơl puăc sur tăc tàm drà lồi nam mờ sa tềp bơhiàn lơgar he dê in.

Muh măt gơlơh muăt jrùm sền tàm ală wàng ròng sur lời gời gam geh dă dùl tăp vôi bò, mò Phạm Thị Lợi ơm tàm tổ dân phố Thống Nhất, thị trấn Ea Pôk, kơnhoàl Cư Mgar, càr Dăk Lăk pà gi\t: Do là nam dơ\ 2 pơn jăt sùm, sur hìu bơnhă dê gơtìp chơ\t jơh. Gi\t nđờ bơta gơn kơnờm tàm dơ\ sur ròng nàng tăc tàm dơ\ sa tềp ndrờm gơ dô roh jơh te\. Mò Lợi yal: Bơh sơnrờp geh dùl nơm sur me tu\ neh deh kòn den ờ gơbài sa, tơnơ\ hơ\ sồr cau ci\t sơnơm sur in, tu\ neh ci\t den ngai tơnơ\ sur gơ sa wơl, tơnơ\ hơ\ sur ờ gơbài sa tai mờ bè hơ\ là chơ\t, tu\ do sur gơtìp bè hơ\ lơm, nisơna gơ ờ go\ sa tai mờ chơ\t. Nam lài, kung neh gơtìp sơl, geh dà lơgar dong kờl dùl êt nàng blơi wơl nàng bơtờp sơntìl nàng deh kòn, tu\ do ờ go\ gi\t là sur gơtìp ờ bơtuah ngan bè hơ\, tu\ do ờ go\ gi\t lơh bè lơi tai.

Dơ\ bơtờp uă kòp jê ndul gơjroh sur châu Phi neh lơh bơtờp tus jơh 45 nơm sur bơh hìu bơnhă bi Nguyễn Hồng Quân dê

Ndrờm bè mò Lợi sơl, dơ\ bơtờp kòp pràn ngan sơnđan măt là kòp jê ndul gơjroh sur châu Phi kung lơh bơtờp jơh 45 nơm sur bơh hìu bơnhă bi Nguyễn Hồng Quân dê, ơm tàm [òn Bang, xã Ea Yông, kơnhoàl Krông Pach. Dơ\ bơtờp kòp kơn jơ\ ngan neh gơlời wơl hoàc hươr hìu bơnhă bi in rlau 130 tơlak đong mờ jơnau kah đà ngan bè rềs àr gơtìp tàm tu\ ròng phan dùl êt mờ ròng rah rài. Bi Nguyễn Hồng Quân đơs: Ală ngai sơnrờp sur ờ gơbài sa, rơhời den sur rơgai ờ pràn mờ gơtìp duh să, să jan sur dê gơtìp gơ ur mhàm mờ tơnơ\ hơ\ gơtìp chơ\t. Ngai sơnrờp chơ\t 8 nơm, ngai dơ\ bàr 13 nơm, ngai dơ\ 4 là chơ\t jơh tơn, kờp jơh là chơ\t 45 nơm. Tơnơ\ dơ\ kòp do, hìu bơnhă a` ai geh jơnau bơsram mờ geh lơh niam wơl broă ròng phan jăt di bơta chài mờ bơsong wàng ròng pal lơh niam.

Krông Pach là kơnhoàl geh sur gơtìp tơ\p pơgru\c uă ngan rlau jơh càr Dăk Lăk dê tàm nam 2020. Mìng tàm 3 poh bơh nhai 10 dê, 38 tiah geh kòp neh gơbàn tàm 7 tàm kờp jơh 16 xã, bal mờ 487 nơm sur gơtìp kòp mờ tơ\p pơrgu\c. Ồng Phạm Bá Bàng, Kuang ătbồ Anih lơh sơnơm phan ròng kơnhoàl Krông Pach, pà gi\t, tềng đăp bơta gơbàn kal ke ngan bơh kòp dê, gah lơh sơnơm phan ròng kơnhoàl dê neh pà 200 li\t dà sơnơm bong sồt mờ kơryan kòp nàng lơh jăt broă lơh loh khuẩn tàm ală tiah geh kòp mờ tiah gùt dar. Mơkung lơh pràn broă lơh lòt sền, gròi sền mờ mblàng yal, hòi jà làng bol ràu goh wàng ròng, ròng siam phan ờdo ờdă sinh học, lơh jăt “5 ờ” tàm rơcăng sơndră kòp. Ồng Phạm Bá Bàng đơs: Anih lơh sơnơm phan ròng kơnhoàl neh mờ gam lam lơh kơryan kòl tàm jơh ală tiah gam geh kòp mờ geh bal ală tiah pơhìn bơtờp kòp uă. Anih lơh sơnơm phan ròng neh crơng gơs 2 mpồl lơh broă mhar tus tơn jăt sền bơta gơbàn bơh kòp jê ndul gơjroh sur châu Phi dê, bal mờ hơ\ mblàng yal ai làng bol in bè broă lơh rơcăng sơndră kòp, tàm hơ\ mìng là [ồm sơnơm kơryan kòp mờ ràu goh wàng ròng nàng kơryan kòp lơh bơtờp.

Tơnơ\ uă broă lơh ngan rơcăng sơndră kòp, kòp jê ndul gơjroh sur châu Phi tàm Dăk Lăk neh ờ huan gơbàn đau, mơya kung gam sơl 9 tiah geh kòp ờ hềt rlau 21 ngai. Ồng Thủy Lệ Vũ, Phó Kuang ătbồ Chi cục lơh sơnơm phan ròng càr Dăk Lăk, pà git: tơnơ\ tu\ sền go\ tơn ală tiah geh kòp jê ndul gơjroh sur châu Phi, Chi cục neh lam ală mpồl lòt sền broă lơh rơcăng sơndră kòp tàm ù tiah jơh gùt càr dê; pà 2 rbô 100 li\t dà sơnơm ai ală anih lơh sơnơm phan ròng in nàng sơndră kòp. Chi cục kung neh sồr mpồl lơh sơnơm phan ròng kơnă hơđơm pơn jăt tai tus tàm tiah geh kòp nàng sền mờ lơh jăt broă lơh [ồm sơnơm kơryan kòp, lơh sàng goh jơh ală anih ròng phan bơh ală hìu bơnhă làng bol mờ tiah gùt dar ală tiah geh kòp dê. Mơkung sơlơ gròi sền tai broă lơh jun ntrờ` sur lik mu\t tàm tiah do. Jăt ồng Thủy Lệ Vũ, ală broă lơh pa yal mìng là broă lơh bơsong ing gời lơm, ai bè jo\ jòng, den kờ` gah ròng phan bơtàu tơnguh kơ\ kơl jăp den broă lơh niam ngan rlau jơh hơ\ là ròng siam phan ờdo ờdă sinh học. Ồng Thủy Lệ Vũ, đơs: Sở Nông nghiệp kung bơto sồr ală tiah ngan là 9 tiah geh kòp ờ hềt rlau 21 ngai pal gròi sền sur bơtờp kòp mờ ờ hềt bơtờp kòp nàng đal gi\t geh bơta pơhìn. Dơ\ 2 là sồr jơh ală sur pal geh gơ sơ\t lơh puăc tàm bơnhă gơ sơ\t lơh puăc tơrgùm bal, geh sră gròi sền kòp bơh anih lơh broă gah lơh sơnơm phan ròng dê mờ geh to\p [ang kị den hơ\ sồng geh ai tăc bro. Mờ broă lơh kuơmàng ngan rlau jơh kung là broă lơh [ồm sơnơm kơryan kòp sơl, lơh jăt broă lơh ròng phan ờdo ờdă sinh học den hơ\ sồng kơryan geh kòp lơh bơtờp.

Kuang bàng lơh sơnơm phan ròng kơnhoàl Krông Pach tơ\p pơrguc sur gơtìp kòp

Tềng đăp ală bơta gơbàn kal ke bơh kòp jê ndul gơjroh sur châu Phi dê, càr Dăk Lăk pal lơh ngan tai dùl tu\ tơngai tai den hơ\ sồng gơtùi kơryan geh kòp bơtờp. Cau ròng phan tàm càr gơn kơnờm là broă bơtàu tơnguh ròng phan jăt gùng dà ờdo ờdă sinh học geh lơh geh cồng nha, pleh geh hoàc hươr mờ cèng wơl uă bơta kuơ.

Cau cih Nam Trang- Cau mblàng Lơ Mu K’Yến