VOV4.K’ho - Chi cục phan ròng mờ lơh sơnơm phan ròng càr Dak Lak pa bơyai lơh tơp pơrguk git nđở rbô nơm ơda gơbàn kòp pluh tàm dùl trại ròng ơda tàm kơnhoàl Krông Bông. Do la  tiah gpbàn pluh sơnrờp geh  git go\ tàm Dak Lak tàm nam do. Kòp pluh  iar ơda neh gơbàn wơl geh lơh ua\ ngan cau ròng phan tàm càr Dak Lak ờ suk ngan.

            Sền mpồl ơda rlau 2.500 nơm neh pal lòt tơp pơrguk tầi gơ tờp kòp pluh AH5N6, mò Lê Thị Sáu kis tàm [òn 2, xã Hoà Lễ, kơnhoàl Krông Bông, càr Dak Lak nhìm sùm. Tài pơgap mờ do ờ hềt tus 2 nhai bơcri ròng ơda do, hìu nha\ neh  roh sơbì gời 160 tơlak pria\. Mò Sáu ai git, rlau 13 nam  ròng ơda ê tàm sre, ờ hềt tu\ lơi mò gơbàn ơda chơt bè  nam do. Mìng tàm 3 ngai gơbàn   pluh ơda hìu nha\ mò neh  chơt mờr 1 rbô nơm:

            Tàm ala\ ngai lài gam lòt ê ơda  bè ờs, mìng 2, 3 ngai do den ơda neh chơt nisơna. A` kung neh geh cit sơnơm rcang lài, tơn hùc sơnơm tơl mơya tàm ala\ ngai do ơda chơt mờ  ờ thàn lơh bơta lơi.  Tài bơh he gơbàn ua\ dồs gloh den tàng lơh ngan ròng ua\ nàng tac geh pria\ tơm dồs,  gơlik slơ dồs rlau wơl.

            Ờ mìng ơda bơh hìu nha\ mò Sáu gơbàn pluh mờ jat ồng Doãn Đình Thắng, atbồ [òn 2, xã Hoà Lễ, lài hơ\ di dùl poh,  ua\ hìu rờng ơda tàm [òn neh chơt mờ ơda  chơt rlau 10 rbô nơm. Bulah bè hơ\ bơh làng bol pồn ờ yal mờ gơnoar atbồ mờ anih lơh sơnơm phan ròng in git:

            Tàm [òn 2, Hoà Lễ bol a` geh 5 hìu ròng, mơya 5 hìu ròng den ơda neh jơh chơt bloh sang anih ròng khi rê jơh bloh. Khi ờ yal den  he ờ gơtùi lơh broa\.  Khà ơda chơt lài hơ\ di 10 rbô nơm. Làng bol khi ròng is,  tu\ gơbàn kòp pluh den phan bơna khi  ròng tàm ơda la ua\ pria\ ngan. Làng bol khi ờ  khin yal, dilah khi yal ngòt tơp pơrguk den phan bơna khi  roh jơh.  Den tàng khi neh lơh ngan cit sơnơm tu\ ơda chơt jơh khi  chu pơrguk is.

            Tu\ do, ua\ tiah ngan tàm càr Dak Lak gam mut tàm kàl tơnhàu kòi. Do la tu\  nàng cau ròng phan ngui phan jơng kah bơh kòi nàng ròng ơda gơ pờ tàm sre. Dilah ơda ờ geh cih sơnơm  tơl den bươn ngan gơbàn pluh.

            Ồng Trần Cao Khải- Chi cục phó Chi cục ròng phan mờ lơh sơnơm phan ròng càr Dak Lak ai git,  bơh ai bơta sền mhàm  virut pah nam den drờm geh  virus tàm ala\ mpồl ơda pràn kơldang. Dak Lak gam mut tàm tơngai tam gơl kàl den tàng geh bơta bươn lơh virus geh lơh   iar ơda gơbàn kòp mờ gơlik pluh:

            Jat geh cih bơh UBND càr Dak Lak, jơh ala\ hìu ròng ơda bơh 100 nơm   rlau mờ hơ\ mờ  iar bơh 500 nơm rlau mờ hơ\ drờm pal blơi vaccine cit rcang sơndra\ kòp ai  iar, ơda hìu he in. Tu\ do, bol a` gam lùp sền nàng  git geh  ala\ bơta mờ khà ơda bơh tiah gùt dar. Mơ kung bol a` geh mblàng ala\ làng bol pal cit sơnơm pluh iar ơda nàng sền gàr iar ơda he.

             Chi cục ròng phan mờ lơh sơnơm phan ròng càr Dak Lak đơs lài mờ cau ròng  iar, ơda gùt càr ba` blơi ala\ sơntìl iar ơda ờ git loh. Tu\ iar ơda chơt làng bol ba` sang bu ba tàm sre, tàm blàng. Bal mờ hơ\,  cau lơh sơnơm phan ròng pal lơh ngan lòt sền, sền gròi ba` lời gơlik pluh bơtờp lơh hoàc  hươr lơh sa  ai cau ròng phan in.

          Cau mblàng K’ Brọp