VOV4.K’ho- Tài bơh gơrềng bơh kòp jê ndul gơjroh sur châu Phi, sur ròng ờ huan geh uă den tàng neh lơh priă tăc puăc sur tàm ù tiah càr Dăk Lăk dê gơguh uă ngan, gơguh uă rlau 2 dơ\ pơndrờm mờ ală nhai lài. Bơta do ờ mìng lơh cau ngui sa in kơlôi rcăng lơm gời mờ geh bal cau kă bro puăc sur kung gơ ơm tàm rài kis `ă ntàu ờ suk ờ iang sơl.

Pờ anih ràng tăc phan bơh gờ` ngan mơya tus mờr klo ngai, anih ràng tăc kung gam bềng sơl puăc sur, bi Nguyễn Thị Ty là dùl nă cau kă phan tàm drà dờng Buôn Ma Thuột muăt jrùm đơs, rlau jơ\t nam kă bro ờ hềt geh nam lơi gơtìp bè nam do. Bi Ty pà gi\t, lài do năc blơi dùl dơ\ tus jơ\t ki\ tơn puăc sur, tu\ do mìng blơi bàr pe gràm lơm. Drà ờ geh cau blơi phan lơh bi gơmù nggùl khà phan tăc pơndrờm mờ lài do, pah ngai mìng blơi bơh 30 tus 40 ki\ puăc sur lơm nàng rê ràng mơya tăc kung ờ jơh sơl tài bơh puăc sur tăc gơguh uă ngan priă.

Bi Nguyễn Thị Ty muăt jrùm yal: Kas ngan ir bờh, 4 ki\ kơphê den hơ\ sồng tơl priă nàng blơi dùl ki\ puăc sur, den `cau mờ khin sa? A` ơm ờ tăc dùl nhai do gơ bloh, ngai do a` sồng lòt tăc wơl do, pa tăc ngai do là ngai dơ\ puan. Anih ràng tăc phan do a` neh ràng tăc di 9 nam do, dilah ờ den a` kung jàu wơl cau in sơl, a` tăc ờ jai, ờ geh cồng ih. Tăc dùl ngai geh dùl êt ngan, tăc mìng nggùl nơm sur lơm mơya tăc bơh drim tus jiơ do kung ờ hềt jơh sơl, tăc ờ yòm ngan.

Anih ràng tăc puăc sur tàm drà dờng Buôn Ma Thuột ờ geh cau blơi

Ndrờm bè jơnau bơh bi Nguyễn Thị Ty dê sơl, bi Vũ Thị Hạnh Khuyên geh anih ràng tăc rềp tềng hơ\ tơn sơl kung gơ ơm tàm bơta ràng phan ờ geh cau blơi sơl, tăc ờ go\ yòm bè lài. Bi Hạnh Khuyên pà gi\t, ờ hềt tu\ lơi mờ priă tăc puăc sur gơguh mhar ir bè ơseh ntoăt bè tơngai pa do. Tu\ do, puăc sur ba chỉ, puăc pơnì tăc bơh 110 rbô đong dùl ki\; puăc pơnô 120 rbô đong dùl ki\, puăc ntìng rơpaih tăc 140 rbô đong dùl ki\...Dilah priă tăc puăc sur gơguh sùm bè do, den anih ràng tăc phan kal ke mờ ơm kơ\ jo\ jòng.

Bi Vũ Thị Hạnh Khuyên đơs: Kă bro tu\ do gơ ờ geh cồng tai ờ, tài bơh phan tăc kas ngan priă. Pơnyơu bè lài do sur tăc mìng 50 rbô đong lơm dùl ki\ den he tăc poh jơ\t rbô đong den gơ kung bơtơl wơl he in den geh đau priă cồng dùl êt, ai tu\ do sur gơ gơguh uă ir gơguh tus 100 rbô đong dùl ki\, den là he ờ jai tăc kas ir tài bơh kas ir den cau ờ blơi, bè hơ\ là he tăc ờ yòm, mờ tăc ờ kas priă den là he ờ geh cồng. Năc blơi phan dùl êt ngan, ala tài lài do khi blơi bơh 1 tus 2, 3 ki\ puăc, den tu\ do khi mìng blơi bàr pe gràm lơm, blơi kàr hơ\ lơm. Geh tu\ là ală cau kă bro phan sa kung bè hơ\ sơl, khi tus blơi phan he dê kung dùl êt te\ sơl.

Priă tăc puăc sur tàm càr Dăk Lăk gơguh uă lơh ală cau kă phan kal ke ngan kă bro, cau ngui sa ngai sơlơ ờ huan kờ` blơi tai. Bi Nguyễn Thị Tới ơm tàm sơnah [òn Tự An, [òn dờng Buôn Ma Thuột, càr Dăk Lăk đơs, puăc sur tăc kas ir, phan sa pah ngai bơh hìu bơnhă bi dê kung geh bơta gơ tam gơl sơl. Bi Nguyễn Thị Tới yal: Priă tăc puăc sur gơguh ir, den tàng a` ờ huan sa uă tai, lài do blơi dùl ki\ den tu\ do tơrmù wơl, mìng blơi 5, 6 gràm lơm. Đơs bal là ờ huan sa uă tai.

Jăt Mpồl ătbồ drà dờng [òn dờng Buôn Ma Thuột dê yal, priă tăc puăc sur gơguh uă, lơh rlau 20 nă cau kă phan gam kă bro puăc sur tàm drà tìp kal ke tài bơh cau ờ huan blơi uă tai. Mò Trần Thị Thảo Nguyên lơh broă tàm Mpồl ătbồ drà dờng Buôn Ma Thuột, pà gi\t, bàr pe nă cau kă phan tàm drà neh geh jơnau kờ` tăc te\ anih ràng phan, sơrbì te\ broă kă bro puăc. Mò Trần Thị Thảo Nguyên đơs tai: Geh bàr pe anih ràng tăc phan rah rài tàm drà ờ jai kă bro tai tài bơh priă tăc phan kas ir, ờ huan geh uă cau blơi den tàng geh 2, 3 anih ràng tăc phan ơm ờ tăc tai mờ kờ` tăc te\ anih ràng tăc phan. Dilah tơngai tus priă tăc kung gam jơnhoa ir sơl den geh ơm tai bàr pe anih ràng tăc phan rah rài.

Broă priă puăc sur tăc gơguh uă là jơnau tơngo\ chờ hờp ai cau ròng phan in tơnơ\ dùl tu\ tơngai jo\ jòng gơtìp hoàc hươr tài bơh gơrềng bơh kòp jê ndul gơjroh sur châu Phi. Mơya, dilah jơnau sur ờ geh tơl nàng ngui sa pơn jăt tai gơlik geh den sơlơ mờr tus tàm dơ\ sa tềp bơhiàn Canh Tý 2020, priă tăc puăc sur digơlan gam gơguh uă rlau tai lơh drà kă bro kung bè rài kis làng bol dê geh uă bơta gơ tam gơl.

Cau cih Vũ Nam Trang- Cau mblàng Lơ Mu K’Yến