VOV4.K’ho – Trạm ròng phan mờ lơh sơ nơm phan ròng kơnhòal Krông Bông, càr Dak Lak pà git, Trạm pa sền go\ mờ tơp pơrguc tai dùl tiah geh kòp jê ndul gơ jroh sur châu Phi tai tàm kơnhòal, mờ 8 nơm sur geh kòp, kờp jơh khà kơn jơ\ tơp pơrguc là 176 ki\. Tiah geh kòp do gơlik geh tàm hìu bơnhă ồng Lưu Ngọc Thăng tàm thôn 4, xã Yang Reh. Sền go\ tàm mpồl sur geh ală tềl mùl go\ ngan bơh kòp jê ndul gơ jroh sur châu Phi dê, rlau mờ hơ\, lài hơ\ tàm xã neh geh dùl tiah geh kòp, den tàng ngai 4/9, mpồl lơh broă geh gơ noar neh pơgồp bal mờ hìu bơnhă tơp pơrguc jơh mpồl sur.

Kờp tus ngai 4/9, tàm kơnhòal Krông Bông neh geh 5 tiah geh kòp jê ndul gơ jroh sur châu Phi tàm 5 hìu bơnhă ròng sur, gơ wèt 3 xã là Yang Reh, Khuê Ngọc Điền mờ Hoà Sơn, mờ 63 nơm sur geh kòp, kờp jơh khà kơn jơ\ tơp pơrguc là 3 tấn 630 ki\.

Cau mblàng K’Duẩn