VOV4.K’ho- Càr Dak Lak neh geh kơrnuat lam lơh cit rlau 17 rbô ding sơnơm vaccine rơcang sơndră kòp Covid-19 bơh ngai do 24/4, gờñ rlau 3 ngai pơndrờm mờ broă rơndap lơh. Tàm gùt càr Dak Lak, Sở Y tế neh bơyai lơh bơto pơlam mùl màl ai ală kuang đơng lam bồ, kuang bàng, cau lơh broă cit sơnơm vaccine in; yal bè sơnơm vaccine kòp Covid-19; pơlam ngui, sac rơwah lài mờ tŭ cit; pơlam lơh niam kấp cứu tŭ gơbàn bơta ờ niam, ờdo ờdă cit sơnơm vaccine.

Broă lơh cit sơnơm vaccine rơcang sơndră kòp Covid-19 dơ̆ do, Dak Lak geh phàt 17 rbô 50 ding sơnơm vaccine nàng cit ai 3 mpồl cau geh ală cau lơh broă tàm ală hìu sơnơm, anih kham sơm kòp, cau tus bal rơcang sơndră kòp mờ mpồl ling, mpồl kuang àng. Tơngai cit bơh ngai 24/4 tus ngai 5/5/2021. Nàng lơh geh jơnau kờñ rlau 95% cau geh ai cit lài sơnơm vaccine, Dak Lak ngui mpồl cit sơnơm vaccine rề ơnàng mùl geh tàm càr mờ bơ tơl tai 2 broă lơh tơrlòng lài cit sơnơm  vaccine ờdo ờdă tàm Hìu sơnơm dờng tiah Tây Nguyên mờ hìu sơnơm dờng ƀòn dờng Buôn Ma Thuột.

Cau mblàng K’Duẩn