VOV4.K’ho - Mìng gam  di 3 nhai tai la tus sa tềp nam pa Kỷ Hợi 2019, do la tu\ cau ròng  phan tàm Dak Lak neh lơh ngan ròng  wơl phan ròng nàng geh tơl poac sa cau ngui in. Bulah bè hơ\,  bơh ờ suk bè bơta gơguh gơmù bơh pria\ tac, den tàng ua\ ngan ala\ cau tờm ròng, cau tờm trang trại, hìu ròng phan tàm Dak Lak gam iat sền jơnau, ờ hềt khin bơcri ròng pa.

            Tơnơ\  tu\ tơngai jo\  jòng lời gời wàng tài pria tac sur gơmù lơyah ngan, rlau 1 nhai lài, hìu bi Phạm Kim Phượng kis tàm khối 1, thị trấn Phước An neh khin ròng pa wơl, ròng 50 nơm sur poac nàng geh sur tac tàm tu\ lồi nam. Bi ai git,  mờ pria\ sur bè tu\ do,  cau ròng sur neh geh cồng rlau 1 tơlak dùl nơm. Bulah tu\ do, pria\ sơntìl mờr 1 tơlak  mơ gùl dùl nơm, pria\ tus 2 dơ\ pơndrờm mờ bồ nam. Bulah bè hơ\,  mờ ala\ bơta gơguh gơmù ờ git lài tàm tơngai pa do,  den pria\ sur poac  tàm sa tềp nam do gam ờ dùl bơta ờ git lài. Den tàng, bulah chờ tềng pria\ tac tu\ do, mơya bi Phượng kung mìng khin ròng di mơ lơm:

             Bồ nam sur gơbàn gơmù pria\, tơmut blơi den ngòt ờ geh cồng  den tàng hìu nha\ a` neh lời soh wàng dùl tu\ tơngai.  Tơnơ\ do go\ sur gơguh pria\ den sur sơntìl kung gơbuh sơl kung ờ khin tơmut blơi. Kơp sùm  go\ prai\ sur kòn ờ  gơ mù den hìu nha\ hơ\ sồng blơi đại nàng thàn bàng tac tàm tu\ sa tềp. Hìu nha\ gam kơp kờ`  pria\ gơ gam di 50, mờ prai\ bè do den lơh  tơngguh cau ròng phan gam geh cồng.

             Mờ 15 nam tàm broa\ ròng sur, lo\ Thái Thị Thuý Thịnh, kis tàm tổ dân phố 3, thị trấn Phước An, đơs la,  mờ pria\  50 rbô tàm dùl kg hơi  bè tu\ do,  cau ròng phan neh geh cồng, mơya bơh bơta gơguh gơmù pria\  nisơna bơh drà ka\ bro den tàng lo\ kung ờ khin  blơi tai sur sơntìl mờ mìng ròng jơh sur bơh 34 nơm me tàm hìu gơ deh kòn. Tu\ do, trang trại hìu nha\ lo\ gam ròng 400 nơm sur tac poac. Lo\ Thịnh kung kơp kờ` tàm tu\ sa tềp tus den geh khà pria\ sur gơguh nisơna  mờ mìng kơp kờ` gàr niam bè tu\ do lơm:

             Kung ờ kơp kờ` ua\, tài  bơta geh sur he dê tàm tu\ sa tềp êt rlau tu\ do,  mờ tài sur me a` dê deh sur kòn gơ jat tàm tu\ tơngai, a` ờ gơtùi đơs lài bơta hơ\. Ờ suk ngan la tu\ do la kòp pluh, dơ\ 2 tai la drà ka\ bro.

            Kơnhoàl  Krông Pach tu\ do geh 200 rbô nơm sur, geh 91% pơndrờm mờ broa\ rơndap,  tờm ngan la ròng sur jat broa\ lơh hìu nha\ ròng. Jat ồng Nguyễn Huy Hoàng, Trưởng phòng Nông nghiệp kơnhoàl Krông Pach, den bơta ròng phan tàm kơnhoàl bơh sơnrờp gam gar geh kơljap. Khà rpu, kơnrồ mờ sur gam ròng bè ờs. Nàng broa\ lơh ròng wơl tai drơng tàm tu\ sa tềp geh cồng nha, gah lơh sa suơn sre kơnhoàl neh mờ gam  lam sồr ala\ phòng, mpồl  lơh broa\  sền gròi tàm [òm,  đơs lài mờ làng bol sùm ròng gàr me dam nàng geh tơl kòn sơntìl drơng broa\ lơh ròng tai wơl tu\ drà ka\ bro niam wơl. Mơ kung, geh đơs mờ cau ròng phan bơcri khà kờp jơh phan ròng di pal mờ bơta lơh sa, pleh ròng ua\ ir mờ ngan la ba` ờ sền mờ ala\ bơta kòp pluh nàng gàr niam bòr phan  ròng:

             Wèt tus sa tềp mờr tus den broa\ lơh ròng  wơl bơh làng bol dê la niam. Mơya  bơh ala\ broa\ lơh bơh Phòng den kung pal tam pơnring, tài ờ git drà ka\ bro tus do bè lơi, dilah khà ròng ua\ ir wơl den gơkan jơng  kah  rlau mờ bơta kờ`. Phòng kung git jơnau tơnggit nàng lơh pơn ring di pal bè bồ tơmut mờ  bồ tơlik.

          Cau mblàng K’ Brọp