VOV4.K’ho- Càr Dăk Lăk tu\ do geh mờr 400 lồ tơngời gơtìp tu keo kàl hàm sa aniai, gơguh rlau 192 lồ pơndrờm bal dùl tu\ mờ nam lài, gơbàn uă tàm ală kơnhoàl: Lăk, Ea H’leo, Krông Bông, Krông Năng, Ea Kar, Krông Ana mờ thị xã Buôn Hồ.

Bă tơngời gơtìp tu keo sa aniai ngai sơlơ gơguh uă tài bơh trồ tiah tơngai mờ mìu tàm bơrlu\ bal neh lơh gơlik bơta [ươn ngan ai tu keo kàl hàm in deh dờng rơ\ rài. Ngan là lơh aniai uă ngan tàm ală sươn tơngời tam jơla bơh tu\ pa tam tus dì tu\ tơngời căt bơh 7 tus 8 nha.

Nàng rcăng lài rcăng sơndră mờ tơrmù [à bơta aniai hoàc hươr tài bơh tu keo kàl hàm lơh aniai tàm tơngời kàl mìu nam 2020, Sở Nông nghiệp mờ Phát triển Nông thôn càr Dăk Lăk sồr ală tiah lơh jăt niam ală sră nggal đơng lam bơto pơlam broă rcăng sơndră tu keo kàl hàm bơh Bộ Nông nghiệp mờ Phát triển Nông thôn dê.

Cục Sền gàr phan tam ai kuang bàng tus lơh broă lơh lùp kờp, sền go\, jăt sền mờ yal lài dipal ală dơ\ tu. Phòng Nông nghiệp ală kơnhoàl, thị xã, [òn dờng pơlam làng bol lơh broă sa in rcăng lài đòm jăt ală broă lơh rcăng sơndră kòp lơh aniai bal, bè: lơh ù, tam phan tàm pơdar, ku\p rơ sòn tu, ngui phan iơm khih sràt lơngồt nàng iơm tu dờng.

Cau mblàng Lơ Mu K’Yến