VOV4.K’ho- Priă tăc kơphê pơn jăt tai “ơm” tàm khà lơyah, priă tă bơcri den ngai sơlơ gơguh wơl tai, tàm tu\ cau pik tơnhàu plai kơphê den ờ huan ngan geh…là jơnau lơh uă cau lơh broă sa tàm kơnhoàl Dăk Mil, càr Dăk Nông pik tơnhàu plai kơphê jăt broă lơh “pik plai lir, tăc plai ờ hềt dum”.

Tài bơh ờ huan ngan geh cau pik plai kơphê, den tàng tu\ do, cau tam kơphê tàm Dăk Mil apah cau mìng jăt broă lơh jàu bă lơm. Priă apah cau mờ làng bol apah sùm gơ ơm tàm pơgăp bơh 1 rbô tus 1.300 đong dùl ki\ plai pik, gơ jăt tàm tơl bă ù sươn kơphê kơh halà ring. Jàu bă bè do geh kuơ ai cau lơh broă apah in tài bơh pah ngai 1 nă cau digơlan lơh geh bơh 300 tus 350 rbô đong rlau hơđang priă apah pik plai kơphê, mơya cau lơh broă sa den ờ geh cồng tài bơh priă tă uă ir.

Jăt cau tam kơphê yal: “Dilah kờp jơh ală priă tă bơcri blơi phơng sih, sơnơm tu, apah cau jì nhơ\t, sơngka sền gàr sùm dùl nam den mờ priă tăc kơphê bè tu\ do mìng là ai să tờm nàng sa priă cồng lơm”. Jơh gùt kơnhoàl Dăk Mil tu\ do geh pơgăp 22 rbô lồ kơphê. Tu\ do, làng bol tàm do neh pik tơnhàu plai kơphê.

Cau mblàng Lơ Mu K’Yến