VOV4.K’ho- Ngai (17/5), Sở Y tế càr Dak Nông pà gĭt, 4 nă cau pin bơtờp kòp Covid-19 tàm ƀòn dờng Gia Nghiã pơn jat tai geh cồng nha xét nghiệm ờ bơtờp mờ virus Sars CoV-2. Lài hơ̆, tơnơ̆ tŭ dờp jơnau yal bè cau kòp sồ 3141 bơtờp mờ virus Sars CoV-2, Anih tờm gròi sền kòp tê jê să càr Dak Nông neh yal làm uă tiah mờ kờp sền wơl cau rê bơh ală tiah kòp tàm ù tiah càr dê.

Dờp jơnau yal, hìu bơnhă ồng N.Đ.H (tàm hơ̆ geh 4 nă) ơm tàm sơnah ƀòn Nghĩa Đức, ƀòn dờng Gia Nghĩa neh geh tus tàm tiah geh cau kòp sồ 3141 neh tus tàm Hìu sơnơm sơnah ƀòn dê yal mờ gah lơh sơnơm mờ ai ơm yah ngài. Ală mẫu kòp tơnơ̆ tŭ xét nghiệm ai cồng nha ờ bơtờp kòp dơ̆ 1 tàm ngai 9/5. Tus tŭ do, anih lơh sơnơm pơn jat tai ai mẫu xét nghiệm mờ tŭ do neh ai cồng nha ờ bơtờp dơ̆ 2 mờ kòp Covid-19. Tŭ do, 4 nă cau do gam pơn jat tai lơh jat broă ai ơm yah ngài mờ kham să jan bơh gah lơh sơnơm dê jat di mờ jơnau sồr.

Cau mblàng K’Hạnh