VOV4.K’ho- Mho ngai 13/7, jăt Mpồl đơng lam rơcăng sơndră kòp bơtờp tàm kòn bơnus càr Dăk Nông dê yal, 80 nă cau geh tŭ tam tìp mờ ơm rềp mờ 2 nă cau kòp sồ 28.474 mờ 31.604 neh gơ ai cồng nha xét nghiệm RT-PCR ờ bơtờp dơ̆ dùl mờ kòp Covid-19. Tŭ do, ală cau do neh geh ai ơm yah ngài tơrgùm bal mờ să jan pràn kơldang bè ờs.

Lài hơ̆, tơnơ̆ mờ tŭ gŏ ală cau bơtờp kòp tơn, càr Dăk Nông neh lơh jăt broă lơh ơm yah ngài wàng se kơryan kòp hìu ơm bơh ală cau kòp dê nàng gròi sền kòp Covid-19. Tơngai wàng se kơryan kòp là 14 ngai, kờp bơh ngai gŏ cau bơtờp kòp mờ gơ jăt tàm bơta gơbàn bơh kòp dê mờ tơngai ơm yah ngài wàng se kơryan kòp gơtùi tơn jŏ jŏ jòng rlau.

Cau mblàng Lơ Mu K’Yến