VOV4.K’ho- UBND càr Dak Nông pa ai ngui broă rơndap lơh bè bơyai lơh kơryan ờ ai mut tàm lơgar tìs mờ kơrnoat boh lam bơh lơgar Campuchia rê tàm ù tiah càr dê. Jat hơ̆, Sở Y tế geh kơnòl broă đơng lam, pơgồp bal mờ ală anih lơh broă geh gơrềng rcang lài lòt sền tiah, bơt bơtàu gùng dà lam lơh hìu sơnơm ing rcang sơndră kòp Covid-19 tàm tŭ kờñ pal geh.

 Sở Y tế bơto pơlam broă yal mờ gah lơh sơnơm, dong kờl sơnơm tơmƀa tàm broă lơh jat kơnòl broă lam lòt sền, kơryan tàm gơl gùng tiah nhàr lơgar mờ ală gùng dờng 14, 28, gùng càr dê nàng kờñ sền gròi niam cau, rơndeh rơndồ tus bơh ală càr mut lik tàm ù tiah càr dê. Bal mờ jơnau sồr, bơto pơlam, lơh jat niam ală dơ̆ cĭt sơnơm vaccine kơryan kòp Covid-19 gàr niam bơta ờdo ờdă, di cau jat jơnau sồr bơh Bộ Y tế, Sở Y tế pơgồp bal mờ ală mpồl lơh broă geh gơrềng cribơyai bal mờ UBND càr dong kờl priă jền, phan bơna gah lơh sơnơm, rcang dong kờl càr Mondulkiri, lơgar Campuchia tàm broă lơh rcang sơndră kòp Covid-19.

Cau mblàng K’Hạnh