VOV4.K’ho- UBND càr Dak Nông neh ai ngui broă rơndap lơh broă lơh bơtàu tơnguh tuh dà gơguh jak, tềm pềr dà ai chi tam tàm ù gờl in. Kờp jơh bă ù chi tam jo\ tơngai, chi tam tàm ù gờl geh jơnau kờ` dà tuh tàm càr Dak Nông là 176.000 lồ, mờ kờp jơh jơnau kờ` tuh dà pah nam pơgap 528 tơlak khối dà. Tus tu\ do, gùt càr mìng rơ\p geh 1.500 lồ bă ù chi tam geh ngui công nghệ tuh dà tềm pềr.

Broă rơndap lơh tus nam  2020, gùt càr Dak Nông lơh ngan geh rlau 5.000 lồ chi tam tờm geh tuh mờ công nghệ,, kỹ thuật gơguh jak. Broă rơndap lơh jàu kơnòl broă ngan ngồn ai tơl gah sơnah lơh broă, ală kấp in lơh gơs kơrnoat broă lơh, chính sách, lơh pràn ngui khoa học công nghệ, rơndap tap sèng broă lơh dà lơgar, bơto pơlam, mờ sơlơ tơnguh lơh broă bal dunia tàm broă lam lơh broă lơh ngui tuh dà tềm pềr.

UBND càr kung đơs tờm tus broă lơh mblàng yal nàng tam gơl bơta g^t wă bơh làng bol dê tàm broă ngui công nghệ tuh dà gơguh jak mờ tềm pềr dà; geh broă lơh dong kờl ai cau lơh broă sa in càn priă bơcri jo\ tơngai mờ priă cồng ờ uă nàng ngui công nghệ kỹ thuật tuh tềm pềr dà.

Cau mblàng K’ Hạnh