VOV4.K’ho - Mut lơh srơh “ Cau lơh broa\ sa bơt bơtàu [òn lơgar pa”, tàm ala\ nam do,  ala\ kơna\ mpồl cau lơh broa\ sa tàm Dak Nông neh lơh geh cồng nha tàm broa\ lam sồr cau tàm mpồl lơh sa ai ù is, ta\ pria\ jền,  ngai lơh broa\ lơh gùng lòt tàm [òn lơgar mờ ala\ broa\ lơh ngui bal.

            Lài do,  bơh gùng dềt den tàng broa\ lòt rê bơh làng bol tàm [òn Bu N’Doh, ntum Dak Wer, kơnhoàl Dak R’lấp kal ke ngan, mơya tàm mờr 2 nam do tu\ gùng geh lơh ơnàng,  broa\ lòt rê, lơh broa\ sa, ơm kis bơh làng bol gơbàn buơn boài ua\ ngan.

            Geh bơta do,  la bơh lơh jat srơh lơh broa\ “Cau lơh broa\ sa tus bal bơt bơtàu [òn lơgar pa”, ua\ cau tàm mpồl, cau lơh sa tàm [òn neh lơh is ai ù git nđờ rbô thơt kơre, kơl git nđờ rhiang tờm kơphe, cao su nàng lơh  dờng gùng.

            Bè hìu nha\ ồng Điểu Zơm mờ la cau kuang bơh mpồl cau lơh broa\ sa, ồng neh lam lài lam sồr hìu nha\ ai  is 4 sào 274 thơt kơre ù, kơl 268 tờm kơphe mờ 22 tờm cao su kờ` lơh gùng. Bơh hơ\, ua\ hìu nha\ cau tàm mpòl, cau lơh broa\ sa ndai tàm [òn kung geh lơh jat bal.

            Ồng Điểu Zơm ai git: “Sền go\ gùng dờng mờ niam, làng bol lòt rê buơn boài, a` kung bè ua\ cau tàm mpồl, cau lơh sa ndai tàm [òn chờ ngan. Pah tu\ sơnơng tus ala\ bơta ta\ pơ gồp dềt  he dê cèng geh bơta  chờ dờng tus làng bol, sa\ tờm a` gơ lơh chờ ngan”.

            Drờm bal bè hơ\, mờ bơta kơp kờ` ai oh kòn he in tàm tiah he geh tơl bơta nàng geh bơsram,  mo tơn geh broa\ lơh lơh hìu bơsram  mầm non, hìu nha\ mò Lê Thị Thương, atbồ mpồl cau lơh broa\ sa [òn Tân Lợi, ntum Dak R’moan, [òn drà Gia Nghĩa neh ai is ù 1 sào 6. Tus tu\ do, tàm ba\ ù mò Thương ai is,  dùl nơm hìu bơsram mầm non niam neh lơh geh lơh di bơta  kờ` bơto mờ bơsram bơh oh kòn tàm do.

            Bè hìu nha\ Cao Xuân Chiến kis tàm [òn Tân Thịnh, ntum Quảng Thành, [òn drà Gia Nghiã neh ai is ù tus 5 sào nàng lơh hìu [òn,  broa\ lơh dà sàng kloh mờ gùng mut tàm [òn.

            Ồng Chiến tam pà:“Ta\ pơ gồp dùl bơnah phan bơna, dà kơlhề nàng [òn lơgar gơ gơs niam rlau, rài kis  ơm ngui bơh làng bol, tàm hơ\ geh hìu nha\ a` den buơn boài rlau la broa\ lơh kờ` ngan. Den tàng, bal mờ broa\ geh ai is ù,  ngai lơh broa\, a` kung la cau nhap nhar ngan ai tơl cau tàm [òn wa\ mờ rcang tam pà tu\ dà lơgar kờ`”.

            Bal mờ hơ\, gam ua\ ngan cau tàm mpồl lơh sa pơnrơ ngan tàm srơh at tê bal bơt bơtàu [òn lơgar pa, bè: Mò Lê Thị Kim Liên kis tàm ntum Nhân Cơ, kơnhoàl Dak R’lấp  ai is  3 sào mơ gùl ù mờ mờr 100  tơlak pria\ nàng lơh gùng lòt, ồng Nguyễn Hoàng Duyên kis tàm sơnah [òn  Nghĩa Trung, [òn drà Gia Nghĩa ai is 3 sào 6 ù nàng lơh hìu bơsram mầm non, bi Phan Thành Trung  tàm ntum Đức Minh, kơnhoàl Dak Mil geh ta\ 200 tơlak pria\ nàng  lơh gùng lòt…

            Jat Mpồl cau lơh broa\ sa càr den nàng lơh geh bơta ring bal tàm mpồl  cau lơh  sa, tơngai lài,  broa\ lơh mblàng pơlam lam sồr sùm geh ala\ kơna\ tàm mpồl cau lơh broa\ sa tàm càr lơh ngan mut lơh pràn. Pơnjat hơ\,  bal mờ broa\ geh lơh bal mờ ala\ gah lơh broa\ geh gơnoar bơyai lơh 8.489 bùi mblàng pơlam ai tus rlau 517 rbô na\ cau tàm mpồl,  cau lơh broa\ sa, ala\ kơna\ mpồl gam geh bơyai lơh ala\ dơ\ pơr lòng “Jòi git bè broa\ lơh bơt bơtàu [òn lơgar pa” gơ hòi geh gal ngan cau tàm mpồl, cau lơh broa\ sa tus bal.

            Jat ồng Trần Xuân Hồng kuang atbồ mpồl cau lơh  sa càr Dak Nông, bơh broa\ lơh niam broa\ mblàng pơlam, lam sồr,  git wa\ bơh cau kuang, cau geh jơng, cau tàm mpồl lơh sa neh geh ua\ gơ tam gơl niam. Ngan ngồn, ala\ cau tàm mpồl,  cau lơh sa neh  geh git gơnoar, kơnòl he dê, nhap nhar ta\ pria\,  ai ù, ngai lơh broa\  mơ kung geh sa\ tờm geh sền gròi, sền bơcri.

            Kờp bơh nam 2010 tus tu\ do,  ala\ kơna\ mpồl cau lơh sa neh geh mblàng pơlam, lam sồr  cau tàm mpồl, cau lơh broa\ sa  ta\ pơ gồp geh rlau 89 tơmàn pria\ mờ 232.536 ngai lơh broa\ nàng twah wàs, lơh niam lơh pa rlau 1.256 kơi sồ rbòng dà drơng lơh broa\ sa, 1.641 kơi sồ gùng lòt tàm [òn lơgar, 336 bong dà,  584 cơldu\ bơsram, 40 broa\ lơh đèng bal mờ ua\ ngan broa\ lơh ngui bal ndai.

            Kung jat ồng Hồng den chồl guh ala\ cồng nha lơh geh, tơngai tus, ala\ kơna\ mpồl cau lơh broa\ sa tàm càr kung  pơnjat tai geh lơh bal nền nòn mờ ala\ gah, sơnah lơh broa\, mpồl bơtìan mut lơh geh cồng nha broa\ lơh mblàng pơlam,  lam sồr nàng lơh geh tam gơl pràn rlau tai tàm git wa\,  broa\ lơh bơh cau tàm mpồl,  cau lơh sa mờ gùt mpồl bơtìan tus mờ broa\ lơh bơt bơtàu [òn lơgar pa.

            Tơnggu me mờ broa\ lơh mblàng pơlam kung geh tam gơl pa, tàm hơ\  geh sền kuơ broa\ git go\,  jờng,  lơh ua\ ala\ cau pơnrơ gơguh jak nàng lơh geh bơta gơ rềng pràn tàm mpồl bơtìan, ngan la bơh tơl cau tàm  mpồl, cau lơh sa go\ loh bơnga\, kơnòl he dê tàm broa\ bơt bơtàu [òn lơgar pa.

                                                          Cau mblàng K’ Brọp.