VOV4.K’ho- Sở Y tế càr Dak Nông pà git, poh lài, gùt càr neh dùl ròt lam lơh broă rơndap lơh cit sơnơm vaccine rơcang sơndră kòp Covid-19 dơ̆ 2 nam 2021 tàm ală anih cit sơnơm vaccine geh rơndap lơh tàm Hìu sơnơm dờng càr mờ hìu sơnơm ală kơnhoàl, ƀòn dờng.

Cau geh cit là mpồl tam lài tàm broă rơcang sơndră kòp Covid-19 geh mpồl lơh sơnơm, ling klàng, kuang àng, mpồl jòi cau ơm rềp cau bơtờp kòp tàm mpồl bơtiàn, cau lơh broă dong kờl is, cau cih ƀău, cau lơh broă hải quan, kuang bàng lơh broă gah mut mờ lik lòt hờ lơgar ndai mờ sền gròi lơh sơnơm dunia, cau lam lơh broă drơng ala kuơmàng bè cau măi rơndeh, cau pơndiang nac nhơl chờ; cau pơgru, cau lơh broă tàm ală hìu bơsram tus bal broă lơh rơcang sơndră kòp. Cồng nha, gùt càr neh geh 13 rbô 542 nă cau geh cit ding dơ̆ 1 sơnơm vaccine rơcang sơndră kòp Covid-19. Tơnơ̆ cit sơnơm vaccine, 2, 3 nă cau gơtìp bơta ờ niam ờs mờng bè duh să, jê, as tềng anih cit sơnơm mơya ờ geh cau lơi gơtìp bơta ờ niam kơnjơ̆ tơnơ̆ tŭ cit.

Cau mblàng K’Duẩn