VOV4.K’ho- Mho mang ngai 09/7, càr Dăk Nông neh gŏ cau bơtờp mờ virus Sars CoV-2 bơh sơnrờp, cau kòp là cau măy rơndeh pơndiang phan neh geh tŭ ơm rềp mờ tam tìp uă mờ dùl nă cau tui phan tàm ƀlàng rơndeh ơm Miền Đông, ƀòn dờng Hồ Chí Minh, kung pa geh gĭt gŏ bơtờp mờ kòp do sơl. Cau kòp bơh sơnrờp tàm càr Dăk Nông là cau klau sồ 26004, deh nam 1995, ơm kis tàm thị trấn Krông Kmar, kơnhoàl Krông Bông, càr Dăk Lăk.

Dặk Nông jòi cau ơm rềp mờ ƀồm sơnơm kơryan kòp tàm tiah gŏ cau bơtờp mờ virus Sars CoV-2

Jăt lùp tiah lòt rê tàm pơgăp 15 ngai rềp ndo, cau kòp là cau blơi phan sùm tam tìp rềp mờ cau bơtờp mờ virus Sars CoV-2 lơh broă tui phan, jàu phan khăt gơboh is tàm ƀlàng rơndeh ơm Miền Đông, ƀòn dờng Hồ Chí Minh. Tơnơ̆ tŭ kơno geh jơnau yal, Mpồl đơng lam rơcăng sơndră kòp Covid-19 càr Dăk Nông dê neh tus ai mẫu xét nghiệm. Ngai 09/7, xét nghiệm RT- PCR ai cồng nha bơtờp mờ virus Sars CoV-2. Tŭ do, să jan cau kòp do dê bè ờs. Càr Dăk Nông neh geh kơrnoat ơm yah ngài kham sơm kòp tơrgùm bal gơwèt mờ ală cau geh dơ̆ tam tìp mờ ơm rềp mờ cau kòp do tàm tiah ơm yah ngài tơrgùm bal tàm kơnhoàl Dăk R’Lấp.

Cau mblàng Lơ Mu K’Yến