Ala\ ngai do,  bulah kàl mìu tàm Tây Nguyên tus gờ`, mơya tàm anih lơh gùng rơndeh 14 di rơndap broa\ rề ơnàng, lơh niam gùng Hồ Chí Minh, gơl lòt gan càr Dak Nông, Bình Phước nùs nhơm lơh broa\ mờ ai ù kung gam lơh geh jar mhar. Tàm gùl gơl gùng, ala\ bơta phan bơna, mai\ mok lơh broa\ mờ cau lơh broa\ gam lơh broa\ jar mhar ngan mờ nùs nhơm chồl mhar tơngai lơh gơs.

            Jat gùng dờng 14, gơl gùng bơh đah tô càr Dak Nông tus bồ càr Bình Phước, git nđờ rhiang nơm mai\ moc, phan lơh  broa\, rơndeh rơndồ, git nđờ rbô na\ cau lơh broa\ gam lơh ngan ngai bè mang mờ tơl tu\ trồ rhờt mìu nàng lơh mhar  gơ lòt broa\ lơh. Tàm ua\ gơl gùng, ala\ mpồl cau tuh pria\ lơh neh bơkang kơ, bang rôn, gờm chờ 124 nam ngai deh Bác Hồ, lam sồr nùs nhơm cau kuang, cau lơh broa\ pơr lòng ngan tàm broa\ lơh.

            Broa\ lơh gùng lơh geh ua\ ngan  pal đơs tus gơl gùng 30 kơi sồ, gơl gùng lòt gan ntum Dak Gằn, kơnhoàl Dak Mil, càr Dak Nông bơh mpồl lơh broa\ bal bơcri lơh Toàn Mỹ 14-Băng Dương,  bòn dờng Hồ Chí Minh. Do la gơl gùng geh lơh jat broa\ BOT (Bơ]ri pria\ lơh- tơnhàu ngui) cau lơh broa\ pràn, geh  lài tơl pria\ lơh, rcang tơl phan bơna nàng mut lơh broa\ den tàng neh sơr lèt rlau broa\ jàu lơh. Ồng Phạm Văn Cường gơnoar at bồ mpồl bơcri bơt bơtàu mờ ka\ bro Băng Dương, bòn dờng Hồ Chí Minh đơs:

“Bơta lơh ngan bơh jơh ala\ cau bơcri tuh lơh kung bè tơl jơh cau kuang, cau lơh broa\ gùt mpồl den tu\ do bol a` neh lơh geh mờ sơr lèt rlau mờ broa\ pơrgon jàu di 9 nhai. Kờp du\ tus sa tềp lơgar he nam do (2015) geh gơtùi lòt jơh gùt gơl gùng”.

            Tàm nhai 5 do,  ala\ mpồl mut lơh gơl gùng dờng 14 gan kơnhoàl Dak Song, càr Dak Nông neh tờ, bơt git nđờ rbô thơt khối ù, lu\. Ua\ gơl gùng neh pal cò bơnơm, cò ơnàng nàng geh gùng ờ nàng mờ song rlau. Jat ồng Cao Đình Quý  gơnoar jat jơng  at bồ xí nghiệp 491-Mpồl lơh broa\ sa dùl na\ sa\ is Bơcri bơt bơtàu Vạn Tường-di quân khu 5, gam mut lơh gơl gùng dòr bơnơm 95- dòr  bơnơm 98 di kơnhoàl Dak Song, càr Dak Nông: Bơta lơh ngan bơh cau kuang, cau lơh broa\ tàm gơl gùng, ai go\ nùs nhơm lam lơh kràn ngan bơh Gah gùng lòt pơndiang phan bè broa\ lơh  mhar broa\ lơh gùng kuơ màng bơh gùt lơgar. Ồng Cao Đình Quý ai git:“Mpồl geh pơrgon mờ cau tờm bơcri tus 31/5/2014 geh lơh jơh broa\ tờ,  bồr gơl gùng  dòr bơnơm K95-K98, den tàng cau tuh lơh pal ngui jơh bơta trồ tiah buơn gơtùi lơh, mìng kờ` trồ tơngai 2, 3ngai, bol a` geh lơh  bal trồ gùl ngai, lơh bal trồ mang nàng thàn bàn tơngai pơrgon ai, dilah gơs broa\ bồr ù do la geh lơh di bơh sơnrờp tus mờ mpồl”.

            Bal mờ cau tờm bơcrih tuh lơh,  ala\ kơna\ gơnoar at bồ  bơh càr Dak Nông kung lơh kràn ngan mut lơh broa\ lơh ai ù lơh, dong tơl bơta bươn boài tus broa\ lơh gùng. Mờ nàng geh tam dra\ mờ nhai mìu Tây Nguyên, ờ ua\ gơl gùng lơh neh geh rơndap lơh di pal. Ala\ jơnau gơlik geh tàm tu\ mut lơh geh cau bơnah rơndap lơh, sền gròi bơsong mo di pal kờ` gàr niam khà broa\ lơh niam rlau jơh. Ồng Ngô Văn Thông gơnoar at bồ đơng lam broa\ lơh gơl gùng Trường Xuân-rbàng 20, gùng dờng 14, ai git:“Broa\ lơh gam geh lơh nhap nhar ngan, cau tuh lơh geh lơh ngan, bòn lơgar kung sền gròi ngan broa\ ai ù, lơh mo bàn thàn bơsong kal ke, kòl yan. Tàm broa\ mut lơh,  kung geh ua\ bơta gơlik geh, bè tềng bol he gam  ntàu tờ tus bồ dòr K98, kờ` rcang tuh lu\ den gơtìp ù lơbơn den tàng gam ai ù geh sền, kờ` sền bơta kong kơnjơ\, khà sồ CPR bơh ù, dilah ờ tus den pal geh ơla nàng gàr niam broa\ lơh”.

            Jat kờp du\, tơnggu me tus  nhai 5 nam 2015, gùt gùng dờng 14, gơl lòt gan càr Dak Nông mờ Bình Phước geh lơh gơs broa\ da\  chài. Bulah bè hơ\,  jat ồng Nguyễn Văn Phan gơnoar at bồ đơng lam broa\ lơh gơl gùng Cây Chanh-rbàng 38: Tu\ do, ua\ ngan cau bơcri tuh lơh gơbàn kal ke tàm broa\ ờ tơl phan lơh ua\ ngan, ngan la lu\ den tàng tơngai lơh gơs gơ pal gơ jo\ wơl:“Tu\ do, jơh ala\  tiah tơnhàu lu\ tàm Dak Nông drờm jơh  sra\ ai lơh, mờ jat adat phan geh is tàm ù tu\ do ờ gơtùi ai lơh sra\ ing, mìng gờtui lơh sra\ pa, mờ bơta lơh sra\ jo\ jơh mờ nam den tàng ờ lơh di jơnau kờ` bơh broa\ lơh. Bè hơ\m dan sồr mờ ala\ gah, mờ bòn lơgar pal geh broa\ lơh, bè he pal geh ai lơh lài tus ờ ua\ tiah tơnhàu lu\ drơng tus broa\ lơh gùng Hồ Chí Minh, den pal bơsong kal ke tus broa\ geh mut lơh wơl kờ` lơh di geh  lu\ tus mờ broa\ lơh gùng”.

            Kờ` bơsong bơta do, Gah gùng lòt pơndiang phan dà lơgar neh geh sra\ nggal sồr ala\  càr, bòn dờng pal sền geh lơh lài mo ala\ tiah  tơnhàu lu\ lời tus broa\ lơh gùng dờng 14. Bulah gam gơtìp ua\ ngan kal ke, bơr kòl, mpồl at bồ broa\ lơh gùng Hồ Chí Minh, ala\ cau tuh pria\ lơh mờ gơnoar at bồ ala\ càr: Dak Nông, Bình Phước gam lơh ngan, lơh ngan jơnhua rlau jơh nàng gờ` lơh gơs gùng kuơ màng tờm dờng bơh Tây Nguyên.

                                                                                  Cau mblàng K' Brọp