VOV4.K’ho- Jat Sở Y tế càr Dak Nông yal, tus tŭ do ală tiah tàm càr neh lơh sir broă cĭt sơnơm rcang sơndră kòp Covid-19 dơ̆ 1. Dơ̆ 1 càr Dak Nông geh Bộ Y tế pà rlau 9 rơbô ding sơnơm vaccine rcang sơndră kòp Covid-19.

                               Dak Nông lơh sir broă cĭt sơnơm vaccine rcang sơndră kòp Covid-19 dơ̆ 1 ờdo ờdă  

Nàng broă cĭt sơnơm vaccine geh cồng nha, gah lơh sơnơm càr Dak Nông bơyai lơh cĭt sơnơm tàm 8 tiah, tàm hơ̆ geh: Hìu sơnơm dờng càr mờ 7 Hìu sơnơm ală kơnhoàl gam wơl. Ală cau geh cĭt lài dơ̆ do, tàm hơ̆ geh: Kuang bàng, cau lơh sơnơm, ală cau tàm mpồl đơng lam, ală mpồl lơh broă tàm tiah lam lài rcang sơndră kòp... jat Nghị quyết sồ 21 bơh Chính phủ dê.Sở Y tế càr Dak Nông pà gĭt, gùt càr neh geh rlau 10 rơbô 200 nă cau geh cĭt ding dơ̆ 1 sơnơm vaccine rcang sơndră kòp Covid-19. Tơnơ̆ tŭ cĭt geh rlau 1 rơbo 700 nă cau geh aniai di mơ bè: kòp di mơ, kiăt, jê tiah cĭt, gơ tuh hă mờ ờ geh cau lơi aniai kơn jơ̆. Tŭ do să jan ală cau cĭt dê ndrờm bè ờs.

Cau mblàng K’Hạnh