VOV4.K’ho- Tài bơh gơrềng bơh kòp jê ndul gơjroh sur châu Phi dê, sur ròng tăc ờ tơl den tàng priă tăc gơguh uă ngan. Ală hìu kă bro gơ ơm tàm bơta “`ă ntàu ờ suk ờ iang”.

Rlau 2 poh do, tàm ki ốt puăc sur bơh mò Đặng Thị Bích Liên dê, mò là dùl nă cau kă phan tàm drà Gia Nghĩa neh ờ go\ uă tai cau năc lòt blơi phan pơndrờm mờ lài do. Jăt mò Liên yal, tài bơh priă tăc sur ờ hềt lơh puăc gơguh uă ir, den tàng priă tăc puăc sur tàm drà kung gơguh pràn sơl den tàng neh lơh jơnau kờ` ngui sa bơh làng bol dê bè hơ\ kung gơmù rơhời sơl.

Tàm hìu ràng phan bơh mò Liên dê, puăc sur ba chỉ, puăc pơnô, puăc pơnì geh tăc bơh 100 tus 110 rbô đong dùl ki\; ntìng rơpaih tăc bơh 110 tus 130 rbô đong dùl ki\...ndrờm geh blơi bơh tàm anih gơ sơ\t lơh puăc tơrgùm bal. Jăt mò Liên yal, dilah priă tăc pơn jăt tai gơguh sùm bè do, den hìu tăc puăc sur bơh mò dê kal ke ngan gơtùi kă bro jo\ jòng, tài bơh puăc sur blơi nàng rê tăc neh kas ngan mơya tăc den kung gam pal kơlôi sơnơng kờp du\ bè lơi sơl nàng di mờ priă jền lơh geh bơh cau ngui sa dê, den tàng priă cồng ờ go\ geh kàr lơi.

Mò Đặng Thị Bích Liên đơs bè do: Ngai ne priă tăc gơguh dơ\ dùl gơguh tai 20 rbô đong, tơnơ\ hơ\ pơn jăt tai gơguh tai, gơguh tus 95 rbô đong dùl ki\ mờ tơnơ\ hơ\ den sơlơ gơguh tai tus 120 rbô đong dùl ki\. Cau ngui sa den kung gam blơi sơl mơya blơi dùl êt wơl, uă cau priă tăc puăc sur kas ir den tàng khi ờ blơi puăc sur tai nàng sa mờ khi blơi puăc ka ndai nàng sa, priă lơh geh bơh làng bol dê jơh ală mìng kơnờm jơh lơm bơh tàm sươn sre, priă tăc kơphê tu\ do gơmù ngan den tàng cau kung ờ huan sa uă tai sơl.

Ndrờm bè hơ\ sơl, tàm hìu ràng tăc puăc sur bơh mò Phạm Thị Oanh dê, tàm drà Gia Nghĩa. Dilah bè lài do, pah ngai, hìu ràng tăc puac bơh mò dê tăc yòm geh 1 tạ puăc den tu\ do puăc ta\c neh gơmù te\ mờr nggùl tơn dilah pơndrờm mờ lài. Mò Oanh yal, sur ờ huan geh ròng uă tai, den tàng neh lơh priă tăc gơguh uă ngan, tơngai pa do uă cau kă phan tàm ală tiah kung rê tus Dăk Nông sơl nàng jòi blơi sur lơh puăc den tàng sơlơ lơh puăc sur ờ huan ngan geh tai. Ală hìu ròng phan tu\ do ờ go\ dờp priă dan blơi lài sur bơh cau kă phan dê bè lài do tai tài bơh gam ơm kơ\p priă kă bro tàm drà.

Mò Phạm Thị Oanh, đơs: Lài do a` tăc 80 rbô đong dùl ki\, gơguh tus 90 rbô đong tơnơ\ hơ\ pơn jăt tai gơguh tus 120 rbô đong dùl ki\, mìng is tàm nhai 11 do, priă tăc gơguh uă ngan gơguh tus 120 rbô đong tàm dùl ki\, làng bol khi sền go\ kas ir den tàng ờ huan sa tai. Bol a` kơlôi rcăng ngan, tăc ờ geh cồng den tàng kơlôi rcăng ngan, priă tă uă ir, priă anih gơ sơ\t lơh puăc [à, priă pơndiang he in, đơs bal là uă ngan priă jền pal bơcri pal tă.

Tềng đăp jơnau digơlan sur ờ geh tơl nàng tăc, ờ mìng ală cau kă phan lơm, mờ cau ngui sa kung gam kơlôi rcăng ngan sơl ai tàm dơ\ lồi sơnam in, ngòt jơnau kờ` ngui sa puăc sur digơlan gơguh uă mờ tu\ hơ\ den priă tăc sơlơ gơguh uă ngan tai. Mò Nguyễn Thị Hạnh ơm tàm sơnah [òn Nghĩa Đức, thị xã Gia Nghĩa, càr Dăk Nông yal: puăc sur tăc gơguh uă ngan priă, phan sa pah ngan bơh hìu bơnhă dê bơh hơ\ kung gơ tam gơl sơl.

Mò đơs tai bè do: Tu\ do, pal blơi dùl êt wơl, tơngai lài lòt drà blơi 100 rbô đong puăc sur den tu\ do mìng blơi bơh 50 tus 60 rbô đong lơm, tài bơh tu\ do priă puăc sur tăc kas ngan den mbơh geh priă nàng blơi, mờ hìu bơnhă a` là hìu bơnhă lơh broă sa sươn sre den mbè gơtùi geh priă nàng blơi uă, tu\ do dùl ki\ kung tăc pơgăp 120 rbô đong, sur ờ hềt lơh puăc khi blơi kung là neh 80 rbô đong den tàng kas ngan.

Tơngai tu\ do priă tăc puăc sur gam ơm tàm khà jơnhoa ngan rlau jơh bơh lài tus tu\ do bal mờ pơgăp 130 rbô đong tàm dùl ki\, gơguh mờr bàr dơ\ pơndrờm mờ do 2 nhai, mơkung gam geh tềl tơngo\ sơlơ gơguh uă rlau tai.

Cau cih Hoàng Qui- Cau mblàng Lơ Mu K’Yến