Lơh jat Broa\ lơh Dà lơgar bè bơt bơtàu bòn lơgar pa, ala\ kơna\ Mpồl cau lơh sa kơnhoàl Dak R’lấp, càr Dak Nông neh lơh pràn broa\ mblàng pơlam bè tơnggu me, pơrya broa\ lơh kung bè lam sồr cau tàm mpồl bal geh ta\ pơ gồp, phan bơna pria\ jền nàng bơt bơtàu phan bơna bòn lơgar mờ pơr lòng bơtàu tơngguh lơh sa.

            Pơnjat hơ\,  broa\ lơh mblàng pơlam, lam sồr neh geh lơh li la ngan, bơh ala\ broa\ lơh dơ\ pơr lòng jòi git wa\ bè Broa\ lơh bơt bơtàu bòn lơgar pa bè: }au lơh broa\ sa pơr lòng, }au lơh broa\ sa mờ adat boh lam, }au lơh broa\ sa mờ ờ do ờ da\ gùng lòt...

            Tàm ala\ bùi pơrjum, cri bơyai, ala\ mpồl lơh broa\ geh lơh bal, đơs tus cau tàm mpồl ing, ]au lơh broa\ sa git bè bơta kuơ màng bơh broa\ bơt bơtàu bòn lơgar pa nàng bơtàu tơngguh nùs nhơm lơh is, nhap nhar tàm broa\ tus bal ta\ pơ gồp dùl bơnah pràn sa\ he dê mo tơn tàm tơl bòn lơgar. Ala\ srơh broa\ lơh bè: }au lơh broa\ sa pơr lòng lơh sa, ka\ bro jak, dong bal sang sơbì jơgloh tơmù rbah mờ lơh pas di pal, gàr niam ngap lơngai bòn lơgar, dà lơgar, Gùt làng bol tam klac bơt bơtàu rài kis ngac ngar jak chài tàm bòn ơm kis…neh geh jơh ala\ anih, mpồl lơh broa\ lơh jat bal, pơ gồp lơh tơn lơyah tơngai, lơh gơs broa\ jàu di broa\ lơh bơt bơtàu bòn lơgar pa.

            Bal mờ hơ\, mờ broa\ ai git  nàng  broa\ lơh bơt bơtàu bòn lơgar pa lơh geh cồng nha den pal tơmù khà hìu nha\ rbah tàm cau tàm mpồl kung bè bơtàu tơngguh khà  rài kis tus làng bol, den tàng ala\ kơna\ mpồl neh geh ai sơnđìng ngan tàm bơta mùl màl, bơta pràn, bơta pràn geh he dê bơh bòn lơgar, cau tàm mpồl nàng lơh geh ala\ broa\ lơh ngan ngồn.

            Nền nòn, mờ broa\ lơh “Bơto bơtê broa\ lơh jat bơta kờ`”, ala\ kơna\ mpồl neh geh lơh bal mờ gah lơh broa\ geh gơnoar bơyai lơh geh 12 ơdu\ bơto broa\ lơh ai 336 na\ cau tàm mpồl, mơ kung geh lơh bal bơto bơtê, tam jàu bơta jak chài pa tus git nđờ rbô na\ cau in. Bơh hơ\, cau tàm mpồl, cau lơh sa neh git broa\ ngui ala\ bơta jak chài pa tàm lơh sa, kờ` bơtàu tơngguh cồng nha lơh geh, khà chi tam phan ròng slơ ngai slơ gơguh.

            Bal mờ broa\ dong kờl bơta chài den broa\ mut lơh ala\ broa\ lơh dong kờl bè khà pria\ kung geh ala\ kơna\ mpồl sền kuơ. Ờ mìng chồl guh bơh khà pria\ anih pria\ jền mờ ala\ kơna\, mpồl gam lam sồr lơh geh kes pria\ dong kờl cau lơh sa, crơng gơs mpồl  cau dong bal bơtàu tơngguh lơh sa, dong kờl sơntìl chi tam, phan ròng ala\ bơta.

            Tus tu\ do,  kes pria\ dong kờl cau lơh broa\ sa bơh kơnhoàl Dak Rlấp neh geh khà pria\ tus 2 tơmàn pria\, dong ai tus ala\ hìu nha\ kal ke càn geh. Mờ ala\ cau tàm mpồl lơh broa\ sa rbah den mpồl gam tus blơi rlau 3 rbô tấn phơng tơm lơ yài nàng geh bơta bơcri tuh  tàm broa\ lơh sa. Kơnờm geh ala\ broa\ lơh dong kờl ngan ngồn, di cau, di bơta  dong, tu\ do, gùt kơnhoàl neh geh 2.500 hìu nha\ cau lơh broa\ sa geh dờp la lơh sa ka\ bro jak ala\ bơta.

            Lơh sa slơ ngai slơ bơtàu tơngguh, rài kis slơ ngap lơngai, cau lơh sa tàm kơnhoàl nhap nhar ngan tus bal ala\ broa\ lơh, dơ\ lam sồr bơh bòn lơgar lam lơh bè lơh gùng, lơh dà, bơt bơtàu bòn lơgar. Jat tơr gùm kờp,  kờp tus tu\ do, cau lơh sa tàm kơnhoàl neh ai is rlau 4 sào 5 chuờng ù, 18 tơmàn pria\ mờ git nđờ rbô ngai lơh  broa\ nàng lơh ala\ broa\ lơh bè hìu bơsram, gùng lòt tàm bòn lơgar.

            Bè hìu nha\ ồng Nguyễn Thanh Sơn tàm bòn 7, ntum Dak Wer neh ai is 150 thơt vuông ù, hìu nha\ ồng Diệp Năng Thái kis tàm bòn Quảng Thành, ntum Đạo Nghĩa neh ai is 3 sào ù mờ ua\ chi tam geh kuơ ngan nàng lơh gùng lòt tàm bòn.

            Mờ ala\ broa\ lơh ngan ngồn, mpồl cau lơh sa kơnhoàl Dak Rlấp neh ta\ pơ gồp  nhap nhar ngan tàm broa\ mut lơh bơt bơtàu bòn lơgar pa jat pơlam  di broa\ jàu. Tơnơ\ 2 nam mut lơh, gùt kơnhoàl neh geh 10/10 ntum lơh gơs broa\ rơndap ù tiah, 4 ntum lơh gơs 5 broa\ jàu, 4 ntum lơh geh bơh 5-8 broa\ jàu, 2 ntum lơh geh bơh 9-11 broa\ jàu. Tu\ do,  ala\ kơna\ mpồl cau lơh broa\ sa gam pơnjat tai lơh pràn broa\ mblàng pơlam, lam sồr cau lơh sa nhap nhar tàm broa\ tam gơl lơh sa phan bơna jat bòn lơgar rơndap broa\ lơh bơt bơtàu bòn lơgar pa.

            Bal mờ broa\ lơh niam  Kơrnuat lơh tờm tàm bòn lơgar den ala\ kơna\, mpồl kung sùm geh  jờng ala\ cau pơnrơ lam lài gơguh jak tàm srơh bơt bơtàu bòn lơgar pa nàng geh lơh ua\, làng bol bơsram, lơh jat bal.

                                    Ngui bơh bao\ Dak Nông online, cau mblàng K’ Brọp.