Dam Rông la kơnhoàl rbah, ờ mìng bơh càr Lâm Đồng dê, mơ gam la kơnhoàl rbah ngan bơh gùt lơgar, la dùl tàm ala\ kơnhoàl tàm gùt lơgar geh sac rwah nàng mut lơh tơr lòng lài broa\ lơh tơmù rbah mhar, kơljap. Den tàng, mờ kơnhoàl do,  bơta ờ suk ơm ngan la lơh bè lơi nàng lik bơh bơta kơnhoàl rbah tàm nam 2015, bè jơnau lơh ngan neh geh kuang bàng đơng lam bồ kơnhoàl cri bơyai ring bal.

            Jat rơndap broa\ bơtàu tơngguh, càr Lâm Đồng mờ kơnhoàl Dam Rông ai broa\ lơh tus Dam Rông in la bơtàu tơngguh lơh sa mpồl bơtìan mờ khà gơ guh mhar mờ kơljap, rhời tơn srềp gơcah ngài bơh kơnhoàl Dam Rông mờ ala\ kơnhoàl, bòn dờng ndai tàm càr, lơh ngan ai Dam Rông lik klàs  kơnhoàl rbah tàm nam 2015, lơh ngan bơcri tam gơl lơh sa di pal jat gùng tơngguh khà gơguh lơh sa mờ mai\ mok-lơh sa mờ mai\ mok dềt-bơt bơtàu, ka\ bro, tơmù khà lơh broa\ sa-chi brê-phan tàm dà tàm rơndap lơh sa, lơh geh ròt phan bơna lơh broa\ drờm bal, di pal bơta kờ` bơtàu tơngguh lơh sa mpồl bơtìan…

            La dùl tàm 60 kơnhoàl geh rwah nàng mut lơh Broa\ lơh tơmù rbah mhar mờ kơljap tàm gùt lơgar, rlau 5 nam do, kơnhoàl Dam Rông neh bơcri geh git nđờ rbô tơmàn pria\ nàng mut lơh ala\ bơta phan bơna, bòn lơgar. Kơnờm bơh hơ\, khà hìu nha\ rbah bơh kơnhoàl neh gơmù gam hờ đơm 15% tàm lồi nam 2013. Ồng Vũ Kim Sinh kuang at bồ đơng lam Đảng kơnhoàl Dam Rông ai git: Kơnhoàl lơh ngan tus nam 2015 tus, khà hìu nha\ rbah bơh Dam Rông gơmù gam hờ đơm 10% mờ tus nam 2020, khà do lyah rlau 3%. Jat jơnau yal bơh anih duh broa\ làng bol kơnhoàl Dam Rông, khà gơguh GDP kờp bal pah nam tơngai bơh 2011-2015 kơnhoàl dê geh tus 18%-19%, tàm  hơ\ mpờl go\ ngan la gah lơh sa mờ mai\\ mok-bơt bơtàu gơguh 28%, gah broa\ lơh ơla gơguh 23%. Mờ kơnhoàl rbah bè Dam Rông, gam dùl khà sồ ndai tai geh ai go\ niam la: Geh pria\ kờp bal tơl na\ cau tàm nam 2009 mìng 8 tơlak pria\, neh gơguh mơr 20 tơlak pria\ tàm nam 2013 pa do mờ geh jơnhua rlau 20 tơlak pria\ tàm nam 2014 do, ngan la, jat yal lài, khà sồ do geh la 28 tơlak pria\ tàm nam 2015 mờ 80 tơlak pria\ tàm nam 2020. Geh tai ờ ua\ khà sồ ndai la: Kờp jơh ta\ dia pria\ dà lơgar bơh Dam Rông tơngai bơh 2011-2015, pah nam kờp bal geh tus 35 tơmàn pria\, kờp du\ tơngai bơh 2016-2020, khà sồ do geh la 110 tơmàn pria\.

            Dam Rông lơh ngan tus nam 2020 geh bơtàu tơngguh ba\ ù lơh sa gơguh tus 19 rbô-20 rbô lồ, geh lơh niam sơntìl, mut lơh sơng ka sền gàr mờ geh ngui công nghệ cao tàm lơh sa nàng tơngguh pria\ geh kờp bal tơl lồ ù lơh sa bơh 70-80 tơlak pria\ tàm nam 2015 mờ 120 tơlak pria\ tàm nam 2020. Tàm hơ\,  kơphê la chi tam geh ai git la geh gàr niam tàm ba\ ù 7.500 lồ mơya pal tơngguh cồng nha  tơnhàu bơh hờ đơm 2 tấn tàm dùl lồ tu\ do,  gơguh 2 tấn 9 tàm dùl lồ tàm nam 2020 nàng lơh geh kơphê tus 20 rbô tấn tàm nam 2020. Kòi: Gàr niam ba\ ù kòi sre tàm làng bol kòn cau bơh 2.200-2.300 lồ. Bal mờ hơ\ la tơngời geh tam ua\ tus 3 rbô lồ-3.200 lồ  tàm nam 2020, tơngời geh bơh 15 rbô tus 18 rbô tấn. Ngan ngồn, mờ biap sa, Dam Rông geh ai git lơh ngan lơh geh tus ndrờm mờ tiah tam ua\ biap tàm Phi Liêng-Dà Knàngmờ ba\ ù gàr niam 600 lồ mờ khà geh biap tam tus 9.600 tấn. Bè ròng phan, gàr niam phan ròng dờng, iar, ơda mờ kờp jơh la 16.500 nơm kơnrồ, 45 rbô nơm sur, 185 rbô nơm iar, ơda. Bè phan tàm dà, gàr  niam 240 lồ mat dà ròng  ka., dong lài ngan tàm broa\ ròng ka dà mriềt,  ka geh cèng geh tàm pơgap di 1.200 tấn. Bè chi brê, Dam Rông lơh ngan tus nam 2020 geh rlau 65 rbô lồ ù chi brê-lơh geh khà gơ glòm brê tus 75%

            Tàm gah bơtàu tơngguh bòn lơgar mờ bơt bơtàu bòn lơgar pa, jat ồng Vũ Kim Sinh, den Dam Rông geh ai broa\ lơh kơnhoàl in la lơh bal bơtàu tơngguh broa\ lơh broa\ sa  bal mờ bơt bơtàu bòn lơgar pa, bơtàu tơngguh ka\ bro mờ gah lơh broa\ bòn lơgar nàng tam gơl lơh sa, bơt bơtàu ala\ broa\ lơh sa di pal, lơh ua\ ala\ broa\ lơh tam klac lơh sa bal, lơh broa\ bal geh cồng nha tàm lơh sa, ai geh broa\ ala, bơceh lơh phan lơh geh mờ pơrgon blơi jơh phan lơh geh tus cau lơh sa in. Kung jat kuang bàng at bồ kơnhoàl Dam Rông, tus nam 2020, kơnhoàl lơh ngan geh gùng rơndeh dờng tus ala\ bòn, ồs đèng mờ dà ngui sa kung geh ngui tơl tus làng bol, ala\ broa\ lơh dà lơgar tàm ala\ gah broa\ lơh geh mut lơh geh cồng nha jơnhua rlau…Mờ Dam Rông lơh ngan tàm nam tus, 2015, geh 1 tàm 8 ntum geh tơl khà 19 tàm 19 broa\ jàu sồr lơh bè bơt bơtàu bòn lơgar pa, tus nam 2020, khà sồ do la 4 ntum.

            Kuang bàng atbồ anih duh broa\ làng bol kơnhoàl Dam Rông ai git, nàng lơh geh broa\ lơh bơtàu tơngguh lơh sa mpồl bơtìan tơngai bơh 2011-2020 geh sồr lơh, kờp jơh khà pria\ mờ kơnhoàl do kờ` la rlau 2.500 tơmàn pria\, tàm hơ\ tơngai bơh 2011-2015 kờ` tus 774 tơmàn pria\, mờ tơngai bơh 2016-2020 la 1.759 tơmàn pria\.

                                                                                                      Cau mblàng K’ Brọp