VOV4.K’ho - Tam tòm jơu ròng tu gam là gùng dà broă lơh pa tàm broă tam gơl phan tam, phan ròng làng bol tàm thị trấn Đinh Văn, kơnhoàl Lâm Hà, càr Lâm Đồng tàm hơ\ geh gal làng bol kòn cau K’ Ho.

Ală bă ù sre lơh kòi ờ geh cồng nha, suơn kơphe neh kra cồng nha tơnhào ờ uă geh làng bol rồ kờ` tam tòm jơu căt uă ntê kờ` drơng tàm broă ròng tu ai brài, geh cồng nha.

Tu\ pa l^k ơm kis, hìu nhă bi Ya Binh, kis tàm mpồl [òn B’Nông Rết, thị trấn Đinh Văn geh mè bèp tam pà 2 sào ù tam kơphe. Dùl bơnah tài kơphe neh kra, dùl bơnah tài kal ke ờ geh priă blơi phơng den tàng gùt nam hìu nhă ờ geh priă cồng.

       Hìu nhă bi Ya Binh (đah ma) neh tam gơl bơh suơn kơphe kra nàng tam tòm jơu, ròng tu

Ală broă tàm rài kis hìu nhă mìng kơnờm bơh priă lòt lơh broă ơpah bơh bàr nă ùr bơklao bi dê. Geh Hội Nông dân bơto mờ dong kờl sơntìl tòm jơu, ùr bơklao bi neh dus sơbì tòm kơphe neh kra nàng tam tòm jơu, ròng tu, kơnờm mờ hơ\, rài kis kis hìu nhă sơlơ ring niam. Bi Ya Binh pà g^t, priă geh bơh broă ròng tu hìu nhă bi dê neh blơi tai ù, bơcri priă lơh hìu pa dờng rơlao 100 thơ\k vuông mờ kờ` ơm bal mờ geh anih ròng tai tu tơnguh bơtàu broă lơh sa.

-Tu\ rơ\p pa tam kơphe, a` go\ ờ geh cồng nha, dùl nam hơ\ sồng tơnhào dùl dơ\. Go\ tam tòm jơu ròng tu a` kung tam tơlòng, hơ\ sồng bơh tu\ hơ\ geh priă uă đao. Tus tu\ do den hìu nhă kung geh uă priă đao, bơh hìu ndrờm mờ rơ[ah tu\ do neh klàs mờ rơ[ah.

Ndrờm bal mờ hơ\, bơh ngai tam jơu ròng tu ai brài, pah nhai hìu nhă bi K’ Tiêu kis tàm mpồl [òn Ryông Srê, thị trấn Đinh Văn kung geh rơlao 12 tơlăk priă. Bi K’ Tiêu pà g^t, tu\ do hìu nhă neh tam gơl 4 sào ù sre lơh kòi dùl kàl ờ geh cồng nha mờ 2 sào ù kơphe neh kra kờ` tam tòm jơu căt uă ntê nàng ròng tu.

                                                     Tu hìu nhă bi K’ Tiêu pa ròng

Kung kơnờm bơh broă ròng tu, den tàng nhai lơi hìu nhă bi kung geh priă pơyoa 3 nă kòn gam bơsram đại học tàm [òn dờng Hồ Chí Minh in.

-A` go\ broă ròng tu geh priă rơlao, ròng tàm 15 ngai là geh priă. Nhai lơi kung ròng mờ geh priă sa pah nhai mờ jơnkah ờ uă den blơi tai phơng sih tàm suơn kơphe in.

Jăt ồng Trần Văn Hoà, Chủ tịch Hội Nông dân thị trấn Đinh Văn yal, mờ khà priă brài tu tu\ do geh bơh 150 rơbô tus 180 rơbô tàm 1 k^, di lah hìu nhă lơi ròng geh den pah nhai kung geh rơlao 15 tơlăk priă tơnơ\ mờ tu\ neh kờp jơh priă tă.

-Gơwèt mờ broă tam jơu ròng tu neh bơcri priă ờ uă. Geh ngui jơh tơngai ru làng bol dê. Mờ bă ù làng bol neh tam gơl, ală phan lơh broă ai broă ròng tu in geh [uơn, ờ kas priă, broă ròng mờ geh dà lơgar dong kờl, den tàng [uơn ngan tus mờ broă bơcri priă ròng. Geh ală hìu tơnơ\ mờ tu\ ròng tu dùl bàr nam go\ geh cồng nha, làng bol neh bơcri priă lơh hìu is kờ` gàr niam broă ròng geh [uơn rơlao.

Bơh dùl tiah mìng tam kơphe mờ lơh kòi sre, tus tu\ do gùt thị trấn Đinh Văn, làng bol neh tam gơl mờr 190 lồ ù tam tòm jơu ròng tu. Uă hìu gam tam tòm jơu p^c nha, ai ală hìu ròng tu tàm ală tiah in.

Ồng Nguyễn Thái Sơn, Phó chủ tịch UBND thị trấn Đinh Văn pà g^t, neh geh mờr 1 rơbô hìu làng bol kòn cau K’ Ho neh tam gơl tàm broă tam tòm jơu ròng tu tàm tơngai do.

Tus tu\ do, thị trấn ờ gam geh hìu jơgloh, khà hìu rơ[ah neh gơmù uă, kuơ màng tàm làng bol kòn cau K’ Ho. Làng bol neh g^t ngui broă tam tòm jơu ròng tu jăt broă lơh di pal mờ sơntìl pa kờ` tơnguh uă rài kis.

-Lài do, làng bol mìng tam tàm 6 nhai kàl mìu, den tu\ do làng bol gam ngui ală broă tuh dà mờ [éc, dong kờl tòm jơu geh hòn gơs mờ pah nhai sùm geh priă, geh bal tàm kàl prang. Tơngai tus bol a` geh pơn jăt tai pờ ală ơdu\ bơto bè broă tam jơu mờ ròng tu làng bol in.

Kờ` làng bol kis đềt mềr mờ broă tam jơu ròng ròng tu, bơdìh mờ broă tam kơphe mờ lơh sre bè ờs, Đảng uỷ, gơnoar atbồ thị trấn Đinh Văn gam dong kờl ai ală hìu tam gơl bơh broă tam phan ndai tus mờ broă tam tòm jơu 500 rơbô priă tàm 1 sào kờ` làng bol in geh priă blơi sơntìl, blơi phơng sền gàr tòm jơu.

Mờ, thị trấn gam ai broă pơgồp bal, jòi anih lơh sa kă bro kờ` bơcri priă blơi phan geh lơh dong kờl làng bol ring niam tàm broă lơh sa.

Cau mblàng Ndong Brawl