VOV4.K’ho- Mang ngai 17/12, tàm Anih tờm pờ tơlik jơnau đơs dà lơgar, hìu sồ 58 gùng Quán Sứ, ƀòn dờng Hà Nội, Anih Jơnau đơs Việt Nam (VOV) bơyai lơh Măng đơs ală jơnau đơs crih niam ngan rlau jơh gơmŭt tàm dar pơrlòng dŭt ndơl Dơ̆ pơrlòng bơceh cih jơnau đơs crih “Đơs crih tĕ Việt Nam- Let’s sing Vietnam”.

Do là dơ̆ hòi jà bơceh cih làm uă ngan rlau jơh, tơl làm ngan rlau jơh lời ai ală cau mờng bơceh đơs crih mờ cau ờ mờng bơceh jơnau đơs crih tàm lơgar in, cau Việt Nam ơm tàm lơgar ndai in, ală cau bơceh jơnau đơs crih lơgar ndai kờñ tam pà bal bơta kờñ gơboh gơwèt mờ Việt Nam. Tàm mang đơs crih, 12 jơnau đơs crih geh đơs là ală jơnau đơs crih niam ngan rlau jơh, geh sac rwah bơh 45 jơnau đơs crih mŭt tàm dar pơrlòng dŭt ndơl, geh bơta niam tàm jơnau bơceh, lời wơl uă bơta kah wơl ai cau iăt, cau sền mờ Mpồl duh broă ai điềm in.

Tàm tŭ 8 jiơ mang ngai do 18/12, Dơ̆ bơyai lơh jàu khà jờng Dơ̆ pơrlòng bơceh jơnau đơs crih “Đơs crih tĕ Việt Nam- Let’s sing Vietnam” geh lơh tàm Hìu đơs crih Anih Jơnau đơs Việt Nam, sồ hìu 58 gùng Quán Sứ, ƀòn dờng Hà Nội. Dơ̆ lơh đơs crih do geh sơñio rùp tơn tàm gah ală gah pờ tơlik jơnau đơs VOVTV, VTC1; pờ tơlik tơn tàm gah pờ tơlik jơnau đơs VOV1, VOV3; pờ tơn tàm internet tàm VOV.VN, VTCNow, VTC News mờ ală internet sồ bơh Anih Jơnau đơs Việt Nam dê.

Cau mblàng Lơ Mu K’Yến