VOV4.K’ho- Kờp tus 6 jiơ drim ngai do (10/5), lơgar Việt Nam sền gŏ tai 80 nă cau bơtờp kòp Covid-19, tàm hơ̆ geh 78 nă cau bơtờp tàm lơgar mờ 2 nă cau geh ai ơm yah ngài tơn tơnơ̆ tŭ rê bơh lơgar ndai. Bộ Y tế yal, mùl màl geh 80 nă cau bơtờp kòp pa, tàm hơ̆ geh 2 nă cau geh ai ơm yah ngài tơn tơnơ̆ tŭ rê bơh lơgar ndai tàm càr Đồng Nai mờ 78 nă cau sền gŏ bơtờp tàm lơgar, tàm hơ̆: Bắc Ninh 27 nă, Vĩnh Phúc 19 nă, Đà Nẵng 13 nă, Bắc Giang 5 nă, Hà Nội 9 nă, Hoà Bình 2 nă, Dăk Lăk 1 nă, Điện Biên 1 nă, Lạng Sơn 1 nă.

Kờp tus 6 jiơ drim ngai do, 10/5, lơgar Việt Nam kờp jơh geh 1 rbô 981 nă cau bơtờp kòp Covid-19 tài bơtờp tàm lơgar, tàm hơ̆ khà cau bơtờp kòp pa kờp bơh ngai 27/4 tus tŭ do là 411 nă. Bè bơta sơm kòp, jăt jơnau yal bơh Cục ătbồ kham sơm kòp gơwèt Bộ Y tế dê yal, khà cau sơm bời kòp bơtờp bơh virus Sars CoV-2 dơ̆ dùl là 25 nă, khà cau bời dơ̆ 2 là 22 nă, khà cau bời dơ̆ 3 là 17 nă; khà cau chơ̆t là 35 nă, khà cau sơm bời là 2 rbô 602 nă.

Cau mblàng Lơ Mu K’Yến