VOV4.K’ho - Rlau 50 nam do, ồng Phạm Hùng Anh kis tàm [òn Tân Quý, ntum Vụ Bổn, kơnhoàl Krông Pach, càr Daklak neh sùm jòi prap sra\ ngal, rùp Bác Hồ. Broa\ lơh ờ cau lơi git bơh cau geh Đảng do ờ mìng geh lơh geh bơta kờ` gơboh, sền ngềr tus mờ Bác Hồ mờ gam pơgồp lơh gơ rề ơnàng rlau nùs nhơm bơsram mờ lơh jat ơnà jak bơh Bác Hồ dê.

            Tàm cơldu\ mpang dềt bơh hìu nha\ ồng Phạm Hùng Anh, tùh sra\ nggal  tus mờ Bác Hồ geh ơn tềng anih kuơ màng ngan. Ala\ pang sra\, jơnau tàm bao\,  rùp Bác Hồ geh ồng rơndap sap sèng jat mờ sơnđan, bè: Rài pa tàu bơh Bác Hồ, Bác Hồ lik lòt bơh Bến Nhà Rồng lò jòi gùng dong klàs dà lơgar, Đảng mờ Bác Hồ at bồ dơ\ tam lơh dờng màng, Gùt Đảng, gùt làng bol lơh ngan jat jơng Bác…

            Sùm tàm 3 nam 1961, 1962, 1963 ồng drờm  chờ ngan geh tìp Bác Hồ tu\ geh lòt lơh broa\ hờ Nghệ An mờ Hải Phòng. 3 dơ\ geh tìp Bác Hồ neh gơ gơs la ala\ dơ\ lời kir kuơ màng ngan, lơh geh bơta pràn nàng ồng kis, tam lơh mờ lơh broa\ jat ơnà jak bơh Bác Hồ dê. Bơh nùs nhơm mềr ngan lời tus Bác Hồ, nam 1963 ồng  mut lơh jòi prap sra\ nggal, jơkiau\ prap ala\ rùp, jơnau bao\  geh cih, lip  tus mờ Bác Hồ. Nam 1975, tơnơ\ ngai dà lơgar geh tơng klàs, ồng mut tàm Daklak dờp broa\ lơh tàm anih lơh sa suơn dờng 719, kơnhoàl Krông Pach, phan cèng bal pal geh  la ala\ phan bơna nùs nhơm hơ\. Rlau 50 nam do, bulah dùl pang rùp, dùl pang sra\ neh klar, dùl jơnau  cih tàm bao\  cih tus mờ Bác Hồ drờm ồng geh sền gàr nền ngan. Sùm lơh is jòi prap, tềng  phan prap ồng dê tus mờ Bác Hồ slơ ngai slơ lơ ut. Tus tu\ do, ồng neh geh mờr 1 rbô pang rùp,  sra\ nggal tus mờ Bác Hồ. Hìu dềt ồng dê neh gơ gơs la anih  mờng ngan tus mờ ala\ cau lơi kờ` jòi wa\ bè rài kis broa\ lơh bơh Bác Hồ. Mò Lê Thị Tình pơ ùr ồng Phạm Hùng Anh, ai git:“Ala\ sra\ nggal bơh ồng  hơ\,  ờ ua\ cau drờm sơnam mờ ồng sùm tus, hơ\ sồng ala\ bi, ala\ lo\, ala\ sau ơruh pơnu, kơnòm pa tàu, kơnòm dềt tu\ lơi kung kờ` ala\ sra\ nggal tus mờ Bác Hồ. Kờ` bơta lơi gơ rềng tus Bác Hồ la geh tus ồng Anh,  mờ lùp ồng la geh dong ơruh pơnu, kơnòm pa tàu sùm tus ngan la bè hơ\”.

Ồng Phạm Hùng Anh ngir ngan  yal jơnau tus mờ Bác Hồ.

            Nàng geh ala\ sra\ ngal, rùp kuơ màng do, ồng Phạm Hùng Anh neh ờ ngòt bòl glar, jơh pria\ jền nàng geh tus ala\ anih geh sra\ nggal kuơ màng ngan tus mờ Bác Hồ. Mờ pah dơ\ bè hơ\, ồng  geh kơp kờ` jòi geh tai ala\ sra\ nggal li la ndai, ngan ngồn rlau tus mờ Bác Hồ. Rlau mờ hơ\ tai, mờ ồng broa\ jòi, prap kung la tu\ nàng ồng geh wa\ rlau tai, git loh rlau tai nùs nhơm kơlôi sơnơng bơh Bác Hồ. Ờ mìng jòi prap sra\ nggal tus mờ Bác Hồ, ồng gam nhap nhar tus bal ala\ bùi boh bơr  jơnau sơnđan mờ ala\ rnàng cau geh đảng, ơruh pơnu, kơnòm pa tàu, kơnòm dềt bè broa\ lơh kac màng. Broa\ lơh do bơh ồng Phạm Hùng Anh ờ mìng làng bol sền ngềr ngan, mờ gam geh mpồl đơng lam Đảng kơnhoàl Krông Pach sền kuơ, đơs jơnhua. Ồng Trương Huy Minh kuang jat kơng atbồ gah bơto pơlam gùng dà broa\ lơh bơh mpồl đơng lam Đảng kơnhoàl Krông Pach, đơs: “Ồng mờ đơs ala\ jơnau mblàng ồng dê bè pang rùp do, bơh tài gơ bè do, pang rùp ne bơh tai gơ geh den tu\ hơ\, he hơ\ sồng  go\ ồng wa\ nền nòn ngan tơl dùl pang rùp, lời ồng  đơs mờ tơl cau, kờp bal cau geh Đảng tus ala\ rnàng làng bol tu\ geh tam tìp mờ ồng den gơ geh ai go\ gơ rề, bơta ngềr dờng ngan. Cau ngan broa\ ngan tài ồng neh 2 dơ\ tìp mờ Bác Hồ den tàng broa\ bơto bơtê tus ala\ rnàng kơnòm sa\ bè bơhìan yau mờ ngan la ala\ jơnau gùt dar ơnà jak bơh Bác Hồ dê”.

            Nam 2006, Gah gùng dra\ bal dà lơgar lam lơh dơ\ lam sôr “Bơsram mờ lơh jat ơnà jak Bác Hồ dê”, ồng Phạm Hùng Anh neh kờ` ngan lơh 2 khung rùp dờng, mờ git nđờ nơm rùp dềt Bác Hồ nàng geh pà tus gah bơto pơlam gùng dà broa\ lơh mpồl đơng lam Đảng kơnhoàl Krông Pach mờ mpồl đơng lam Đảng ntum Vuh Bổn, mờ bơta kơp kờ` dong ala\ rnàng tơnơ\ geh ka\ tus Bác Hồ, wa\ rlau tai bè rài kah yau dà lơgar, jơi bơhìan. Mờr 5 nam sùm lòt jòi prap mờ jơh ala\ bơta kơp kờ` he dê, ồng neh lơh gơs bơta do, ồng Phạm Hùng Anh, đơs:“Tu\ gah gùng dra\ bal dà lơgar lam lơh dơ\ bơsram mờ lơh jat ơnà jak Bác Hồ dê, a` hơ\ sồng sơnơng lơh geh 2 khung rùp do pà kơnhoàl  mờ Đảng ntum nàng geh lơh gơs sra\ nggal, rùp bơsram  geh ai go\ ngan mờ sùm gơ bè hơ\, ua\ ngan la nàng lam sồr bơsram mờ lơh jat ơnà jak Bác Hồ dê”.

Ồng Phạm Hùng Anh pà khung rùp Bác Hồ tus mờ mpồl đơng lam Đảng kơnhoàl Krông Pac

            Sền kuơ tơl pang rùp, tơl sra\ nggal, ồng Phạm Hùng Anh sền hơ\ la phan bơna kuơ màng ngan bơh hìu nha\. Mờ ồng, hơ\ ờ mìng la bơta chờ, bơta kơp kờ` mờ la jơnau nting tơng kah sa\ tờm, hìu nha\ mờ ala\ cau gùt dar sùm cih kah dà kơlhề dờng ngan bơh Bác Hồ sùm lơh ngan dùl rài bơsram mờ lơh jat nùs nhơm, ơnà jak bơh Bác Hồ.

                                                                                 Cau mblàng K’ Brọp