VOV4.K’ho- Kơnhoàl Ea Kar, càr Dak Lak pa bơyai lơh Cribơyai- Lơh drà bơtàu tơnguh chi sa plai, kờ` sền wơl bơta geh ngan mờ bơta pràn bơtàu tơnguh chi sa plai tàm kơnhoàl. Jơh gùt càr Dak Lak tu\ do geh rlau 26.500 lồ chi sa plai, uă ngan mìng là bơ mờ sầu riêng.

Mìng is kơnhoàl Ea Kar geh pơgăp rlau 2 rbô lồ chi sa plai, tàm hơ\ geh ală chi tam tờm, bè: bơ, sầu riêng, pơnăt, jràng, gơ àl mờ sơntìl chi sa plai geh sơnề cèng wơl priă jền lơh sa pah nam pơgăp rlau 100 tơmàn.

Tàm dơ\ cribơyai, ală kuang bàng đơs, Ea Kar là kơnhoàl ù tiah niam ngan nàng bơtàu tơnguh chi sa plai. Mơya, cau lơh broă sa pal lơh jat broă lơh ờdo ờdă nàng jòi drà kă bro kơ\ kơl jăp; geh broă lơh bal crơng gơs tiah tam phan, ngui dùl ròt bal bơta jak chài pa tàm broă lơh sa; lơh bal đah mpồl lơh sa kă bro mờ mpồl cau lơh broă sa tàm rboă kă bro, lơh gơlik mờ tăc mờ lơgar ndai…

Cơldu\ ràng tăc phan bơh Hợp tác xã Thành Công Ea Kar dê

Kung tàm dơ\ cribơyai do sơl, neh geh lơh drà chi sa plai, mờ 44 cơldu\ ràng tăc phan bơh ală mpồl cau, mpồl lơh sa kă bro, Hợp tác xã tàm càr Dak Lak mờ ală càr: Bến Tre, Hậu Giang, Bắc Ninh mờ [òn dờng Hồ Chí Minh. Lơh drà neh gơhòi gơ jà gi\t nđờ rhiang nă cau lơh broă sa lòt sền, blơi phan mờ ală mpồl lơh sa kă bro tus nàng lùp tu\ tơngai niam bơcri priă.

Cau mblàng Lơ Mu K’Yến