VOV4.K’ho- Tàm pơrjum pờ tơlik tơn tàm internet tơn jơh kơnòl broă nam 2019, lơh jăt kơnòl broă nam 2020 bơh Bộ Nông nghiệp mờ Phát triển Nông thôn dê bơyai lơh, Thủ tướng ồng Nguyễn Xuân Phúc đơs sùm, gah lơh broă sa sươn sre pal pơn jăt tai rơndăp tăp sèng wơl, lơh ngan gơ gơs là gah tăc phan mờ lơgar tờm ngan. Tàm hơ\, ai tơlik jơnau kờ` tăc phan mờ lơgar ndai tàm nam tus geh 43 tơmàn dolar Mỹ, tus nam 2025 geh 50 tơmàn dolar Mỹ, lam bồ ASEAN mờ gơ mu\t tàm mpồl 10 dunia.

Tàm pơrjum, Thủ tướng ồng Nguyễn Xuân Phúc đơs, gah lơh broă sa sươn sre gam tìp pe bơta lòng kuơmàng. Dơ\ dùl là tàm pơrlòng krà` cê jơh nùs ngan tàm kă bro gùt plai ù, tàm hơ\, gùng dà sền gàr, tam dră kă bro geh uă kal ke; dơ\ bàr là kòp bơtờp tàm phan ròng, chi tam gơlik geh, ngan là kòp jê ndul gơjroh sur châu Phi mờ kòp tu keo nhai hàm lơh aniai phan tam. Mờ dơ\ pe là tam gơl trồ tiah, gơbàn kal ke ngan bơh trồ tiah dê bè trồ tơngai duh jo\ jòng nisơna lơh gơbàn soăt dà, ồs sa brê, ờ tơl dà mìu uă ngan lơh soăt dà, dà hăng mu\t aniai tàm lồi nam.

Bulah bè hơ\, sền wơl nam 2019 bal mờ uă kal ke gơrềng, den gah lơh broă sa sươn sre kung gam geh sơl uă bơta pơnrơ, lam lơh uă ală anih lơh gơlik phan bơh lơh gơlik tus kă bro; lam lơh jăt niam jơnau sồr mờ gơmu\t jrô tus làng bol bè Kơrnoat sồ 120 bơh Chính phủ dê bè bơtàu tơnguh kơ\ kơl jăp tiah ring dà dờng Cửu Long. Tàm hơ\, neh pơdar gùng bơh lơh kòi là tờm tus lơh gơlik phan tàm dà, tam chi sa plai, dong cồng nha gơcèng wơl uă rlau.

Cồng nha lơh geh kuơmàng ndai hơ\ ngan là broă bơtàu tơnguh drà kă bro mờ crơng gơs ală tiah lơh sa dờng gơ jăt bal mờ drà kă bro bè ală tiah tam chi sa plai tàm Sơn La, Hưng Yên, Bắc Giang, ka tra An Giang…Kuơmàng là uă hìu măy lơh gơlik phan lơh geh bơh sươn sre dờng geh crơng gơs nam 2019. Bàr pe gah phan dờng, bè lơh gơlik phan bơh chi brê tam, tăc phe mờ lơgar ndai, plai chi geh măt kă bro mờ geh cồng nha uă.

Bol he pal dong kờl drà kă bro di gùng mờ lơgar ndai nàng gròi sền bơta niam ai cau ngui sa in. Pal gi\t loh bơta do mờ bồ tơngoh do pal geh tam gơl tàm gùt lơgar, mờ chờ hờp ngan là bol he gam lòt jăt di gùng do di tu\, tàm hơ\ geh drà lơgar Lo, kuơmàng là drà lơgar Mỹ. Bol he chờ hờp là bơta phan ka ti mờ ka tra, bol he tàm pơndăng ngan mờ tu\ do priă tă dia tăc mờ lơgar ndai ờ gam tai. Do ngan là tu\ tơngai niam bơh lơh broă sa sươn sre Việt Nam dê mờ 2 bơta pràn tờm ngan do. Mờ bơta chờ hờp tai là Myanmar dờp blơi plai thanh long jăt tơngai kàl bơh Việt Nam dê.

Thủ tướng đơs niam ngan nam 2019, Bộ Nông nghiệp mờ Phát triển Nông thôn neh dùl nùs bal, lơh geh anih [ươn, dong kờl, hòi jà bơtàu tơnguh lơh sa lơh broă bal, mpồl lơh sa kă bro gơ gơs là bơta gơn kơnờm bơtàu tơnguh lơh broă sa sươn sre. Do kung là nam lơh tềl Broă lơh jơnau kờ` dà lơgar bơ\t bơtàu [òn lơgar pa lơh geh uă cồng nha, lơh geh lài 1 nam mờ nggùl. Bal mờ hơ\, gah lơh broă sa sươn sre neh rcăng lài, lam lơh jăt krà` cê jơh nùs mờ dùl ròt bal bơh dà lơgar tus [òn lơgar tàm broă lơh rcăng sơndră kòp jê ndul gơjroh sur châu Phi den tàng neh lơh geh cồng nha niam loh làng ngan.

Bulah bè hơ\, jăt Thủ tướng Nguyễn Xuân Phúc dê đơs, den gah lơh broă sa sươn sre kung gam geh sơl ală bơta gam gơkòl, bè: rơndăp tăp sèng wơl lơh broă sa sươn sre lam lơh ờ hềt ndrờm bal tàm ală tiah; tam gơl pa mờ bơtàu tơnguh ală gùng dà lam lơh sa ờ hềt lơh di geh jơnau sồr; lơh sa lơh bal jăt ală anih lơh gơlik phan ờ hềt gơ gơs uă, đơng lam tờm. Khà gơguh priă geh bơh tăc phan mờ lơgar ndai geh tềl tơngo\ gơ ơm wơl tài bơh priă tăc mờ lơgar ndai uă bơta phan lơh gơs bơh sươn sre tờm ngan gơmù; Kòp bơtờp tàm chi tam, phan ròng sùm pơhìn lơh bơtờp uă, ngan là kòp jê ndul gơjroh sur châu Phi; lơh broă tàm lơh broă sa sươn sre kung gam geh tus khà uă sơl…

Tàm pơrjum do, Thủ tướng kung tơlik bàr pe jơnau kờ` kuơmàng ai gah lơh broă sa sươn sre in mơkung đơs sùm, gah lơh broă sa sươn sre pal lơh gơnoar broă niam rlau gơ wèt mờ rài lơh sa. Tàm hơ\, nam 2020, khà gơguh GDP tiah lơh broă sa sươn sre geh 3%; Priă geh bơh tăc phan lơh geh bơh sươn sre, brê bơnơm, phan tàm dà mờ lơgar ndai geh rlau 43 tơmàn dolar Mỹ; khà chi che geh tàm brê 42%; Khà xã geh tơl khà [òn lơgar pa 59%; Crơng gơs pa 2 rbô Hợp tác xã lơh broă sa sươn sre; nàng gùt lơgar geh 17 rbô Hợp tác xã lơh broă sa sươn sre. Uă hìu măy lơh gơlik phan geh ai ngui lơh broă, uă tiah lơh sa sươn sre công nghệ cao.

Bè kơnòl broă ngan ngồn tàm tơngai tus, Thủ tướng Nguyễn Xuân Phúc sồr: Gah lơh broă sa sươn sre pal pơn jăt tai tơrgùm rơndăp tăp sèng wơl, sền bơtàu tơnguh lơh broă sa sươn sre lơh gơlik phan kă bro, ngui công nghệ cao, tơnguh broă lơh gơlik phan, prăp gàr phan lơh geh bơh sươn sre, lơh jăt jăt tềl tơngo\ mờ jơnau sồr bơh drà kă bro dê, pờ ơnàng bơtàu tơnguh drà kă bro là ală broă bơtàu tơnguh sơrbac mhar bơh gah lơh broă sa sươn sre dê tàm nam 2020 mờ ală nam pơn jăt tai. Mơya kung rơndăp tăp sèng wơl lơh broă sa sươn sre bè bàr pe tiah neh lơh geh cồng nha, uă càr kung gam là rơpu lòt lài lơngal jăt tơnơ\ sơl. Broă dơ\ 2 là gàr bơta niam mờ gàr bơngă pin dờn tàm phan bơna lơh geh bơh sươn sre. Pơnyơu bè kòp phe Sóc Trăng ST, plai chi, ka ti bơkah mờ kuơmàng là rề ơnàng drà kă bro, ngan drà kă bro EU bal mờ 28 lơgar.

Bơh pơlam gùng dà hơ\, Thủ tướng sồr gah lơh broă sa sươn sre pal pơn jăt tai tă bơsong ală kal ke bè broă dong kờl ù tiah, ai càn priă. Lơh pràn tam gơl rơndăp tăp sèng chi tam, phan ròng gơ in dipal mờ jơnau kờ` bơh drà kă bro dê, gơ dờp mờ tam gơl trồ tiah. Tơnguh uă broă lơh yal lài drà kă bro. Lơh gơs rơndăp tăp sèng phan bơna drơng lơh broă sa sươn sre, [òn lơgar in; Pơn jăt tai sơndră wơl mờ tam gơl trồ tiah, rcăng sơndră trồ tiah lơh aniai; Gah lơh broă sa sươn sre kung pal lam lơh geh cồng nha broă lơh, broă rơndăp lơh sền gàr mờ bơtàu tơnguh brê, kơryan ba` ai mus kơl brê geh is mờ pơn jăt tai lơh pràn tam brê.

Tàm pơrjum, Bộ trưởng Bộ Nông nghiệp mờ Phát triển Nông thôn ồng Nguyễn Xuân Cường pà gi\t, jơh gùt gah lơh broă sa sươn sre sền kơnòl broă bơ\t bơtàu rài lơh broă sa sươn sre tam gơl , mu\t gơrờm bal mờ dunia, gơdờp mờ tam gơl trồ tiah, tơnguh uă priă gơguh tai mờ bơtàu tơnguh kơ\ kơl jăp, gơ jăt bal mờ bơ\t bơtàu [òn lơgar pa pas sơm bơtàu tơnguh mờ jak chài. Gah lơh broă sa sươn sre tơrgùm tàm tơrbo\ bal lơh broă sa sươn sre mờ măy mok lơh gơlik phan, prăp gàr mờ drà kă bro, tăc mờ lơgar ndai bal mờ ală anih lơh gơlik phan gùt plai ù. Lam lơh niam đah ală tiah tàm kơnhoàl ù tiah, lơh gơlik bơta tam gơl pràn tàm bơtàu tơnguh mhar, kơ\ kơl jăp, tơnguh uă priă gơguh tai, geh cồng nha mờ bơta pràn tàm pơrlòng phan lơh gơs bơh sươn sre.

Cau cih Vũ Dũng- Cau mblàng Lơ Mu K’Yến