VOV4.K’ho- Sở Y tế càr Lâm Đồng pa bơyai lơh pơrjum tơn jơh broă lơh gah lơh sơnơm nam 2020 mờ lơh jăt kơnòl tờm nam 2021. Sở Y tế càr Lâm Đồng neh đơng lam ală mpồl lơh broă tàm gah do, hìu sơnơm Hoàn Mỹ Dà Làc tơnguh ală broă rơcang sơndră mờ kòp gơtờp bal mờ gàr niam broă lơh sơnơm di satềp nam 2021.

Jăt jơnau yal bơh gah lơh sơnơm càr Lâm Đồng dê, nam pa do, gah lơh sơnơm neh rơcang tơl ală bơta mờ lơh jăt ală broă rơcang sơndră mờ kòp Covid-19, tus tu\ do, ờ geh dùl nă cau lơi geh dờp gơtìp mờ kòp Covid-19; sền gròi bơta kòp gơtờp gơbàn tàm càr do kung bè kòp gơtờp pa, ờ lời gơbàn kòp gơtờp uă.

Ală hìu kham, sơm kòp tàm gah do neh bơyai lơh kham kòp ai rơlao 2 tơlăk 200 rơbô nă cau kòp in, geh mờr 96% pơn ndrờm mờ rơndăp broă geh ai tàm nam. Bơta pràn ngui jơnờng piam kòp jơh gùt càr geh mờr 100%. Ală mpồl lơh jăt ală tiah tam cah is sơm kòp, tam pà broă kham, sơm kòp cau gơtìp kòp tàm gùng tă nhơm mhar mờ geh pin gơtìp kòp Covid-19 jăt jơnau bơto sồr. Kes priă kham sơm kòp cau kòp rơ[ah càr dê neh dong kờl dùl bơnah khà priă tă sơm kòp ai di pơgăp 3 rơbô nă cau kòp rơ[ah, cau gơtìp kòp jroă mờ khà rơlao 12 tơmàn 300 tơlăk đong.

Kơnòl tờm tàm nam 2021 do, gah loh sơnơm tơrgùm tơnguh geh cồng nha broă lơh ală mpồl lơh broă tàm gah do, gàr niam bơta pràn sền gròi, rơcang sơndră mờ kòp gơtờp; lơh hăt ală broă sền gàr mờ drơng gàr bơta pràn kơl dang să jan làng bol; ai broă kham, sơm kòp niam ờ do ờ dă, geh cồng nha, wèt tus broă lơh di nùs bơh cau kòp mờ cau năc.

Bơh bồ nam pa 2021, Sở Y tế càr Lâm Đồng neh geh sră nggal đơng lam ală mpồl lơh broă tàm gah do, hìu sơnơm Hoàn Mỹ Dà Làc tơnguh ală broă rơcang sơndră mờ kòp gơtờp mờ gàr niam broă lơh sơnơm di tàm satềp nam 2021. Sở Y tế đơng lam anih tờm sền gròi kòp tê jê să càr tơnguh broă sền gròi ală bơta geh, broă cau mu\t bơh lơgar bơdìh, sền gròi kòp nàng go\ gờ`, bơsong mơ ală cau gơtìp sơnrờp ngan, ba` lời gơtờp.

Sền gròi nền nòn kòp tàm [làng rơndeh par Liên Khương, tàm ală hìu sơnơm mờ tàm mpồl bơtiàn; kuơ màng là sền gròi nền nòn cau rê bơh ală lơgar, ù tiah gam gơbàn kòp di jăt mờ kơrnoăt geh ai, lơh jăt broă tam cah is, mờ tam cah ngài di jăt mờ ală kơrnoăt tu\ do; go\ gờ`, tam cah ngài mờ bơsong di tu\ ală cau geh pin gơtìp mờ kòp gơtờp.

Ală hìu kham, sơm kòp tàm gùt gah do bal mờ hìu sơnơm Hoàn Mỹ Dà Làc ai cau sền gròi ngai kung bè mang; lơh jăt tơl, di tu\ broă yal di jăt mờ kơrnoăt neh geh ai; gàr niam cau lơh broă, sơnơm, phan bơna, phan lơh broă nàng bơsong di tu\ ală cau gơtìp tài rềs àr tàm gùng lòt, khih phan sa, deh kòn tàm ngai satềp; geh gùng dà broă pơn diang, tam gơl hìu sơnơm tu\ geh kờ`.

Lơh jăt nền nòn broă wah gùng lòt, tam pà gùng lòt geh cồng nha; tơnguh broă yal lài, sền gròi cau kòp mờ cau hìu nhă cau kòp tus kham, bơto pơlam, sơm kòp; pơgồp bal mờ anih tờm sền gròi kòp tê jê să càr pờ ơnàng broă xét nghiệm gơwèt mờ ală cau geh pin gơtìp kòp, sền wơl phan bơna, phan lơh broă drơng tàm broă rơcang sơndră mờ kòp nàng rơcang lài mhar, di tu\ ală bơta gơbàn; tơnguh broă kham, bơto pơlam, sơm kòp bơh ngài; lam sồr, tơmù cau tàm hìu nhă tus sền gàr cau kòp, tơnguh broă sơm kòp tơl ală bơta cau kòp tàm hìu sơnơm in.

Sồr ală cau lơh sơnơm tơnguh nùs nhơm geh kơnòl mờ g^t tàm broă drơng cau kòp, di pal mờ ală bơta geh bè kơrnoăt tìp bal, boh bơr, broă drơng bơh cau lơh sơnơm gơwèt mờ cau kòp mờ cau hìu nhă cau kòp tu\ tus kham, sơm kòp tàm hìu sơnơm. Bơ\t bơtàu rơndăp broă bơyai lơh sền gròi niam, còp să, chờ gờm satềp cau kòp gam piam kòp tàm hìu sơnơm, tàm hơ\ uă ngan là cau geh rài kis kal ke, cau rơ[ah, cau gơwèt cau geh sră dong kờl bơh dà lơgar. Geh gùng dà broă lơh nàng prăp gàr khà sơnơm geh, mhàm, dà srồm, phan bơna, hoá chất, phan lơh broă, ai geh khà jơnờng piam kòp, rơndeh sơnơm, rơcang lài di pal, drơng broă sơm kòp.

Đah kloh niam ờ do ờ dă tàm phan sa càr Lâm Đồng bơyai lơh jăt rơndăp broă bơh mpồl đơng lam ală gah lơh broă bè kloh niam tàm phan sa; rơndăp broă bơh UBND càr bè broă gàr kloh niam ờ do ờ dă tàm phan sa tàm càr di tàm satềp. Pơgồp bal mờ ală sở, gah lơh broă gơrềng bal bơyai lơh al tơng^t bè broă sền gàr kloh niam tàm phan sa, pal kơrnoăt geh ai, jơnau g^t wă bè kloh niam phan sa, yal lài broă di gơlan gơtìp ờ tơl kloh niam tàm phan sa di satềp tus mờ cau ngui sa, cau lơh broă, kă bro; bơyai lơh ai ală mpồl kuang bàng tus sền gròi nàng di tu\ go\, kơrian mờ lơh glài nền nòn ală cau lơi tìs bè kloh niam tàm phan sa, tơmù khih tàm phan sa mờ ală kòp gơtờp bơh phan sa.

Cau mblàng Ndong Brawl