VOV4.K’ho- Bulah neh tus kàl tơnhào, mơya rlau 1000 lồ bùm lô bơh cau lơh broă sa kơnhoàl Phú Thiện, càr Gia Lai, kung gam ờ hềt jòi geh drà tăc sơl. Bơta do lơh làng bol lơh broă sa tàm kơnhoàl hoàc huơr uă ngan, mơkung g^t nđờ r[ô tấn bùm lô digơlan gơ gơs phan sang te\.

         3 lồ bùm lô Nhờk bơh hìu bơnhă bi Trần Văn Tuyến, ơm tàm thôn Kim Môn, xã Chư A Thai, kơnhoàl Phú Thiện, càr Gia Lai, neh jơla kàl tơnhào neh 10 ngai do, mơya cau tờm suơn kung ờ jòi geh cau blơi sơl.

BiTrần Văn Tuyến pal tơrlề  bùm nàng lơh kòi  

        Tài jơla ir mờ kàl tơnhào, bùm sơn đờm gơ hòn mờ ồm, bi Tuyến lồi du\t pal tăc nàng kờ` ai wơl priă bơcri mờ ală cau kă bro rah rài tàm ală drà mờ khà priă tăc mìng 5 rơbô đông tàm dùl ki\ bùm dờng, 1.500 đông 1 ki\ bùm dềt. Mờ khà blơl rah rài bơh 2 tus 3 tấn lơm, pah dơ\ bi Tuyến mìng tăc geh dùl bơnah, mờ pal lơ òr lề 2 bơnah 3 bă ù tam bùm gam wơl nàng di tu\ tơngai tam kòi.

 Ờ go\ gơtùi tăc ờ, do mìng là a` tăc bùm tàm drà, tac rah rài mờ ală cau kă bro bơh ală càr. Pơgap 2 tus 3 ngai khi blơi mìng geh pơgap 2 tus 3 tấn lơm. Đơs bal là lơh bùm kàl do geh gơtìp jơla roh kàl. Dilah gơtùi tăc jơh den kung ờ geh priă cồng sơl. Hoàc huơr ngan, lơh bè lơi kung hoàc huơr.

Thôn Kim Môn, xã Chư A Thai, kơnhoàl Phú Thiện geh rlau 100 hìu bơnhă tam bùm lô Nhờk, mơya tus tu\ do, mìng rơ\p geh 5 hìu bơnhă geh cau blơi. Jơh ală hìu bơnhă ndrờm ơm tàm bơta kal ke kòl yan tài bơh jòi drà tăc ai phan bơna in ờ geh.

Mò Trịnh Thị Thuỷ, ơm thôn Kim Môn pà g^t, tài bơh tăc ờ gơtùi, ờ geh priă ơ pah cau tờ, pà kung ờ geh cau ai sơl, den lồi du\t hìu bơnhă pal tơroă,  lơ òr lề jơh 2 lồ bùm tàm sre ala phơng xanh nàng lơh kòi.

             Mờr 700 lồ bum lô Nhờk bơh làng bol lơh broă tàm kơnhoàl  Phú Thiện, Gia Lai, ờ geh cau kă bro blơi

Mơya, mò Thuỷ pà g^t, kàl tơnơ\ hìu bơnhă kung pơn jat tai tam bùm lô tai tài bơh ờ geh bơta rơ wah lơi niam rlau.

Ờ g^t lơh mbè lơi sơl. Dilah làng bol tam den a` kung pal tam sơl. Nam do neh hoàc huơr den tus nam tơnơ\ kung pal jat tam tai sơl, lơh bơta lơi pal jat bơta hơ\. Kơ\p kơnờm nam tơnơ\ do, khà priă geh kơl jap rlau nàng làng bol in geh kơnờm.

Kàl do, gùt kơnhoàl Phú Thiện  geh mờr 700 lồ bùm lô, uă ngan là tàm 2 xã Chư A Thai mờ xã Ia Sol. Kờp bal mờ tơl lồ geh priă bơcri bơh 50 tus 60 tơlak priă. Gơ wèt mờ hìu bơnhă ơpah ù, priă bơcri do digơlan gơguh tus 80 tus 90 tơlak priă tàm 1 lồ. Tài bơh ờ tùi jòi geh drà tăc ai bùm lô in tàm kàl do, làng bol kơnhoàl Phú Thiện neh hoàc huơr uă ngan.

Ồng Phùng Trung Toàn, Chủ tịch xã Chư A Thai, kơnhoàl Phú Thiện pà g^t, làng bol tàm tiah do sơn đờm tam bùm lô bơh nam 2011 tus tu\ do mơya broă tăc bùm gơ wèt jơh tàm ală cau kă bro. Jơnau geh tơnhào uă, mơya ờ geh drà tăc kung gơlik geh sơl.

Làng bol lơh broă sa tàm xã tam bùm is lơm, tăc is mờ cau kă bro. Uă ngan là ờ geh khà priă tăc mờ ờ hoan geh cau blơi sơl. Bùm lô là phan tam tơnguh kàl, 3 nhai den lơh niam wơl ù. Dilah geh khà priă tac den cồng nha lơh sa uă ngan, pơgap uă 4 dơ\ pơn drờm mờ broă lơh kòi. Mơya kal ke ngan rlau jơh là drà tăc ờ kơl jap, gơ wèt jơh tàm cau kă bro. Dilah geh mpồl lơh sa kă bro blơi lơh gơlik phan bơh bùm lô den geh dong làng bol tàm tiah do mờ làm  bă tiah, ờ mìng is làng bol tàm xã Chư A Thai lơm gời.

Cau mblàng K’ Hạnh