VOV4.K’ho- Drim ngai 09/3, Gia Lai bơyai lơh cit 61 liều sơnơm vaccine sơn rờp tàm 1 rbô 900 liều sơnơm vaccine rơcang sơndră kòp Covid-19 geh Bộ Y tế tam pà. Jat hơ\, Mpồl kuang bàng lơh sơnơm tàm hìu sơnơm ing sơm kòp Covid-19 càr là ală cau sơn rờp geh cit sơnơm vaccine. Jat cih dờp ngan ngồn, neh geh 12 nă kuang bàng lơh sơnơm tàm hìu sơnơm ing sơm kòp Covid-19 càr Gia Lai geh cit sơnơm vaccine kòp Covid-19 ndrờm niam bè nùs nhơm, ờ gơtìp bơta ờ niam lơi tơnơ\ tu\ cit.

Tàm 2 ngai, 9 mờ 10/3, bal mờ 61 nă kuang bàng lơh sơnơm tàm hìu sơnơm ing sơm kòp Covid-19 den geh 39 nă kuang bàng lơh sơnơm tàm 2, 3 khoa bơh Hìu sơnơm dờng càr Gia Lai dê kung geh cit sơnơm vaccine sơl. 1 rbô 800 liều sơnơm vaccine sơndră kòp Covid-19 gam wơl geh tam pà rê ală tiah geh kòp nàng cit ală cau gam lam lơh broă lơh tàm mpồl lam lài sơndră kòp in.

Cau mblàng K’Duẩn