VOV4.K’ho - Sở Nông nghiệp mờ Phát triển nông thôn càr Gia Lai pa geh jơnau yal bè bơta gơbàn aniai, broă sơndră mờ tu keo kàl hàm mờ kòp gơcràn nha virus tàm càr do.

Kờp tus ngai 7 nhai 8, tu keo kàl hàm lơh aniai tơngời 14 tàm 17 kơnhoàl, thị xã mờ bă ù gơtìp jơn tàm gùt càr rơlao 5 rơbô 670 lồ; ală tiah neh bơyai sơndră mờ tu geh rơlao 4 rơbô 500 lồ tơngời gơtìp tu keo kàl hàm lơh aniai.

Gùt càr geh mờr 1 rơbô 820 lồ bùm blàng gơtìp croan nha virus, tus tu\ do, mìng rơ\p geh kơnhoàl Ia Pa bơyai lơh chu pơrgu\c rơlao 13 lồ bùm blàng gơtìp kòp.

Kờ` sơcang sơndră mờ tu keo kàl hàm mờ kòp croan nhai virus lơh aniai, ală anih lơh broă tòm bal mờ ală tiah neh tơrgùm đơng lam, bơyai lơh g^t nđờ rơhiang dơ\ bơto bè broă lơh bal mờ lam sồr di pơgăp 4 rơbô 50 nă cau tus bal; mờ bơyai lơh chu pơrgu\c kòp kờ` tơmù ờ uă ngan broă gơtòp kòp lơh aniai làng bol lơh broă sa in.

Cau mblàng Ndong Brawl