Bal mờ broa\ lơh jơh niam kơnòl pơlam tàp, rơ]ang lài tam lơh, ala\ nam do, ua\ mpồng ling lơh broa\ tàm càr Gia Lai neh rơ]ang lài pơ gồp bal mờ mpồl Đảng, Gơnoar atbồ tàm bòn lơgar, làng bol lơh ngan bơt bơtàu bòn lơgar pa.

            Trồ pa àng, ai bơh trồ tiah geh tơngai ra`, gal ngan làng bol bòn Plei Phung 1 mờ cau kuang ntum Biển Hồ, bòn dờng Pleiku, càr Gia Lai neh geh tus tềng lơh gùng tàm bòn mờ tơl phan bơna nàng lơh gơl gùng lòt tus hờ sươn kơphê. Nùs nhơm lơh broa\ slơ chờ hờp, nhap nhar rlau tu\ geh bơta tus bal bơh git nđờ jơt na\ cau kuang, cau ling di mpồl ling Trung đoàn 320, Quân đoàn 3 geh anih lơh broa\ tàm do. Geh bơta lam bồ bơh kuang at bồ ntum mờ  cau kuang Trung đoàn, làng bol tàm bòn Plei Phung 1 neh bal mờ ala\ cau ling geh tam cah gơs mpồl lơh broa\, mờ ala\ bơta broa\ bè: Tờ ù, pơndiang bràs, lu\, sơmang, klài bê tông…geh lơh nhap nhar ngan. Bulah neh gơbàn bòl, dà kơlhề bềng sa\, mơya làng bol mờ ala\ cau ling gam chờ hờp, chờ ngan tài geh gùng pa, lòt rê bươn boài. Ồng Hyưnh kòn cau Jarai kis tàm bòn Plei Phung 1 đơs:“Gùng do lài do la gùng bơ\ mbè, làng bol lòt rê kan ngan. Mơya tu\ do geh lơh mờ bêtông geh lơh gơs, làng bol den chờ hờp ngan. Jat rơndap broa\, gùng do neh lơh  ơnàng mờr 6 thơt bloh,  ờ u\a hìu nha\ neh ai ù, ai cò tềng pơng gàr. Làng bol ờ đơs bơta lơi, nàng lơh gùng bal làng bol in lòt”.

            Ồng Lê Doãn Chiến kuang atbồ Anih duh broa\ làng bol ntum Biển Hồ, bòn dờng Pleiku ai git, broa\ lơh dà lơgar bơt bơtàu bòn lơgar pa gam geh bòn lơgar tus lơh bal nhap nhar ngan, tàm hơ\ geh sền kuơ tus broa\ lơh gùng lòt tàm dơlam sre. Geh dà lơgar dong kờl 700 tơlak pria\, làng bol bòn Plei Phung 1 neh bal mờ cau kuang, cau ling Trung đoàn 320 neh mut lơh rlau 1 kơi sồ 2 gùng lòt, lơh gùng bơh hờ bòn tus hờ sươn  kơphê. Ờ mìng bòn Plei Phung 1, mờ 5 bòn làng bol kòn cau tàm ntum Biển Hồ kung geh Trung đoàn 320 dong kờl lơh niam wơl gùng lòt, lơh niam wơl rbòng dà tàm sre, pơlam bơta chài ròng phan, lơh sa. Ồng Lê Doãn Chiến kuang atbồ Anih duh broa\ làng bol ntum Biển Hồ đơs:“Pơnu bơh trung đoàn 320 neh bal mờ ơruh pơnu bơh ntum dong làng bol tơwah ala\ rbòng dà lòt, tềng mpồng dà mut, lơh kloh ala\ dà mbòr, dong làng bol tàm bòn kòn cau lơh niam tiah kis, ơm kloh, sa kloh slau. Hơ\ sồng, cau ling geh pơlam làng bol geh git ala\ bơta jak chài pa tàm lơh sa, ròng phan, nàng bơtàu tơngguh rài kis, geh tai  tơnhàu”.

            Bal mờ Trung đoàn 320, Quân  đoàn 3, cau kuang, cau ling Trung đoàn 38, Sư đoàn 2, ling kơnhoàl 5 geh anih lơh broa\ tàm kơnhoàl Đăk Pơ, càr Gia Lai kung geh ua\ ngan broa\ lơh at tê bal bơt bơtàu bòn lơgar pa, pơ gồp bal sang sơbì jơgloh tơmù rbah tàm bòn lơgar. Ồng Phạm Văn Thọ kis tàm bòn Hiệp Phú, ntum Tư An, kơnhoàl Đăk Pơ ai git, 3 nam lài,  hìu nha\ ồng la hìu nha\ rbah. Bal mờ broa\ lơh bơh dà lơgar, hìu nha\ ồng gam geh Trung  đoàn 38 pà dùl nơm kơnrồ ròng, dong ngai lơh broa\ tam tàu. Tus tu\ do,  kơnrồ neh dờng mờ deh kòn, 3 lồ tàu kung neh dờng gơs, hìu nha\ ồng neh lơh geh hìu pa mờ lik klàs rbah. Ồng pà git:“Trung đoàn 38 neh pà 1 nơm kơnrồ ròng, dong kờl mờr 100 ngai lơh broa\,  jì nhơt tàu, tam tàu, lơh broa\ sa jơng tê. Lài do,  ờ hềt geh bơta dong kờl bơh Trung đoàn, hìu nha\ kal ke ngan. Lơh broa\ lơi kung bòl  glar lơm, phan tam, lơh sa, cau lơh broa\ ờ geh, mờ pria\ nàng lơh sa kung ờ geh. Gơ lơh ngoh rngac ngan, git ưn ngài Đảng, Dà lơgar mờ Trung đoàn, ling klàng mờ làng bol đềt mềr, dong bal tus cau rbah bòl glar”.

            Trung tá Ngô Sỹ Đống kuang atbồ gah broa\ Đảng bơh Trung đoàn 38, Sư đoàn 2, ling kơnhoàl 5 ai git, bal mờ broa\ lơh gơs broa\ bơsram tàp ling, rcang tam lơh, ala\ nam do, mpồl sùm geh lơh lài geh lơh bal mờ mpồl đơng lam Đảng, gơnoar atbồ bòn lơgar neh bal mờ làng bol nhap nhar bơt bơtàu bòn lơgar pa tàm ù tiah geh anih lơh broa\. Ờ  mìng tus bal mờ ngai lơh broa\,  mpồl gam blơi kơnrồ, sur mờ sơntìl chi tam nàng dong kờl ala\ hìu nha\ rbah in ròng, tam, mơ kung geh pơlam tơn làng bol lơh sa, ròng phan geh cồng nha. Trung tá Ngô Sỹ Đống đơs:“Kơnrồ bơh Trung đoàn pà den cau geh ròng, kơnrồ geh dờng niam, bơ sơnrờp neh jơh deh kòn. Ala\ hìu nha\ den neh bơh sơnrờp bơsong geh kal ke. Tơnơ\ tu\ sang sơbì jơgloh tơmù rbah jơh 6 hìu do,  bol a` geh pơnjat tai sền gròi mờ dờp geh dong tai. Tơngai tus, bol a` ờ mìng geh dong blơi sơntìl, lơh wàng, he gam gơtùi lơh tai ala\ phan bơna nàng khi gh gùng  ròng phan ròng niam rlau, geh cồng nha rlau”.

            Mờ ala\ broa\ lơh ngan ngồn bè hơ\, ala\ mpồl  ling geh anih lơh broa\ tàm càr Gia Lai neh bal mờ mpồl đơng lam Đảng, gơnoar atbồ bòn lơgar bal mờ làng bol ala\ kòn cau sơmbat tê bal bơt bơtàu bòn lơgar pa. Ala\ broa\ lơh ngan ngồn, geh cồng nha do neh slơ geh lơh tam klac rlau tai bơh ling klàng mờ làng bol.

                                                                        Cau mblàng K’ Brọp.