VOV4.K’ho- Jat jơnau yal bơh Mpồl đơng lam rơcang sơndră kòp Covid-19 càr Gia Lai dê, mho mang ngai 07/7, Gia Lai geh tai 2 nă cau  bơtờp mờ virus Sars CoV-2 ndrờm ơm kis tàm ƀòn Kte, xã H’Bông, kơnhoàl Chư Sê, càr Gia Lai.

Mpồl lơh sơnơm càr Gia Lai lơh xét nghiệm cau rê bơh tiah geh kòp in

 2 nă cau pa git gŏ bơtờp kòp ndrờm là cau klau, K.N (deh nam 2003) mờ K.Q (deh nam 2001) ndrờm ơm kis tàm ƀòn Kte, xã H’Bông, kơnhoàl Chư Sê, càr Gia Lai đì rơndeh măi bơh sồ hìu 163 gùng Huỳnh Tấn Phát, sơnah ƀòn Tân Thượng Đông, quận 7, ƀòn dờng Hồ Chí Minh rê tus xã H’Bông, kơnhoàl Chư Sê tàm ngai 04/7. Tŭ do, 2 nă cau kòp neh geh lam lòt tam cah is mờ sơm kòp tàm anih tam cah is tơrgùm bal bơh càr Gia Lai dê. Mpồl lơh broă geh gơnoar kung sơbac mhar lam lơh broă đal git tiah geh kòp mờ jòi ală cau F1, F2 geh gơ rềng. Gơ wèt mờ 2 nă cau bơtờp kòp pa, kờp bơh ngai 26/4 tus dŭ do, Gia Lai neh geh 6 nă cau bơtờp mờ virus Sars CoV-2.

Cau mblàng K’Duẩn