VOV4.K’ho – Drim ngai 20/6, Sở Tài chính Gia Lai geh dơ\ pơrjum mờ kuang đơng lam bồ ală sở, gah lơh broă mờ 3 kơnhoàl Chư Pưh, Chư Prông, Đức Cơ gơ rềng tus broă priă jền dong kờl ai cau ròng phan geh sur gơbàn kòp jê ndul gơ jroh sur châu Phi in. Tàm dơ\ pơrjum, ală mpồl ring bal dan mờ UBND càr Gia Lai sền sơwì geh khà dong kờl ai cau ròng phan geh sur kòp gơtìp tơp pơrguc.

Jat hơ\, gơwèt mờ sur dềt, sur lơh poac ală bơta dong kờl 80% khà priă tac tàm drà kă bro; gơ wèt mờ sur me, sur dam sơntìl gơtìp tơp pơrguc geh dong kờl 2 dơ\ khà dong kờl ală bơta sur ndai. Mơkung sồr Sở Nông nghiệp mờ Phát triển nông thôn Gia Lai bơt bơtàu broă rơndap lơh dong kờl kòp pluh, trồ tiah lơh aniai tàm gah lơh sa suơn sre nàng lơh bơnàng jă lam lơh.

Cau mblàng K’Duẩn