VOV4.K’ho- Bác sĩ Hồ Ngọc Gia- Kuang ătbồ Anih tờm gròi sền kòp tê jê să càr Gia Lai dê pà gĭt: Bơh bồ nam tus tŭ do, jơh gùt càr sền gŏ 164 nă cau bơtờp kòp sốt xuất huyết, gơmù 63% pơndrờm bal dùl tŭ mờ nam lài. Khà cau bơtờp gơbàn uă tàm ală kơnhoàl: Krông Pa, Phú Thiện, ƀòn dờng Pleiku mờ thị xã Ayun Pa.

Bulah khà cau bơtờp kòp sốt xuất huyết gơmù pơndrờm bal dùl tŭ mờ nam lài, mơya ờ gŏ di tài bè hơ̆ mờ ờ rơcăng ngăc, ờ kơrhia tàm broă lơh rơcăng sơndră kòp. Anih tờm gròi sền kòp tê jê să càr Gia Lai dê ai lài rơcăng lài tơl cau tàm mpồl cau mờng chài rơcăng sơndră kòp sốt xuất huyết càr, mpồl sùm lơh kơnòl broă mơkung dờp lơh kơnòl broă kơnă kơnhoàl mờ kuang bàng sùm lơh kơnòm broă bơh hìu sơm xã dê lơh jăt broă lơh rơcăng sơndră kòp sốt xuất huyết tàm mpồl bơtiàn. Bal mờ hơ̆, pơn jăt tai hòi jà bơta tus bal bơh jơh ală anih lơh broă chính trị tàm ƀòn lơgar tus bal tàm broă lơh rơcăng sơndră kòp; lơh pràn mblàng yal, hòi jà làng bol tus bal tàm broă lơh gơ sơ̆t sơmack, kih dà.

Cau mblàng Lơ Mu K’Yến