VOV4.K’ho - Hìu sơnơm kơnhoàl Chư Sê, càr Gia Lai neh lơh jăt ală broă lơh tam cah is 3 nă cau (gam là F1) tàm dùl hìu nhă tài neh tìp mờ 1 nă cau geh gŏ mờ kòp Covid-19 tàm càr Bắc Giang.

3 nă cau do geh ngui broă tam cah is geh ơm bal tàm sồ hìu 18, mpồl ƀòn 9, gùng Cách Mạng, thị trấn Chư Sê, kơnhoàl Chư Sê, càr Gia Lai neh geh tŭ tìp mờ cau hìu nhă là công nhân bơh Công ty TNHH HOSIDEN Quang Châu, tàm càr Bắc Giang geh gŏ mờ virus Sars CoV-2, tŭ rê tus càr Bắc Giang nàng jun bao cau tàm hìu nhă tờm. Cau geh gŏ mờ virus Sars CoV-2 geh sền jăt cồng nha xét nghiệm tàm ngai 19 nhai 5. Tơnơ̆ mờ tŭ rê tàm kơnhoàl Chư Sê, 3 nă cau rê bơh tiah gơtìp kòp neh rơcang yal bè broă lơh sơnơm mờ pơn chèo glòm muh măt tàm tiah gal cau, geh kuang bàng lơh sơnơm bơto sồr ală broă tam cah is tàm hìu.

Tŭ do, ală công nhân gam geh bơta pràn kơl dang să jan bè ờs, ờ bơsiă, ờ duh să, ờ săp ntơh, ờ glar bòl mờ gam pơn jăt tai geh sền gròi să jan.

Cau mblàng Ndong Brawl