VOV4.K’ho- Bulah pa mut tàm dơ\ tuh dà dơ\ 2 ai kơphe in, mơya cau lơh broă sa uă tiah tàm càr Gia Lai gam pal kong mờ bơta trồ prang soat dà, ờ tơl dà kơn jơ\ ngan. Bơta do ờ mìng lơh kal ke ai broă lơh sa, tơnguh priă bơcri mờ gam geh bơta digơlan geh aniai tus broă tơnhào, khà kơphe lơh geh tàm lồi kàl.

Neh 1 poh do, hìu bơnhă mò Trần Thị Lệ Xuân (56 sơnam), ơm tàm thôn Dơ Mó, xã Kông Htok, kơnhoàl Chư Sê, càr Gia Lai, bol glar ngan jòi dà tuh ai 3 lồ kơphe bơh hìu bơnhă dê. Ơm kơ\p ngai mờ mang nàng dan dà tuh, mơya kung gam geh 1 lồ kơphe bơh mò Xuân dê pal kong mờ bơta nhòp ro tài uă ngai do ờ geh dà.

Kơnờm tơrlung dà cau rềp bal mơya tu\ geh tu\ ờ. Khi kung pal tuh dà sơl, ờ geh lời gời nàng ai he in tuh ờ. Dà kal ke ngan bè do den he kung lòt dan mờ cau rềp bal lơm. Khi kung pal tuh dà sơl den he mìng gơtùi tuh tàm trồ mang den he pal drơng. Kơphe pa tam, nhòp ro jơh bloh.

Bulah geh 2 nơm tơrlung dà tờ jrô 30 thơk, mơya ală ngai do, ồng Phạm Hoàng (deh nam 1956) ơm tàm [òn Dơ Mó, xã Kông Htok, kơnhoàl Chư Sê, kung kal ke ngan sơl tàm broă jòi tuh dà kơphe in tàm trồ prang do. Ồng Hoàng pà g^t, trồ prang lơh jơh 4 lồ kơphê bơh ồng dê nhòp ro jơh, uă ntê kơphê neh ro jơh tơn. Gam tàm tơngai ròng plai kơnòm, broă ờ tơl dà geh lơh suơn kơphe ồng dê gơtìp gơmù tơnhào tàm lồi kàl. Lơh ngan dong kờl suơn chi, ồng Hoàng pal blơi dà bơh ală tơrlùng dà ndai, mờ khà priă 35 rơbô đông dùl jiơ [ồm dà. Tài bơh trồ prang mờ tàm kàl do hìu bơnhă ồng neh pal tă mờr 7 tơlak priă ai broă blơi dà tuh.

1 ngai, a` ơpah tuh 12 jiơ, pah jiơ 35 rơbô đông. Tuh dà là pal tuh tus mang àng nàng ai cau ndai in tuh tai. 1 lồ pal tuh 2 ngai 2 mang. Pah nam, trồ prang soat dà den sơlơ dờng rlau tai. Nam do trồ prang uă rlau mờ nam lài.

 Gia Lai geh rlau 93 rơbô lồ kơphe, tàm hơ\, geh pơgap 80 rơbô lồ tàm tơngai geh plai. Tu\ do, cau tam kơphe tàm Gia Lai pa mut tàm dơ\ tuh dà dơ\ 2, mơya, bơta trồ prang soat dà gơlik geh tàm uă tiah geh ờ uă broă lơh bơtơ\t r[òng dà bè: Mang Yang, Đăk Đoa, Chư Sê, Chư Pưh mờ Đức Cơ.

Jat Thạc sĩ Mai Minh Tuấn, Kuang atbồ phòng Kỹ thuật Trung tâm Khuyến nông càr Gia Lai pà g^t, bơta trồ prang soat dà geh uă rlau mờ ală nam. Kàl prang nam 2019, gam jo\ jòng ngan, lơh ngan tờ tơrlung dà nàng tuh dà ai phan tam in gen kal ke ngan nàng bơsong gơtùi broă do. Nàng tơrmù bơta aniai bơh trồ prang soat dà, ală cau tờm suơn pal ngui ală broă lơh tuh dà tềm pềr pơgồp bal mờ broă sơlơ tơnguh gàr niam sùh ìo ù in tơnơ\ dơ\ tuh jơh dà:

Kuơ màng ngan là ală broă lơh sơlơ tơnguh sùh ìo ai ù in. Pơn yơu bè, tơnơ\ dơ\ tuh jơh dà, den pal jơm tờm chi kơphê, tam chi lơh mhur, kơryan càl. Jơnau kờ` bơh broă lơh do là nàng kơryan bơta gơ rềng bơh mat tơngai sòl tơn tàm suơn kơphe, kơryan tơlik nhơm dà. Bơdìh hơ\ tai, tu\ do, Bộ Nông nghiêp geh tơn broă bè crăp ding dà tuh tềm pềr, dong khà dà tuh ết rlau, mơya dơ\ tuh uă rlau den dà ai phan tam in kung ring rlau tai.

Cau mblàng K’ Hạnh