VOV4.K’ho - Bulah gam ua\ ngan kal ke, mơya bơh tu\ geh Anih duh broa\  làng bol kơnhoàl Krông Ana, càr Dak Lak rwah la ntum lơh lài bơt bơtàu [òn lơgar pa, cau kuang mờ làng bol ntum Quảng Điền neh tam klac dùl nùs, geh bal lơh ngan lơh gơs nàng gơ gơs la cau lam bồ lài tàm  bơt bơtàu [òn lơgar pa bơh kơnhoàl, muh mat [òn lơgar, rài kis làng bol geh tam gơl go\ loh ngan.

            Kờp bơh tu\ mut lơh bơt bơtàu [òn lơgar pa, ntum Quảng Điền neh lơh pràn broa\ lơh mblàng pơlam nàng tơl rnàng làng bol git wa\ mờ bal mờ gùt gùng dra\ bal tus bal. Tàm hơ\, ai git broa\ lơh bơt bơtàu phan bơna [òn lơgar sơnđìng ngan tàm bơta pràn geh bơh làng bol la tờm ngan. Mờ broa\ lơh “Dà lơgar mờ làng bol lơh bal, làng bol lơh  Dà lơgar dong kờl’ ua\ hìu nha\ neh ring bal jat broa\ lơh niam, lơh geh gơs srơh broa\ lơh dờng màng tàm gùt làng bol. Tơl hìu nha\ neh nhap nhar tàm broa\ lơh geh mờ lơh niam wơl hìu ơm, lơh hìu ja\ brê, lơh pơ gàr, mpồng pơng gàr, gùng lòt neh cèng wơl muh mat [òn lơgar niam kloh ờ mìng tus hìu nha\  he dê mờ gam tus bal mờ [òn lơgar. Bè ồng Nguyễn Lộc [òn 1 neh ai is rlau 560 thơt kơre ù ơm mờ 24 tơlak 500 rbô pria\, ồng Phan Văn Đa kis tàm [òn 2 ai is 150 thơt kơre ù kờ` lơh gùng lòt hala ồng Nguyễn Lành kis tàm [òn 1 ai is rlau 41 thơt kơre ù nàng lơh hìu ja\ brê bơh hìu bơsram ơdu\ bơh sơnrờp [òn 1…Ồng Nguyễn Lộc tam pà: Bơh jo\ ngan, làng bol bol a` geh kơp kờ` kơp kờ` geh dùl nơm gùng lòt dờng ơnàng kờ` buơn tus broa\ pơndiang phan bơna, tơl cau ờ gam pal ờ suk tai gơbàn gơ cồt bơh gùng ntiar hala gơbàn bo\ bơ\ mbè tu\ nhai  mìu tus. Den tàng ngan, tu\ dà lơgar geh broa\ lơh lơh gùng lòt tàm [òn lơgar, bol a` chờ ngan mờ lơh ngan ta\ pơ gồp ai pràn he dê tài bơta  bơtàu tơngguh bal bơh [òn lơgar…

            Ồng Lê Văn Kiên kuang jat jơng atbồ Anih duh broa\ làng bol ntum Quảng Điền, ai git: bơh tu\ Quảng Điền mut lơh bơt bơtàu [òn lơgar pa làng bol neh ta\ pơ gồp is 1 tơmàn 200 tơlak pria\ nàng crap gơs bong đèng pờ àng tàm ala\ gùng lòt, mờr 600 tơlak pria\ nàng lơh niam, lơh ơnàng 20 kơi sồ 4 gùng klơn ù tàm [òn làng bol ơm kis, ta\ geh 1 tơmàn 200 tơlak pria\ mờ git nđờ rhiang ngai lơh broa\ kờ` lơh ala\ gùng mờ bê tông tàm ala\ [òn mờ jòng gùng la 1 kơi sồ 3, rlau 700 tơlak pria\ neh geh lam sồr geh kờ` lơh gơs hìu bơsram, phan ngui tàm hìu bơsram. Bal mờ hơ\,  làng bol tàm ntum kung neh ta\ pơ gồp rlau 6 tơmàn pria\ kờ` lơh  mờ bê tông 5 kơi sồ rbòng dà tàm dơlam sre mờ 800 thơk rbòng dà sơndra\ soat dà…Tus tu\ do,  gùng lòt tàm ntum mờ jòng 5 kơi sồ kung neh geh la\ mờ cài, gùng tàm [òn neh lơh mờ cài di 4 kơi sồ 2 tàm 7 kơi sồ, khà rbòng geh lơh kơljap la 18 tàm 26 kơi sồ.

            Ờ mìng geh lơh ngan tàm bơt bơtàu phan bơna, broa\ bơtàu tơngguh lơh sa bơtàu tơngguh pria\ geh tus làng bol kung neh geh mpồl đơng lam Đảng, mờ gơnoar atbồ ntum Quảng Điền sùm sền gròi. Kờ` dong làng bol bơtàu tơngguh lơh sa, ntum neh dong  kờl sơntìl kòi tus ala\ hìu nha\ rbah, mut lơh broa\  lơh ròng kơnrồ deh kòn, dong kờl ai 12 nơm kơnrồ ròng ai 12 hìu nha\ rbah mờ kờp pria\ geh tus rlau 200 tơlak pria\. Bal mờ hơ\,  pah nam, ntum sùm geh lơh bal mờ ala\ anih tờm bơto broa\ lơh tàm dơlam mờ bơdĩh kơnhoàl bơyai lơh pờ ala\ ơdu\ tam jàu bơta jak chài pa tàm broa\ lơh, bơto broa\ lơh…gơ hòi geh git nđờ rbô na\ cau geh tus bal bơsram. Kơnờm bơh hơ\,  ua\ hìu nha\ neh khin cha tam gơl chi tam, phan ròng cèng wơl cồng nha lơh sa jơnhua. Bè hìu nha\ bi Huỳnh Đức Quốc kis tàm [òn 1, mờ broa\ lơh ròng rpa lò, pah nam  geh rlau 100 tơlak pria\. Hala bè broa\ lơh tam bơsềt bơh hìu nha\ bi Đặng Văn Quang kis tàm mpồl 8 [òn 1 pah nam ai geh pria\ jền git nđờ rhiang tơlak pria\. Kung bè hìu nha\ bi Quang, bi Quốc, ua\ hìu nha\ tàm ntum neh git ngui bơta jak chài pa tàm broa\ lơh sa, bơtàu tơngguh rài kis. Kơmờm bơh hơ\, muh mat [òn lơgar bơh ntum Quảng Điền neh slơ ngai slơ niam. Geh kờp bal tơl na\ cau geh rlau 23 tơlak pria\ dùl na\ dùl nam, khà cau lơh broa\ geh broa\ lơh sùm la 3.845 na\ cau, geh  tus 90,5%, gùt ntum gam 96 hìu nha\ rbah.

            Đơs wơl bè broa\ lơh bơt bơtàu [òn lơgar pa tàm ntum Quảng  Điền, ồng Nguyễn Đình Viên kuang atbồ anih duh broa\ làng bol kơnhoàl Krông Ana, ai git: “Broa\ lơh bơt bơtàu [òn lơgar pa bơh ntum Quảng Điền neh geh mut lơh go\ loh ngan, song dơpa\ mờ lơh tờm, lơh geh bơta ring bal, kờ` bal bơh cau kuang mờ làng bol tàm ntum. Kờp tus tu\ do, Quảng Điền neh lơh geh 17 tàm 19 khà broa\ pal lơh, jơnhua ngan gùt kơnhoàl. Tàm tơngai tus, ala\ gah, sơnah lơh broa\ geh pơnjat tai lơh ngan lam sồr mờ mut lơh 2 broa\ gam wơl la gùng lòt mờ lơh sơnơm, lơh ngan tus jơh nhai 6 nam do, Quảng Điền geh lơh geh tơl khà [òn lơgar pa kờ` gờm chờ dơ\ pơrjum bơh mpồl đơng lam atbồ Đảng kơnhoàl Krông Ana.

                                                                   Cau mblàng K’ Brọp.