VOV4.K’ho - Trồ tiah mrềt bal mờ mhoal mrềt tàm ală ngai bồ nhai 2 neh lơh g^t nđờ rơhiang lồ kơphe tàm ală hìu làng bol kơnhoàl Lạc Dương, càr Lâm Đồng gơtìp ro nha, ro ntê. G^t nđờ rơhiang hìu ờ su\k ngan tu\ suơn kơphe – do là phan tam tòm gơtìp ờ geh tơnhào.

Ồng K’ Hương, kis tàm [òn Dà Ra Hoa, xã Dà Nhim, kơnhoàl Lạc Dương moăt tu\ rơlao 3 lồ kơphe – do là phan tam tòm ngan hìu nhă ồng dê gơtìp ro nha, ntê tài mhoal mrềt lơh aniai.

                             Kơphe tàm kơnhoàl Lạc Dương gơtìp aniai tài mhoal mrềt

Ồng K’ Hương pà g^t, suơn kơphe pa geh hòn wơl tơnơ\ mờ kòn `ui lơh aniai, tu\ do gơtìp mhoal mrềt tai den sơbì gời ngan.

-Suơn kơphe tu\ do ờ gơtùi hòn tai, neh gơtìp mhoal mrềt lơh den ờ gơtùi hòn gơs tai, sơbì tơn. Tu\ do, kơphe lơh kung bè ờ geh lơh, sơlơ uă sơlơ hoàc huơr uă. Di lah geh plai, he tăc cau in kung ờ tu\ lơi geh khà priă.

                                                   Uă suơn kơphe gơtìp aniai bơh 30 tus 70%

Ndrờm bal mờ hơ\, rơlao 1 lồ suơn kơphe hìu nhă lo\ Cil Plem, kis tàm xã Dà Sar kung gam gơjrùh nha, ro cồng. Lo\ Cil Plem ờ su\k ơm đơs:

-Kơphe nha, ntê jơh ro, tòm jơh chơ\t. Nam do, kơphe di gơlan sơbì gời tài lơh kơphe kung ờ geh tơnhào.

Ồng Bùi Văn Trình, Phó Chủ tịch UBND xã Dà Nhim, kơnhoàl Lạc Dương pà g^t, kơphe là phan tam tòm ngan xã do dê. Dơ\ mhoal mrềt pa do neh lơh ală suơn kơphe gơtìp chơ\t aniai bơh 30 tus 70%, lơh aniai uă ngan tus mờ broă lơh sa làng bol dê.

-Kờp jơh bă ù tam kơphe tàm xã geh mờr 1 rơbô lồ, tu\ do gơtìp mhoal mrềt lơh ro jơh nha di pơhăp 300 lồ. Bă ù gơtìp aniai uă ngan. Kờ` tơmù hoàc huơr làng bol in, pal òt sơbì jơh, mơya bă ù gơtìp mhoal mrềt lơh gơbàn ờ geh tơnhào.

                           Mhoal mrềt neh lơh uă hìu tam kơphe ờ geh tơnhào

Jăt khà kờp bơh gah lơh sa suơn sre kơnhoàl Lạc Dương yal, jơh gùt kơnhoàl geh rơlao 468 lồ kơphe bơh 801 hìu gơwèt ală xã Dà Nhim, Dà Chais, Dà Sar gơtìp aniai uă tài mhoal mrềt, kòp du\ hoàc huơr di pơgăp 50 tơmàn priă.

Lo\ Nguyễn Thị Thuỳ Trang, kuang bàng lơh broă tàm phòng Nông nghiệp mờ Phát triển Nông thôn kơnhoàl Lạc Dương bơto pơlam, gơwèt mờ ală bă ù suơn kơphe  gơtìp mhoal mrềt lơh aniai di mơ, làng bol pal òt, ha la koh ntê wơl.

Gơwèt mờ bă ù gơtìp hoàc huơr uă, den koh bơh nggùl tòm kờ` pleh mờ tòm kơphe ba` gơtìp chơ\t. di lah làng bol di tu\ koh, tòm kơphe geh căt tòm pa mờ hòn gơs niam wơl.

Lo\ Nguyễn Thị Thuỳ Trang kung bơto pơlam làng bol pal sền gròi nền nòn trồ tiah kờ` rơcang tàm broă sền gàr phan tam, tơmù ờ uă ngan hoàc huơr:

-Làng bol pal sùm sền gròi kờ` g^t bè jơnau tơng^t bơh trồ tiah, kờ` g^t ală bơta tam gơl trồ tiah tàm xã dê kờ` geh broă sơndră gờ`. Pơlam sồr làng bol gờ` tu\ gơbàn mhoal mrềt den pal tuh dà kơphe ha là phan tam in tàm àng drim gờ` tu\ măt tơngai ờ hềt sòl kờ` tơmù uă ngan bơta aniai bơh mhoal mrềt lơh gơbàn.

Làng bol kung gơtùi ngui broă bruh nhơm duh kờ` tơnguh bơta duh, lơh gơmù bơta aniai bơh mhoal mrềt.

Tàm tơngai kơ\p tòm kơphe căt pa mờ hòn wơl, gah lơh sa suơn sre lam sồr làng bol tam bơrlu\ bal ală phan tam ờ jo\ tơngai kờ` gàr niam bơta duh tòm kơphe in mờ geh priă ing.

 Mờ ală xã kung gam bơyai kờp sền bă ù gơtìp aniai, dan mờ càr kờ` gờ` geh broă tơmù hoàc huơr mờ dong kờl ală hìu làng bol gơtìp aniai.

Cau mblàng Ndong Brawl