Kơnhoàl Đơn Dương, càr Lâm Đồng gam lơh dùl hìu bơsram kai II, geh tơl khà dà lơgar nàng lơh lài tus mờ ala\ hìu bơsram tiah bòn lơgar tàm gùt kơnhoàl. Hơ\ la hìu bơsram kai II Ka’ Đô, tiah đah jum dà dờng Dà Nhim. Hìu bơsram pa geh tơl khà dà lơgar nam 2014 mờ do la hìu bơsram dơ\  bàr geh tơl khà dà lơgar tàm 13 hìu bơsram kai II tàm gùt kơnhoàl.

            Hìu bơsram kai II Ka’ Đô geh ù tiah ơnàng di rlau 8 sào 2 cuờng, bơh bơdĩh sền mut la ròt cơldu\ bơsram  hìu 3 ]ờ` niam bơne\ mờ 16 cơldu\ bơsram, geh lơh tơrbo\ bal mờ 2 ròt hìu 2 gah geh 5 cơldu\ bộ môn mờ ròt hìu  lơh broa\ bơh gơnoar at bồ hìu bơsram 2 ]ờ` pa lơh gơs nam bơsram pa do. Blàng hìu bơsram đah lài geh da\ mờ bêtông, geh tam bal ala\ chi mờ bơkàu, đah tơnơ\ ròt ơdu\ bơsram tờm la dùl blàng nhơl ơnàng ngan geh tơl anih nàng kơnòm bơsram nhơl nho\, tàp pràn sa\ ja`. Tàm pòt hìu bơsram la ròt hìu ja\ brê pa lơh kloh niam ngan, bal mờ hơ\ la dà tơr lung khoàng mờ drong dà-la broa\ lơh bơh broa\ lơh “The Care To Help” lơh geh pà hìu bơsram mờ bơta dong kờl bơh 2 na\ cau dong kờl cau Mỹ.

            Tàm 3 nam do, hìu bơsram kai II Ka’ Đô neh geh bơcri lơh pa rlau 17 tơmàn pria\ nàng lơh pa jơh hìu bơsram. Do geh la dùl hìu bơsram  geh lam lài tus ala\ hìu bơsram kai II tàm bòn lơgar tàm  kơnhoàl-bòn lơgar pa Đơn Dương, càr Lâm Đồng.

            La hìu bơsram “lam lài” den tàng ala\ cơldu\ bơsram geh lơh ơnàng ngan, tơl khà kờ` ơnàng, tơl àng, geh blơi bàng kơghe\ pa, geh mpàng jù từ, sơndra\ mờ gơ làl. Ala\ cơldu\ bộ môn, geh 5 cơldu\ la cơldu\: (Tin học, Anh văn, Vật lý, Sinh học-Công nghệ, Hoá học) geh tơl phan bơna ngui nàng  drơng broa\ bơsram. Hìu bơsram geh ơdu\ bơhìan mờ ala\ rùp hin bè hìu bơsram lài hơ\ geh prap wơl, dùl hìu sền prap sra\ geh ua\ sra\ nggal ngan, lơh broa\ nhap nhar ngan lơh geh khà gơguh jak sùm tàm ua\ nam. Hìu bơsram geh cơldu\ dong mblàng nùs nhơm kơnòm bơsram, ala\ cơldu\ lời tus gah broa\ lơh ndai bè mpồl ơruh pơnu, kơnòm pa tàu, mpồl ndai geh lơh is. Ròt mai\ vi tính bơh hìu bơsram geh tơrbo\ bal mờ internet drơng broa\ at bồ mờ bơto, crap  mạng ờ duh ce Wifi geh ngui gơ glòm jơh tàm gùt hìu bơsram. Cơldu\ kham sơm kòp hìu bơsram tàm ua\ nam do kung geh lơh broa\ niam ngan, la anih lơh sơnơm lam bồ lài tàm khà hìu bơsram kai II tàm Đơn Dương.

            Nam bơsram 2013-2014 pa do, hìu bơsram kai II Ka’ Đô geh 738 na\ kơnòm bơsram bơh ơdu\ 6 tus ơdu\ 9, tàm hơ\ geh rlau 100 na\ kơnòm bơsram la kòn cau kis bơh yau.

            Tàm ua\ nam do, hìu bơsram kai II Ka’ Đô la dùl  tàm ala\ hìu bơsram geh khà bơto bơsram lam bồ lài bơh kơnhoàl Đơn Dương. Bulah geh kơnòm bơsram kòn cau bơsram bal, mơya khà tus lòt bơsram pah nam bơh hìu bơsram bơsram drờm geh tus sùm 99%, ờ geh kơnòm bơsram ơm wơl ơdu\. Hìu bơsram geh mut lơh niam broa\ bơto jak bơsram jak, geh bơto tơngguh tai khà kơnòm bơsram jak, bơto bơsir tai kơnòm bơsram ờ jak. Khà kơnòm bơsram jak tơl làm pah nam geh rlau 33%, kơnòm bơsram bơsram  jak rlau 35%, ua\ kơnòm bơsram bơh hìu bơsram geh khà tàm ala\ dơ\ pơr lòng bơsram jak khà kơnhoàl mờ khà càr pah nam, geh khà pơr lòng Toán tàm internet, pơr lòng dà Mỹ bơh internet, pơr lòng  đơs mờ bơr  dà Mỹ khà kơnhoàl…

            Hìu bơsram kung la dùl anih àng ngan tàm Đơn Dương bè ala\ broa\ lơh bal  tàm hìu bơsram mờ ala\ dơ\ pơr lòng khà hìu bơsram pah nam bè pơr lòng Tàp pràn sa\ ja` Phù Đổng, pơr lòng đơs crih Tuổi Hồng, pơr lòng tam ya, pơr lòng lơh gu\ đèng, pơr lòng bơka sa\ hàng, pơr lòng đơs crih kòn cau, pơr lòng ala\ bơhìan nhơl yau, pơr lòng yal jơnau bè Bác Hồ, đơs crih tam ya mờ gal ngan kơnòm bơsram geh  tus pơr lòng bal. Hìu bơsram sùm bơyai lơh broa\ lơh hờ bơdĩh hìu bơsram ai kơnòm bơsram in, bơto bơtê bơhìan rài  dà lơgar, kac màng, nùs nhơm kờ` gơboh dà lơgar, yal bè adat gùng lòt đang gờl, rcang sơndra\ tam lơh tam hìu bơsram, lơh geh bơta niam, git wa\ tus kơnòm bơsram, sền gàr hìu bơsram, ơdu\ bơsram, sền gàr ờ lơh bơ\ bơl hìu kơlik hìu bơsram, bàng, kơghe\, ờ  sang sìô sia\ tàm blàng hìu bơsram  mờ tiah gal cau.

            Dùl bơta pràn rlau tai bơh hìu bơsram kai II Ka’ Đô bơh jo\ do la broa\ geh lơh bal lơh niam ngan tus mờ ala\ gah, sơnah lơh broa\, mpồl bơtìan, gơnoar at bồ tàm kơnhoàl nàng lơh geh hìu bơsram tơl khà dà lơgar. Ngan ngồn mờ mpồl mè bèp kơnòm bơsram bơh hìu bơsram dê. Mpồl mờ tơl sơne\ mpồl tàm ơdu\ lơh broa\ niam ngan, bal mờ hìu bơsram sùm gàr niam khà kơnòm bơsram tàm ơdu\, ba` lời kơnòm bơsram sơbì bơsram, ơm bơsram. Mpồl neh dong kờl bal mờ hìu bơsram ua\ ngan nàng bơtàu tơngguh git wa\ broa\ bơsram bơh kơnòm bơsram, pơ gồp bal mờ hìu bơsram bơtàu tơngguh khà bơto bơtê mờ bơsram tơl làm- klau pơgru Minh ai git bè hơ\. Nàng pơnjờng nùs nhơm bơsram bơh kơnòm bơsram, dong kờl kơnòm bơsram rbah geh rài kis kal ke brồ guh tàm  broa\ bơsram, pah nam kờp bal mpồl  geh dong kờl hìu bơsram in di 100 tơlak pria\ nàng lơh geh pria\ jờng tus mờ kơnòm bơsram.

            Hìu bơsram kai II Ka’ Đô tàm nam bơsram pa geh dùl cơnđoà pa tàm bơto bơtê mờ bơsram sra\. Hìu bơsram pa dờp tai 6 cơldu\ bơsram bơh hìu bơsram Hiệp Đức lài do kềng gah, bơh jo\ do ờ geh ngui mờ lời gời mờ gam geh lơh niam wơl, blơi wơl bàng kơghe\ mờ lơh ơnàng wơl pơng gàr. Mờ 6 cơldu\ bơsram mờ ơnàng  di 2 sào tai tàm ơnàng   tu\ do geh, bol a` geh tơl 22 ơdu\ bơsram ai tus jơh ala\ ơdu\ tàm nam bơsram 2014-2015 tus, hìu bơsram geh mut lơh bơsram 2 bùi dùl ngai tàm jơh ala\ ơdu\-Klau pơgru Minh pà git tai. Do geh la hìu bơsram kai II sơnrờp mut lơh  bơto bơsram 2 bùi tàm dùl ngai ai jơh ala\ kơnòm bơsram bơh hìu bơsram tàm Đơn Dương.            

                                                                                           Cau mblàng K’ Brọp