VOV4.K’ho- Gi\t wa\ drà kă bro, gùng dà bơtàu tơnguh mờ ngui niam ală bơta [ươn bè ù tiah, trồ tiah, brê bơnơm geh is dê ai pà, bàr pe hợp tác xã tàm ù tiah càr Kon Tum gam sền dờng màng ngui công nghệ, lơh sa hữu cơ lơh gơlik phan bơna sàng goh, mơkung lơh bal bơtàu tơnguh tiah tam phan lơh uă tàm broă lơh gơlik phan bơna…Hơ\ là gùng dà gam geh ală hợp tác xã sền dờng màng bơtàu tơnguh nàng kờ` pơgồp bơnah sền gàr tiah ơm kis.

Bulah pa crơng gơs tàm nhai 8 nam 2018 lài do bal mờ 7 nă cau lơm, mơya tus tu\ do, phan bơna biăp, bơkàu bơh hợp tác xã Biăp, bơkàu mờ nhơl chờ Thanh niên tàm thị trấn Măng Đen, kơnhoàl Kon Plông, càr Kon Tum neh geh tăc tàm ală siêu thị dờng bè siêu thị Big C tàm Sài Gòn. Bơta pal chờ hờp là bulah “pa crơng gơs, pa tơlik măt” mơya mờ bơta ngac ngar, jơh nùs jơh tồr bơh ală cau tàm mpồl dê, kung bè bơta niam lơh geh, phan bơna bơh hợp tác xã dê neh geh anih tăc tàm drà kă bro tàm [òn dờng Hồ Chí Minh.

Tu\ do, hợp tác xã gam lơh sa jăt broă lơh hữu cơ tàm bă ù ơnàng 10 lồ bal mờ 15 bơta biăp ală bơta, bè sơlăt, biăp bó xôi, biăp cải thìa, biăp cải ngồng, biăp rơhum, kơ rốt…drơng jơnau kờ` ngui sa biăp sàng goh bơh làng bol dê. Jơh ală broă lơh sa geh lơh jăt broă bơto pơlam bơta chài lơh sa hữu cơ, geh tam tàm hìu glòm mờ ală ding tuh dà lơh is jơh lơm mờ măy mok, ờ ngui dà sơnơm, [ồm sơnơm sền gàr phan tam, hơ pơrgon lơh gơlik biăp tăc tàm drà kă bro in sàng goh 100%. Bi Trần Thị Dung- ătbồ hợp tác xã pà gi\t: Nàng lơh biăp geh tơl bơta sàng goh, bơh broă lơh ù tơn den bol a` ndrờm tus sền, mblàng sền nền nòn ngan tus dì tu\ tơl jơnau sồr den hơ\ sồng tam. Phơng nàng ơn den ngui jơh lơm phơng hữu cơ. Tàm ală tu\ lơh sa, tu\ geh tu kòp kung ờ go\ ngui sơnơm sơnơm sền gàr phan tam mờ bol a` ngui ală bơta sơnơm vi sinh vật đối kháng nàng gơ sơ\t is tu kòp. Ngan den tàng bè hơ\, phan bơna biăp bơh hợp tác xã dê sùm geh cau năc kờ` ngan mờ pin dờn ngui sa.

Bal mờ 10 hìu glòm tam biăp, pah nhai hợp tác xã Biăp, bơkàu mờ nhơl chờ Thanh niên lơh gơlik rlau 6 tấn mờ nggùl biăp. Mơya, mờ khà phan bơna bơh hợp tác xã dê lơh geh tus tu\ do kung rơ\p mìng pa lơh geh pơgăp 40% jơnau kờ` lơm pơndrờm mờ sră dan blơi phan. Digơlan tàm tơngai tus, hợp tác xã geh sơlơ tam tai, rề ơnàng tai bă ù rlau 2 sào mờ nggùl tàm tiah 37 hìu bơnhă làng bol tàm ù tiah thị trấn Măng Đen dê nàng drơng jơnau kờ` ngui sa bơh cau năc dê. Jăt bi Dung yal, kờp bal tu\ rề ơnàng tai bă ù den kung mìng rơ\p lơh geh pơgăp 60% jơnau kờ` bơh cau năc ngui sa dê.

Ndrờm bè hơ\ sơl, hợp tác xã Lơh broă sa sươn sre mờ Drơng broă ala kă bro Trường Tiến Măng Đen tàm xã Măng Cành, kơnhoàl Kon Plong den rwah wơl gùng lòt, lơh bal mờ làng bol tàm ù tiah xã dê tam uă ală bơta tờm chi lơh sơnơm, nàng kờ` lơh geh tơl phan ngui lơh broă mờ lơh uă tàm broă lơh gơlik phan bơna bơh tờm chi lơh sơnơm. Jơnau lơh hợp tác xã do lòt jăt gùng lòt bơtàu tơnguh tờm chi lơh sơnơm, jăt bi Nguyễn Viết Tiến, Kuang ătbồ hợp tác xã dê đơs, tài bơh ù tiah kơnhoàl Kon Plông geh ù tiah, trồ tiah niam ngan ai bơta kis dờng bơh ală tờm chi lơh sơnơm dê. Rlau mờ hơ\ tai, den do kung là tờm chi tam gam geh càr Kon Tum hòi jà lơh pràn bơtàu tơnguh.

 Bulah hợp tác xã pa ngan ngồn mu\t lơh broă bơh bồ nam do mơya tus tu\ do, hợp tác xã Lơh broă sa sươn sre mờ Drơng broă ala kă bro Trường Tiến Măng Đen neh lơh bal mờ mờr 90 hìu bơnhă làng bol tàm xã Măng Cành rề ơnàng bă ù rlau 40 lồ nàng tam tờm măng tây. Ală hìu bơnhă lơh bal, hợp tác xã pà sơntìl, bơto pơlam ală bơta chài tam mờ sền gàr ală tờm chi lơh sơnơm mờ jơh ală ndrờm tam jăt broă lơh hữu cơ lơm, ờ go\ ngui dà sơnơm. Jơh ală phan bơna lơh geh, hợp tác xã blơi jơh mờ lơh gơlik ală phan bơna kă bro.  

 Tus tu\ do, hợp tác xã neh bơcri priă mờr 4 tơmàn đong blơi măy mok nàng lơh gơlik phan bơna bơh tờm chi lơh sơnơm. Tu\ do, hợp tác xã Lơh broă sa sươn sre mờ Drơng broă ala kă bro Trường Tiến Măng Đen neh lơh gơlik geh 4 bơta phan bơna, tàm hơ\ geh: tinh dầu tiêu brê, cao sâm, ơlak kơnuh sơnơm jriang, cê kơldung lọc “lơh gơlik bơh kơnuh sơnơm jriang mờ đương quy). Ală phan bơna bơh hợp tác xã dê neh geh tăc tàm ală drà tàm lơgar, bè [òn dờng Hồ Chí Minh, Đà Nẵng, Bình Thuận…Ồng Nguyễn Viết Tiến, Kuang ătbồ hợp tác xã do, pà gi\t: Tu\ do, bol a` ờ go\ kơlôi drà blơi phan mờ kơlôi uă ngan rlau jơh là phan nàng lơh gơlik phan bơna kă bro. Den tàng bè hơ\, bol a` gam jơh nùs lơh bal mờ làng bol nàng rề ơnàng bă ù tam phan mơkung dong làng bol tam gơl chi tam, tơnguh uă cồng nha lơh sa, mơkung wèt tus bơ\t bơtàu ală anih lơh gơlik phan bơtàu tơnguh kơ\ kơl jăp jo\ jòng.

Jăt ồng Nguyễn Lâm Cảnh, Kuang ătbồ Mpồl tam klăc bal ală hợp tác xã càr Kon Tum dê đơs, tơngai tus, Mpồl tam klăc bal ală hợp tác xã càr dê geh pơgồp bal mờ ală anih lơh broă lơh pràn mblàng yal bè bơtàu tơnguh lơh broă sa sươn sre ngui công nghệ cao gơ jăt bal mờ lơh gơlik phan kă bro tàm ù tiah càr dê. Mơkung ai lài dong kờl priă jền bơh Kes priă dong kờl bơtàu tơnguh hợp tác xã ai bơtàu tơnguh lơh broă sa sươn sre ngui công nghệ cao, lơh sa sươn sre sàng goh, rềp mềl mờ tiah ơm kis mờ lơh gơlik ală bơta phan bơna kă bro…nàng hòi jà ală hợp tác xã bơtàu tơnguh, nàng kờ` pơgồp bơnah dong kờl bơtàu tơnguh lơh sa- mpồl bơtiàn tàm ù tiah do dê.            

          Jăt sră báo Kon Tum- Cau mblàng Lơ Mu K’Yến