VOV4.K’ho- Cau lơh broă sa ală càr tàm Tây Nguyên gam tơrgùm pik tơnhàu tiêu kàl 2018- 2019. Mơya, nam do làng bol ờ go\ chờ hờp tài bơh tiêu lơh ờ geh, tăc ờ yòm. Cồng nha lơh geh tiêu kờp du\ geh 2 tấn 3 tàm dùl lồ, gơmù dùl êt pơndrờm mờ kàl lài, tàm tu\ khà priă tăc gar tiêu mìng pơgăp 50 rbô đong lơm tàm dùl ki\.

Jat Mpồl lơh tiêu Việt Nam yal, kàl pik tơnhàu tiêu nam do, bulah cồng nha lơh geh tiêu tàm bàr pe lơgar tam uă tiêu, tàm hơ\ geh Việt Nam digơlan gơmù mơya tài bơh bă tiêu pik tơnhàu kung gam gơguh sơl, den tàng kờp jơh tiêu lơh geh tàm gùt dunia digơlan kung gam gơguh uă rlau pơndrờm mờ nam 2017. Tiêu lơh geh uă rlau mờ jơnau kờ` ngui neh lơh khà priă tăc tiêu tàm dunia ngai sơlơ ờ gơguh tai, priă cồng lơh geh bơh lơh tiêu gơmù.

Tăc tiêu mờ lơgar ndai bơh Việt Nam dê kung gam kal ke sơl tài bơh ală bơta kòl yal bơta chài bơh ală lơgar blơi tiêu bè: Mỹ, Canada, Anh, Đức, Hà Lan... Cau lơh broă sa kờ` tơnguh priă phan bơna do den pal lơh pràn sơngka sền gàr tiêu jat gùng dà hữu cơ, kơ\ kơl jăp jo\ jòng, pal ờdo ờdă phan sa, jòi gi\t anih lơh, lơh bal mờ mpồl lơh sa kă bro nàng blơi jơh phan lơh geh.

Cau mblàng Lơ Mu K’Yến