VOV4.K’ho- Nàng kờ` tơnguh jơnhoa bơta niam gar kơphê dê, ai phan bơna kơphê bơkah ờ [ơ\ [ơl, kơphê ngan ngồn tus rềp rlau mờ uă cau hùc dà kơphê in, bi Y Pôt Niê ơm tàm kơnhoàl Krông Ana, càr Dăk Lăk neh jơh nùs ngan lòt lùp jòi, lơh măt kă bro Êđê Café, geh uă năc blơi phan kờ` ngan.

Pa lơh jơh ală broă du\t ndơl bơh dơ\ coh kơphê mờ tê, bi Y Pôt Niê tê tờm tơn sơrbac mhar ngan kờp sền nền nòn ngan ală thùng phan nàng kờ` khà phan neh tơl. Bi Y Pôt Niê pà gi\t, ală thùng phan do geh jun lòt jàu ai năc blơi phan in nàng ngui tàm dơ\ sa tềp. Bi Y Pôt Niê, deh nam 1988 là Kuang ătbồ Công ty TNHH Êđê Café, tàm [òn Kla, xã Drai Sáp, kơnhoàl Krông Ana, càr Dăk Lăk dê. Bulah pa ngan ngồn crơng gơs rlau nggùl nam do, mơya ală phan bơna bơh công ty dê neh geh uă ngan năc blơi phan gi\t bơh lài hơ\ bơh jo\ ngan bloh.

Yal bè bơta bơh tài sơnđờm mu\t lơh broă mờ măt kă bro Êđê Café, bi Y Pôt Niê pà gi\t, nam 2014, tơnơ\ tu\ lik klờng Hìu bơsram Cao đẳng Lơh sơnơm Đà Nẵng, bi neh lơh broă tàm bàr pe hìu sơnơm tàm [òn dờng Hồ Chí Minh mờ Dăk Lăk. Dùl dơ\, bi cèng ală kơldung kơphê [òk hìu he dê lơh is nàng pà dùl nă cau bơyô tàm [òn dờng Hồ Chí Minh in mờ dờp geh jơnau prơ jờng rơ ngan bơh cau bơyô hơ\ dê. Cau bơyô gam cih yal tai tàm internet mpồl bơtiàn Facebook yal mờ gơ\p bơyô in bè kơphê bơh bi dê.

Bi Y Pôt Niê, đơs bè do: Bơh sơnrờp ai kơlôi, ai gar kơphê do coh wơr tềng ồs, hơ\ sồng bo\ mờ mpal tơnơ\ hơ\ ai dùl êt nàng klài ai bơyô in hùc nàng sền. Tơnơ\ hơ\, bơyô a` hòi điện thoại mờ đơs wơl, khi jờng rơ ngan đơs là kơphê hùc bơkah ngan, mờ kơphê lơm 100%. Bơh hơ\, gơ\p bơyô sồr a` pờ dùl hìu kă bro halà công ty nàng uă cau in gi\t tai măt kă bro kơphê [òk do. Geh bơh bơta hơ\, den a` jơh nùs ngan lùp jòi mờ rơhời lơh gơlik phan bơan bơh is he dê.

Y Pôt rwah coh kơphê mờ tê nàng gàr bơta [ô bơkah mùl go\ bơh kơphê dê

Lơh tơrlòng gời mơya kă bro ngan, phan bơna kơphê bi dê geh uă năc krơi sền gròi mờ dan blơi. Bơta hơ\ lơh Y Pôt Niê kơlôi sơnơng, `chi gơlơh he ờ lơh gơlik is uă rlau nàng tơnguh jơnhoa priă jền kă bro kơphê bơh làng bol tàm [òn lơgar he dê taih? Kơlôi là lơh, Y Pôt neh tă 100 tơlak priă nàng bơcri blơi măy mok mờ phan nàng lơh sa.

Bồ sơnam 2019, bơh kơphê pik tơnhàu geh tàm sươn hìu bơnhă dê, bi Y Pôt lơh gơlik dơ\ kơphê [òk bơh sơnrờp. Bi khin cha tăc rah rài hơ\ sồng iăt kơno jơnau đơs tă pơgồp bơh cau năc blơi phan dê nàng lơh gơs niam phan bơna. Jăt Y Pôt yal, nàng kơphê geh bơta bơkah, [ô thồm mùl go\ is den broă lơh bơh sơnrờp, coh măy pal geh lơh kơrhia ngan. Mờ kơphê pal kloh ngan, kơphê mìng gơ lơm, ờ go\ bơrlu\ klài tai mờ khăt dùl bơta phan lơi ndai. Gơ jăt tàm bơr bơh tơl sơnam cau dê mờ lơh gơlik phan bơna mờ bơta duh coh krơi is. Gơtùi coh di tơl tu\ gơ jur jù rlau dùl êt. Cau kờ` hùc kơphê bơtang den pal coh gơ in gơ jur jù ngan. Coh mờ tê tềng bơnhă ồs sing mờ lòng den geh dong kơphê gàr geh bơta [ô gam bè ờs mùl go\ bơh gơ dê uă rlau.

Y Pôt rwah coh kơphê mờ tê nàng gàr bơta [ô bơkah mùl go\ bơh kơphê dê

Nàng lơh măt kă bro kơphê gơcèng bơta mùl go\ is, bi Y Pôt neh tus hờ Cục Geh ngui bồ tơngoh jak nàng lơh sră cih mat dan geh gơnoar is măt kă bro mpồl phan lơh geh bơh sươn sre kloh niam, ờ geh sơnơm “Êđê Café”. Bal mờ hơ\, bi jơh nùs yal tơngi\t tàm ală pang internet mpồl bơtiàn, bè: Facebook, Zalo mờ să tờm is lòt tus ală hìu ràng tăc phan tàm dơlam mờ bơdìh càr nàng yal tơngi\t, jòi lùp mờ lơh quèng mờ năc blơi phan. Bi Y Pôt pà gi\t, hìu bơnhă mìng geh 3 lồ kơphê lơm. Den tàng bè hơ\ nàng kờ` geh tơl khà kơphê tăc tàm drà, bi neh lơh bal mờ bàr pe hìu bơnhă làng bol tam kơphê ndai tàm [òn Kla, tơnguh bă ù tam kơphê kloh tus 10 lồ. Mơkung lơh geh broă lơh ai 5 nă cau lơh broă tàm tiah do in tàm broă lơh phan bơh sơnrờp, coh măy kơphê bal mờ priă lơh geh bơh 2 tơlak mờ nggùl tus 4 tơlak dùl nhai.

Tơnơ\ ală nhai kơ\ dơn, lơh ngan pơđơl pràn, Y Pôt Niê neh jòi bàn geh ală năc blơi phan jo\ jòng, geh bal năc blơi uă mờ blơi dùl êt. Tiah tăc phan tàm uă càr mờ [òn dờng, bè: Hà Nội, Thanh Hoá, Quảng Nam, Đà Nẵng, [òn dờng Hồ Chí Minh…dong bi geh drà kă bro jo\ jòng kờp bal pơgăp 4 tạ kơphê [òk pah nhai. Bơtơl tàm hơ\ là kơnòm lơh geh tơl jơnau sồr bè sền swì bơta niam den tàng phan bơna kơphê gar Êđê Café neh geh tăc tus tàm drà Singapore kờp bơh 2 tus 4 tạ pah nhai.

Bi Y Pôt Niê, yal: Do là mpồl kơphê kloh, kơphê hữu cơ organic den tàng bơh sơnrờp bol a` tăc 250 rbô đong tàm dùl ki\. Ai tu\ do bal mờ bơta ờ huan geh bơh kơphê hữu cơ dê den tàng priă tăc neh geh tơnguh tus khà 395 rbô đong dùl ki\. Mờ tu\ do, den mpồl kơphê do geh gơ\p bơyô mờ năc lòt nhơl bơh lơgar ndai sền gròi mờ kờ` ngan.

Y Pôt (cau ơm tàm gùl) yal phan bơna Êđê Café tàm dơ\ lơh drà

Bulah pa crơng gơs mơya Êđê Café neh sơnđờm đơs nền geh anih mờ măt kă bro. Tàm nam 2019 pa do, Công ty TNHH Êđê Café neh dờp geh sră jờng rơ “Mpồl 10 măt kă bro, sră măt kă bro tiơng pơnrơ nam 2019” bơh Viện Sền swì sơ`io khà tàm pơrlòng, gơ wèt Tơrgùm ală mpồl jak chài bơtàu tơnguh mpồl lơh sa kă bro lơgar Việt Nam dê ai.

Yal bè broă rơndăp lơh tàm tơngai tus, bi Y Pôt pà gi\t, geh pơn jăt tai rcăng lài lòt yal tơngi\t mờ tăc phan bơna tus mờ ală hìu ràng tăc phan tàm dơlam mờ bơdìh càr nàng rề ơnàng drà kă bro. Bal mờ hơ\, bi gam kơlôi sơnơng rề ơnàng mpồl phan bơna tus tiêu, bơ, kòi nàng tơnguh bơngă ală phan lơh geh bơh sươn sre bơh [òn lơgar tờm dê.

Bi Y Pôt pà gi\t: Lòt jòi drà kă bro dunia rề ơnàng rlau nàng phan bơna kơphê he dê geh uă năc blơi phan lơgar ndai gi\t tus phan bơna kơphê Dăk Lăk dê là kơphê kloh. Tu\ do, bulah pa rlau 6 nhai lơm mơya chờ hờp ngan tài bơh neh ki\ geh sră pơrgon mờ Singapore. Bal mờ hơ\ den a` gam cribơyai mờ năc blơi phan jo\ jòng tàm Nhờk mờ Hàn Quốc.

Tơnơ\ uă bơta kal ke, gơlơh pa ngan, krơi ngan, Y Pôt Niê neh jòi go\ gùng lòt dipal nàng sơnđờm mu\t lơh broă. Ngui niam bơta pràn bơh ală phan lơh geh bơh sươn sre pơnrơ bơh [òn lơgar tờm dê, klau pơnu Rơđê do neh pơgồp bơnah tơnguh priă jền bơh ală phan lơh geh bơh sươn sre bơh să tờm ală làng bol tàm tiah do dê lơh gơlik.

Cau cih H’Xíu H’Mốc- Cau mblàng Lơ Mu K’Yến