VOV4.K’ho- Tàm 5 nam do, bi Đặng Thị Ngọc Trang, ơm tàm thôn 8, xã Diên Bình, kơnhoàl Đăk Tô, càr Kon Tum, jòi bơsram, lơh jat, khin cha bơcri priă tam bơsềt hữu cơ kloh nàng kờ` bơtàu tơnguh lơh sa hìu bơnhă dê. Tu\ do, broă lơh bơh bi Trang dê đơs nền lơh geh cồng nha lơh sa uă.

Đơs bề bồ tơngoh bơtàu tơnguh sươn dờng tam bơsềt bơh he dê, bi Trang pà g^t, sền g^t broă ròng bơkiar bơsềt jat broă lơh hữu cơ di pal mờ jơnau kờ` ngui bơh khà phan ngui sa kloh niam, bơkah, pràn bơh cau ngui sa dê, mờ geh dùl ềt bơta mờng chài mờ bơta chài tam bơsềt bơh lài, nam 2015, bi Trang bal mờ hìu bơnhă lơh nền lơh sươn dờng tam bơsềt kloh. Mờ priă bơcri geh tềm pềr bal mờ priă càn ngân hàng, bi Trang lơh nền lơh sươn dờng tam bơsềt mờ bơta ơnàng 1 sào (tàm hơ\ geh 2 nơm hìu ndơ\p nàng tam bơsềt). Tus tu\ do, sươn dờng sùm lơh gơlik rlau 30 rơbô kơl dung phôi dùl nam; tàm hơ\ bơsềt bào ngư gàr tơl khà 20 rơbô kơl dung dùl nam, gam wơl là ală bơ sềt ndai bè linh chi, bơsềt tang thar mờ bơsềt sò kò.

Bi Đặng Thị Ngọc Trang tàm tiah tam bơsềt bào ngư he dê

Bi Trang pà g^t, nàng tam bơsềt pal lơh uă ngan broă lơh, tàm hơ\ kuơ màng ngan là broă lơh meo sơn tìl. Dilah lơh meo niam geh bu\t bơ sềt niam, tơn hào uă, ờ hoan kòp tu; sơlơ\u wơl, dilah ờ lơh niam broă lơh do den buơn ngan gơbàn kòp, gơ rềng tus bơta tơn hào mờ bơta niam bơh bơ sềt dê.

Bi Trang mblàng yal, tơl bơsềt gơ dờp mờ ală bơta sơngka sền gàr niam ngan, dilah ờ lơh niam den digơlan chơ\t dùl ròt, buơn ngan gơlam tus hoàc huơr. Dilah g^t lơh bơta g^t wă bè tam bơsềt, bơta gơ kờ` mờ bơta ờ gơkờ` bơh tơl bơsềt dê gơ dờp mờ tiah ơm kis, bơta duh mrềt mbè lơi mờ bơta chài lơh sươn tam, broă sac rơ wah phan tam, broă sơng ka sền gàr… tơl làm den broă lơh tam bơ sềt ngan là ờ go\ kal ke ờ.

Công nhân ơn phôi tàm kơl dung 

Jat bi Trang, den: “Nàng  lơh phôi sơn tìl pal lơh uă ngan broă lơh, bơh broă bơkiar meo sơn tìl tàm kơl dung den tus broă ơn tàm kơl dung phan tam… tus broă hồl thanh trùng, lơh gơsơ\t khih jơh ală kơl dung phôi sơn tìl lài mờ tu\ jun rê ơn tàm hìu  ndơ\p jơngo nàng ròng. Tơnơ\ tơngai pơgap 2 nhai, bơ sềt sơn đờm ai tơn hào, tơngai tơn hào jo\ jòng pơgap 4 nhai. Pah nam sươn dờng ròng bơsềt tăc geh pơgap 15 tấn bơsềt, geh priă rlau 400 tơlak đong, mơkung bơsong broă lơh sùm ai pơgap 10 nă cau lơh broă in mờ priă lơh geh kờp bal pah nhai 4 tơlak đong dùl nă cau".

Mờ bơta kơ\p kờ` ai broă lơh tam bơsềt hữu cơ bơh hìu bơnhă he dê bơtàu tơnguh, bi Trang neh pờ ơnàng broă lơh tam bơsềt tàm Tân Cảnh mờ broă lơh dong kờl sơn tìl mờ bơta chài ai ală hìu bơnhă làng bol geh bơta kơ\p kờ` brồ guh lơh pas bơh broă tam bơ sềt. Tu\ do, bi Trang gam lơh gơs sră nggal kơrnoat boh lam nàng crơng gơs Hợp tác xã bơsềt kloh tàm tiah do dê mờ 7 nă cau tus bal. Bơdìh mờ hơ\, bi gam kơ\p kờ` uă jơnau kơlôi sơnơng dờng bè pờ ơ nàng tai sươn ròng bơsềt tềng mờ bơ sềt lơh sơnơm.

Ơn phôi tàm ală dra nàng jun tàm hìu ndơ\p 

Bi Trang đơs: Mờ tu\ tơngai ai tơn hào mhar, geh cồng nha uă den geh ngui wơl tai phan lơh geh bơh gah lơh sa suơn sre bè [òk cơ, rơ he,… bơta kơ\p kơnờm bơh broă tam bơ sềt gam dờng ngan. Bơdìh mờ hơ\, jơnau kờ` drà kă bro bè ală phan lơh bơh bơsềt ngai sơlơ gơguh uă; tài bơh do là phan ngui sa kloh niam, ờ geh sơnơm bảo quản halà phan ngui lơh sơnơm…

Ồng Nguyễn Hồng Lĩnh - Chủ tịch UBND xã Diên Bình pà g^t, tam bơsềt  gam là broă lơh pa tàm pơlam gùng dà tam gơl rơndap tap sèng lơh sa suơn sre tàm tiah do dê, dong làng bol geh tai bơta sac rơ wah, pơlam gùng dà tàm broă lơh sa. Tu\ do, xã gam kờp sền mờ lơh gơs ală sră nggal kờ` pal geh nàng ki\ hơ ală sră hơ pơr gon blơi bơ sềt kloh niam tàm ù tiah do dê; bơh hơ\ tơnguh broă tam bơsềt pơgồp bal mờ tăc bơsềt nàng gàr geh sùm anih tăc ai phan bơna in, dong tơnguh priă lơh geh ai làng bol in, lơh geh bơta bơtàu tơnguh pa ai broă lơh tam bơsềt kloh niam tàm tiah do in tàm tơngai tus.

Jat ba\o Kon Tum- Cau mblàng K’ Hạnh