VOV4.K’ho- Dùl nam tai cau tam kơphê tàm càr Kon Tum mu\t tàm kàl tơnhàu bal mờ nùs nhơm ờ go\ chờ hờp. Bal mờ cồng nha lơh geh gơmù uă ngan, priă tăc kơphê ờ go\ kơ\ kơl jăp, cau lơh broă sa tàm do gam pal kong tai mờ dùl bơta kal ke tai hơ\ là bơta geh ngan jơnau ờ geh cau nàng apah pik plai kơphê.

Roh mờr 5 ngai lòt làm bă tiah jòi apah cau lơh broă tàm “drà lơh broă’ pik tơnhàu plai kơphê geh lơh tơn kềng gah gùng Hồ Chí Minh, gơl gùng sơne\ puan gơ wèt thôn 5, xã Hà Mòn, ồng Trương Đức Sức, hìu ơm tàm tổ dân phố 2A, kơnhoàl Đăk Hà kung gam ờ hềt gơtùi apah geh sơl cau lơh broă lơi. Ồng Sức pà gi\t, kàl pik tơnhàu plai kơphê nam lài apah cau lơh broă neh kal ke, den nam do sơlơ kal ke rlau tai. Ồng Sức yal: Lòt jòi neh mờr 5 ngai do mơya ờ hềt apah geh dùl nă cau lơi sơl. Plai kơphê tu\ do neh dum kung di bơh 70 tus 80% sơl mơya cau lơh broă apah den dùl êt ir mờ cau lơh kơphê den uă, den tàng lòt jòi neh nđờ ngai do mơya ờ hềt jòi geh cau sơl. Kơphê den ờ geh cồng nha uă, priă tăc den gơmù uă ngan.

Jòi cau lơh broă apah tàm drà lơh broă pik tơnhàu plai kơphê

Tài bơh gơ jăt nhai kàl bal mờ bơta ờ huan geh cau lơh broă apah, den tàng uă cau geh sươn kơphê tàm kơnhoàl Đăk Hà, càr Kon Tum gam gơtìp cau lơh broă apah lơh tơnguh khà priă uă ngan. Bi Văn Thị Hoài, hìu ơm tàm thôn 5, xã Đăk Mar gơlơh dil nùs ngan, bòl glar ngan tài bơh jơh dùl poh do lòt jòi cau lơh broă apah tàm “drà lơh broă” mờ ờ hềt mpồl cau lơi hơ tàm tu\ 1 lồ kơphê hìu bơnhă dê neh dum ro jơh tềng tờm. Bi Văn Thị Hoài đơs bè do: Drim lơi kung ơm kơ\p lơm tềng do. Jòi cau pik neh geh mơya tơnơ\ mờ tu\ lam lòt pik tàm sươn den là go\ geh mpồl lơi kờ` pik. Dan bơta do, dan bơta ne, dan priă apah uă ngan hơ\ sồng dan pal geh anih ơm, hìu geh đèng, geh rơdio, geh dà ia wil tơl. Kờ` den pik ờ kờ` den dô rê.

Kơphê dum gơdùh jơh tềng tờm mơya ờ hềt geh cau pik tơnhàu sơl

Bulah sơ ềl ngan tàm nùs mơya ală cau tờm sươn kơphê tàm kơnhoàl Đăk Hà, càr Kon Tum kung gam pal tơm bơh bơr lơbơn niam, rơle\ rơlùn mờ cau lơh broă apah sơl. Bal mờ priă apah pik dùl tạ plai kơphê gơguh tus bơh 80 tus 90 rbô đong, cau tờm sươn plal pà piang sàu, dà hùc tai mờ geh tai dơ\ sa bơtơl tơnơ\ pah ngai lơh broă mờ pà priă xăng rơndeh ai cau lơh broă apah in. Geh mpồl cau lơh broă gam sồr cau tờm sươn pal crăp wifi drơng jơnau kờ` lơh rài bồ tơngoh mờ tàm tơrbo\ internet mpồl bơtiàn.

Ồng Đoàn Văn Bình, Phó Kuang ătbồ Công ty Kơphê Đăk Ui, geh anih lơh broă tàm xã Đăk Mòn, kơnhoàl Đăk Hà do là mpồl lơh sa kă bro geh mờr 400 lồ kơphê, gơlơh bòl glar ngan pà gi\t bè do: Tài bơh gơ jăt tơngai kàl den tàng cau lơh broă cau tus pik he in cau kung dan tơnguh priă apah sơl. Bồ kàl mìng 75 rbô đong dùl tạ mơya tu\ do dan cau dan tơnguh tus 80 tus 90 rbô đong tàm dùl tạ, geh tu\ là dan tơnguh tus 100 rbô đong dùl tạ. Cau đơs là, pal tơnguh tai dilah ờ tơnguh priă pik apah den cau rê halà cau lòt tus tiah ndai. Tàm jơnau lơh broă gơ jăt nhai kàl den lồi du\t pal kong, pal lơh jăt nùs nhơm cau lòt pik apah plai kơphê he in.

Dùl nă cau lơh broă apah gam pik plai kơphê ai dùl nă cau tờm sươn tàm xã Ngọc Wang, kơnhoàl Đăk Hà in

Là tiah tam uă ngan kơphê bơh càr Kon Tum dê, bal mờ rlau 9 rbô lồ kơphê gam geh plai, kàl tơnhàu kơphê nam do, kơnhoàl Đăk Hà kờ` geh gi\t nđờ rbô nă cau pik apah plai kơphê. Jăt gơnoar ătbồ mờ cau tam kơphê tàm tiah do dê yal, jơnau lơh gơlik bơta ờ geh cau apah pik plai kơphê tàm kàl nam do là tài bơh cau lơh broă bơh bàr pe càr tiah đah tô dà lơgar mu\t, halà bơh Quảng Nam, Quảng Ngãi tus gơmù uă ngan. Tàm tu\, mpồl cau lơh broă apah tàm tiah do kung ờ huan geh sơl tài bơh bàr pe nam rềp ndo cau lơh broă tàm do neh lơh broă jo\ jòng sùm mờ hìu măy, mờ mpồl lơh sa kă bro mờ lơh ală gah broă ndai.

Cau cih Khoa Điềm- Cau mblàng Lơ Mu K’Yến